ქართველმა მოჭადრაკემ , ხუთგზის მსოფლიო ჩემპიონმა ნონა გაფრინდაშვილმა ტოკიოს ოლიმპიადაზე მიმავალ საქართველოს სპორტსმენებს სიტვით მიმართა. მან გაამხნევა სპორტსმენები და დალოცა.

"მოგესალმებით ძვირფასო ოლიმპიელებო, ძვირფასო პარაოლიმპიელებო, მე მგონი დღეს არის ღირსშესანიშნავი დღე, იმიტომ, რომ დამთავრდა თქვენი ნერვიულობა ოლიმპიადის ჩატარება-არ ჩატარებასთან დაკავშირებით. მე თვითონ სპორტსმენი ვარ და ვიცი, რას ნიშნავს, როდესაც ასეთი დიდი ღონისძიება გაუთავებლად გადაიდება. თუმცა თქვენ უფრო დიდი გამოცდა გელით იქ, იმიტომ, რომ პანდემიამ თავისი კორექტივები შეიტანა და ძალიან შეზღუდულები იქნებით ყველაფერში - თქვენ ამხელა მანძილი უნდა დაფაროთ, ჩაფრინდეთ, უცებ გამოხვიდეთ შეჯიბრზე და დაბრუნდეთ, ეს არის ძალიან სერიოზული გამოცდა თქვენის. მაგრამ თქვენს უკან დგას მთელი საქართველო, რომელიც თქვენ დღეს გიყურებთ, გისურვებთ წარმატებას. დღეს აქ მობრძანებულია მთელი ხელისუფლება, მოსულები არიან ვეტერანი სპორტსმენები და ჩვენ იმედით შემოგყურებთ თქვენ. ღირსეული გუნდი ხართ და თქვენგან ველით სერიოზულ მედლებს. ჩვენ გვაქვს ოლიმპიური დევიზი - "უკეთ, ვიდრე წინა ოლიმპიადაზე" და დარწმუნებული ვარ ამ შემართებით იბრძოლებთ და ასე ღირსეულად დაგვიბრუნდებით. დამილოცნიხართ ისე, როგორც გლოცავთ აქ დამსწრე საზოგადოება!"- განაცხადა ნონა გაფრინდაშვილმა.

ოლიმპიური და პარაოლიმპიური დელეგაციების ფიცის დადებისა და ტოკიოს ოლიმპიურ და პარაოლიმპიურ თამაშებზე გაცილების ცერემონიალი თბილისში დრეს გაიმართა.

2020 წელს პანდემიის გამო გადადებული ოლიმპიადა იაპონიაში, 23 ივლისს უნდა გაიხსნას.

ოლიმპიადაზე ორი ზუგდიდელი სპორტსმენიც გაემგზავრება - ძალოსანი გოგა ჩხეიძემ და კარატისტი გოგიტა არქანია.