ზუგდიდის გარდა, "ერთიანმა ნაციონალურმა მოძრაობამ" პროპორციულ ნაწილში ხმათა უმრავლესობა სენაკსა და წალენჯიხაშიც მიიღო.

სენაკი

სენაკის 44-ვე საარჩევნო უბნის მიხედვით, ზუგდიდის მსგავსად ყველაზე მეტი ხმა პარტია "ნაციონალურმა მოძრაობამ" მიიღო - ოპოზიციურ პარტიას მხარი ამომრჩეველთა 39,94%-მა (8459 ხმა) დაუჭირა, "ქართულ ოცნებას" 38,22%-მა (8094 ხმა).

"გახარია-საქართველოსთვის" – 15,56% მიიღო, რაც 3296 ამომრჩევლი ხმაა. დანარჩენ საარჩევნო სუბიექტებს 1%-ზე ნაკლები აქვთ.

წალენჯიხა

წალენჯიხაშიც ხმათა უმრავლესობა "ერთიან ნაციონალურ მოძრაობას" აქვს - 37,76% (5437 ხმა). "ქართულ ოცნებას" – 34,76% (5006 ხმა). "გახარია-საქართველოსთვის" – 19,02% (2739 ხმა). "ლელოს" 3,35% (482 ხმა), "ევროპულ საქართველოს" 2,12% (305 ხმა).

ცესკოს წინასწარი მონაცემებით, ენმ-მ "ოცნებას" ზუგდიდშიც მოუგო. დანარჩენ საარჩევნო ოლქებში, ხმათა უმრავლესობა სახელისუფლებო პარტიას აქვს.

ყველაზე მაღალი მხარდაჭერა "ქართულ ოცნებას" მესტიაში აქვს - 61,54%.