რუსთავის მე-12 პენიტენციურ დაწესებულებასთან მიმდინარე აქციაზე მამაკაცი შეუძლოდ გახდა. ის კლინიკაში გადაიყვანეს, თუმცა მისი გადარჩენა ვერ მოხერხდა.

პენიტენციურ დაწესებულებასთან გაერთიანებული ოპოზიციის აქცია გრძელდება. მათი მოთხოვნა ექსპრეზიდენტ მიხეილ სააკაშვილის გადაყვანაა სამოქალაქო საავადმყოფოში, სადაც შეკრებილთა თქმით, ის სრულფასოვანი სამედიცინო დახმარების მიღებას შეძლებს.

შეკრებილები ასევე არ ეთანხმებიან არჩევნების შედეგებს და ამბობენ, რომ ბოლომდე იბრძოლებენ - ეს აქციები მიიღებს პერმამენტულ ხასიათს.

ამასთან, აქტივისტებმა რუსთავის პენიტენციურ დაწესებულებასთან კარვები გაშალეს. მათი თქმით, კარვები აქ მანამდე დარჩება, სანამ ექსპრეზიდენტს სამოქალაქო საავადმყოფოში არ გადაიყვანენ.

ამ კვირაში საპროტესტო აქციები გაიმართა რამდენიმე ქალაქში, მათ შორის ზუგდიდში.