სახელმწიფო უსაფრთხოების სამსახურში დღეს ბრიფინგი გაიმართა, სადაც კიდევ ერთხელ აღნიშნეს, რომ ოპოზიცია ხელისუფლების ძალადობრივი გზით დამხობისთვის ემზადება. მათი თქმით, მიმდინარე წლის 6 ნოემბრიდან, ცალკეულ პოლიტიკურ ჯგუფებს რუსთავის მე-12 პენიტენციურ დაწესებულებასთან დაგეგმილი აქვთ პერმამენტული აქციების ორგანიზება, სადაც მხარდამჭერებს რეგიონებიდანაც ჩამოიყვანენ.

გარდა ამისა, საპროტესტო აქცია დაგეგმილია თბილისშიც. სუსი-ს განცხადებით, ოპრატიული ინფორმაციის თანახმად, აქციის ორგანიზატორები გეგმავენ სახელმწიფო დაწესებულებების - პარლამენტის, მთავრობის ადმინისტრაციის, პრეზიდენტის ადმინისტრაციის, იუსტიციის სამინისტროს და საქართველოს შინაგან საქმეთა სამინისტროს შენობების ბლოკირებას. ასევე, პენიტეციურ დაწესებულებასთან მისასვლელი გზების გადაკეტვას, ამ დაწესებულებების ყოველდღიური სამუშაო რეჟიმის ხელშეშლის მიზნით.

"სიტუაციის მაქსიმალური ესკალაციის და სხვადასხვა პროვოკაციული ქმედებების ორგანიზების უზრუნველსაყოფად, აქციაში დაგეგმილია ძალოვანი სტრუქტურების ყოფილი თანამშრომლების ჩართვა. ასევე, აქციის ორგანიზატორები აქტიურად განიხილავენ ძალოვანი სტრუქტურის ცალეული თანამშრომლების გადაბირების და ერთ-ერთი ოპოზიციური ლიდერის ლიკვიდაციის შესაძლებლობას.

აღნიშნული ქმედებები, რომელთა მიზანია ხელისუფლების ძალადობრივი გზით დამხობა, იგეგმება მსჯავრდებულ მიხეილ სააკაშვილის მიერ, რომელიც პენიტენციურ დაწესებულებაში მის სანახავად შესულ პირთა მეშვეობით აძლევს დირექტივებს სხვადასხვა ოპოზიციური პარტიის ლიდერებს.

სახელმწიფო უსაფრთხობის სამახური კანონის საფუძველზე და კანონის შესაბამისად მიიღებს ზომებს დანაშაულის პრევეციი და აღკვეთისთვის. დამნაშავეები კი კანონის წესით უმკაცრესად აგებენ პასუხს", - აცხადებენ სუსში.

სახელმწიფო უსაფრთხოების სამსახურმა ადრეც თქვა, რომ ოპოზიცია ხელისუფლების ძალადობრივი გზით დამხობის სცენარს განიხილავს, რომ სოციალური ქსელით თუ მედიასაშუალებებით ისმის სწორედ ძალადობის წამახალისებელი განცხადებები.