სპორტული ღონისძიებები ჩატარდება მაყურებლის გარეშე, მაგრამ ყველა მონაწილე უნდა იყოს აცრილი ან ჰქონდეს ჩატარებული 72-საათიანი "პისიარ" ტესტი, ან 24 საათის განმავლობაში მოქმედი ანტიგენის ტესტი - ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, მთავრობის ადმინისტრაციაში გამართულ ბრიფინგზე განაცხადა.

საქართველოში ვაქცინაციის დაწყების დღიდან, 15 მარტიდან გაკეთებულია 1 340 062 აცრა. ერთი დოზით ვაქცინირებულია 850 868 ადამიანი, (29.8%). სრულად ვაქცინირებულია 489 194 პირი. ანუ მოზრდილი მოსახლეობის 14.8%.

7 სექტემბრის მონაცემებით,საქართველოში კორონავირუსის 1 965 ახალი შემთხვევა გამოვლინდა.

ქვეყანაში ბოლო 24 საათში 3 996 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 50 პაციენტი.

საქართველოში კორონავირუსით ინფიცირების სულ 567 922 შემთხვევაა გამოვლენილი, მათგან 523 669 გამოჯანმრთელდა, 7 917 კი, გარდაიცვალა.