ახალი ამბები
მავიწროებენ და გათავისუფლებით მემუქრებიან - ზუგდიდის მუზეუმის თანამშრომელი
FaceBook Twitter
E-mail Print
ზუგდიდის დადიანების ისტორიულ-არქიტექტურული მუზეუმის თანამშრომელი, ექსკურსიამძღოლი ელზა ზოდელავა ზეწოლასა და სიტყვის თავისუფლების შეზღუდვაში ადანაშაულებს ხელოვნების სასახლის დირექტორ გიორგი კალანდიას და ზუგდიდის მუზეუმის მმართველ ანზორ ოყუჯავას. ამბობს, რომ შევიწროება, რაც მუზეუმიდან გათავისუფლების და ხელახლა დაბრუნების შემდეგ დახვდა, ახლაც გრძელდება. მისი თქმით, გუშინ მუზეუმში გიორგი კალანდია იმყოფებოდა, დღეს კი ანზორ ოყუჯავამ დაიბარა თანამშრომლები. ერთ-ერთ მათგანს და მუზეუმის მმართველს შორის იყო გარკვეული უთანხმოება, მან კი საკუთარი მოსაზრება გამოთქვა. ამ ყველაფერმა ანზორ ოყუჯავა გააღიზიანა. ელზა ზოდელავას მტკიცებით, მისი შევიწროება სწორედ გიორგი კალანდიას დავალებით ხდება.

"განსხვავებული აზრი თუ გაქვს და აფიქსირებ, ამის უფლება ჩვენ არ გვაქვს. სულ დაძაბულობაა, წნეხი. იწერენ საუბრებს. უნდა დასრულდეს ეს ყველაფერი. მიუღებელია, თუ როგორც ექცევა გიორგი კლანდია ადამიანებს. სულ მემუქრება, რომ გამათავისუფლებს. მუზეუმი არ უნდა იყოს ერთი ადამიანის შპს", - უთხრა მან ჟურნალისტებს.

მუზეუმის თანამშრომელი ირწმუნება, რომ თანამშრომლებს დირექტორი იბარებს კაბინეტში და ხელის მოწერით ადასტურებინებს, ნამდვილად თქვა თუ არა კონკრეტული სიტყვები ელზა ზოდელავამ. ასეთი ფაქტები, ელზა ზოდელავას თქმით ხშირია, დანარჩენები კი ხმას სამსახურის დაკარგვის შიშით ვერ იღებენ, ამიტომ ჯოხი ყოველთვის მასზე ტყდება. დღეს კი, ირწმუნება, რომ ანზორ ოყუჯავა მას პროკურატურაში ჩივილითაც დაემუქრა.

ბრალდებებს უარყოფს მუზეუმის დირექტორი. მისი განცხადებით, არანაირი მტკიცებულება, რაზეც საუბარია, ელზა ზოდელავას არ აქვს. ამბობს, რომ არც გათავისუფლებით დამუქრებია ვინმეს და არც პროკურატურაში ჩივილით, ერთადერთი, რასაც თანამშრომლებისგან ითხოვს, მუზეუმის შიგანანაწესის, ქცევის კოდექსის დაცვაა. არღვევს თუ არა ელზა ზოდელავა ქცევის ნორმებს, კითხვას ამ ეტაპზე ანზორ ოყუჯავა არ პასუხობს. მისი განმარტებით, ჯერჯერობით არ სურს დეტალების გასაჯაროვება.

"ზოგადად ჩემი პოზიციაა, რომ მას ეს საკითხი საჯაროდ არ უნდა გაეტანა განსახილველად. დაამტკიცოს თავისი სიტყვები. თუ ძალიან უნდა ამ თემის საჯაროდ განხილვა, კი ბატონო. ამ ეტაპზე არ ვაპირებ ამაზე საჯაროდ საუბარს. მხოლოდ მას შემდეგ, რაც მასთან პირადად დავჯდები, დაველაპარაკები. რაც გააკეთა, ამაზე მიიღებს დისციპლინარულად იქნება, თუ სიტყვიერად ჩემგან..რაც ევალება, მაქვს საკითხები მასთან განსახილველი. ვიტოვებ უფლებს, მეტი განმარტება მოგცეთ მას შემდეგ, რაც პირადად გავესაუბრები", - უთხრა მუზეუმის დირექტორმა "ლაივპრესს".

რაც შეეხება ბრალდებას, რომ საუბრებს მისი დავალებით უკანონოდ იწერენ, ანზორ ოყუჯავას თქმით, ასეთი რამ მუზეუმში არ ხდება. ერთადერთი, განმარტავს, რომ იწერენ მნიშვნელოვან თათბირებს, ხდება ამ ყველაფერზე ოქმის შედგენა, სტენოგრაფირება, რისი უფლებაც შინაგანაწესით და კანონით აქვს. ჩაწერის შესახებ კი, მისივე მტკიცებით, მუზეუმის ყველა თანამშრომელი, მათ შორის ელზა ზოდელავაც ინფორმირებულია.

"წინასაწარ ვამბობთ, რომ იწერება და ეს მანაც იცის. აქ ინტერპრეტაცია შეუძლებელი ხდება და ამიტომ არ მოსწონს ეს სტანდარტი. პრაქტიკა მე დავნერგე რეკომენდაციების საფუძველზე. დაოქმება ხდება თათბირის და ხელს აწერენ თანმშრომლები. მათ შორის მეც. ელზას უნდა ვკითხო თათბირს დავაოქმებ თუ არა? არ მაქვს უფლება? ექსპონატია გადასატანი, ან დასკვნაა დასადები კოლექტივის მიერ, შეთანხმებაა გასაკეთებელი, ხომ უნდა იყოს ეს დოკუმენტი", - აცხადებს ანზორ ოყუჯავა.

ბრალდებებს არც ხელოვნების სასახლის ხელმძღვანელი გიორგი კალანდია იზიარებს. მისი თქმით, ეს პირველი შემთხვევა არ არის, როცა ელზა ზოდელავას მუზეუმის დირექცია არ მოსწონს. ამბობს, რომ ის ვერ წარმოადგენს ვერანაირ მტკიცებულებას საკუთარი ბრალდებების გასამყარებლად. სანაცვლოდ კი, მათ შეუძლიათ გაასაჯაროვონ თანამშრომლების თუ ადმინისტრაციის მისამართით ბულინგი, შეურაცხყოფები და კონკრეტული ფაქტები, რაც ზოგადად, კანონმორჩილი მოქალაქის ქმედებებს არ შეესაბამება.

გიორგი კალანდიას განცხადებით, როცა ადამიანს ამდენ დირექციასთან, ადამიანთან პრობლემა აქვს, კითხვა უნდა დასვას, თავად მასში ხომ არაა პრობლემა.

"ჩვენ მივყვებით ყველაფერს სამართლებრივად. ვართ კანონმორჩილები და მიგვაჩნია, რომ როცა კოლექტივში დავაა, საკითხი უნდა გადაწყდეს სამართლებრივად. შრომითი დავების გადაწყვეტის რამე სხვა გზა ხომ არ არსებობს? ჩვენი მიზანია, ზუგდიდის მუზეუმი გავხადოთ მსოფლიოში ერთ-ერთი წარმატებული. თავს არ შევიქებ, მაგრამ მეტ-ნაკლებად ამის გამოცდილება მაქვს. ბევრი შეიძლება არა, მაგრამ ქალბატონ ზოდელავაზე ნაკლები კომპეტენცია და მითუმეტეს, სიყვარული ზუგდიდის დადიანების სასახლეებისა, არ გამაჩნია. სანაცვლოდ, ქალბატონ ზოდელავას არ უნდა არანაირი თანამშრომლობა. მას მოსწონს აურზაური, ბუნტი. არ არის დისციპლინის მომხრე - თავის დროზე მოვიდეს, წავიდეს, შესაბამისად იმუშაოს. რამე მტკიცებულება ხომ უნდა წარმოადგინოს, რომ შეურაცხყოფა მომაყენეს, ცუდი სიტყვები მითხრეს. ან იურიდიულად რამე არასწორად დამავალეს. ვერ წარმოადგენს, იმიტომ, რომ ეს მტკიცებულება ბუნებაში არ არსებობს", - უთხრა გიორგი კალანდიამ "ლაივპრესს".

მისი თქმით, მუზეუმს საკმაოდ დიდი კოლექტივი ჰყავს და მათგან ვერცერთი დაადასტურებს ელზა ზოდელავას სიტყვებს, რომ შეურაცხყოფას აყენებენ ან რაიმე ტიპის ზეწოლაა მასზე.

ელზა ზოდელავა მუზეუმის წინა მმართველს, ლილი ბერაიასაც უპირისპირდებოდა და ამ ყველაფერზე ღიად საუბარს არ ერიდებოდა. მაშინ ის გაათავისუფლეს, მოგვიანებით კი სამსახურში სასამართლო გადაწყვეტილების საფუძველზე დაბრუნდა.
Print E-mail
Twitter
სხვა მასალები
ხვალ, 3 დეკემბერს, ზუგდიდის მუნიციპალიტეტის მეხუთე მოწვევის
19:52 / 02.12.2021
ხვალ, 3 დეკემბერს, ზუგდიდის მუნიციპალიტეტის მეხუთე მოწვევის
საქართველოს კათოლიკოს-პატრიარქი ილია მეორე დაბადების დღეს ულოცავს
რუსეთის პატრიარქ კირილს. წერილს რუსეთის
17:23 / 02.12.2021
საქართველოს კათოლიკოს-პატრიარქი ილია მეორე დაბადების დღეს ულოცავს რუსეთის პატრიარქ კირილს. წერილს რუსეთის
ფოთში, კუნძულის უბნის სანაპიროსთან 70 წლამდე მამაკაცის ცხედარი
იპოვეს.
15:02 / 02.12.2021
ფოთში, კუნძულის უბნის სანაპიროსთან 70 წლამდე მამაკაცის ცხედარი იპოვეს. "ლაივპრესის"
ჩხოროწყუს მუნიციპალიტეტის სოფელ ლესიჭინეს ხახულიათის დასახლებაში
14:44 / 02.12.2021
ჩხოროწყუს მუნიციპალიტეტის სოფელ ლესიჭინეს ხახულიათის დასახლებაში
კორონავირუსი

საბჭოთა რეპრესიები

ვიდეო
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.