ახალი ამბები
ამ მონასტერში განდგომილება დასრულდა - ჭყონდიდის მიტროპოლიტი
FaceBook Twitter
E-mail Print
საკვირაო წირვის დასრულების შემდეგ, ქადაგებისას, ჭყონდიდის მიტროპოლიტმა ისაუბრა  ბოლო ორი დღის მანძილზე ეპარქიაში განვითარებულ მოვლენებზე. მისი თქმით, კვლავ აღდგა ეკლესიის ძალმოსილება და ერთობლივად ატარებენ წირვას ისე, როგორც საჭიროა. მეუფე სტეფანეს განცხადებით, მონასტერში განდგომილება დასრულდა და არც არასდროს არ აღდგება, რადგან ეკლესიას ვერავინ ვერ მოერევა. მათ შორის ვერ მოერევიან ვერც "თვითნებურად შემოჭრილი ადამიანები, ვერც ადამიანები, რომლებიც იყვნენ და ცხოვრობდნენ და განუდგნენ ღმერთს და განუდგნენ უფალს".

"ზოგიერთს ჰგონია, რომ ეს არის ბრძოლა სიწმინდისთვის. ეს არის ბრძოლა თავისი უგუნურობით ფაქტიურად ეკლესიის წინააღმდეგ და უფლის წინააღმდეგ. ამიტომ, ეს ყველაფერი დიდი მოთმინებით, უწმინდესი და უნეტარესი პატრიარქის და მთლიანად, ეკლესიის დიდი მოთმინებით, ყველა ცდილობდა, რომ ეს ადამიანები არ დაკარგულიყვნენ ეკლესიის წინაშე, თუმცა, მრავალი მოქმედების მიუხედავად, რაც იყო მიმართული იმისკენ, რომ ისინი უფლისკენ მოტრიალებულიყვნენ, წმინდა ეკლესია ეღიარებინათ და სულიწმიდის მადლით მოქმედებები წმინდა სინოდისა მიეღოთ, როგორც სახელმძღვანელო მათი ცხოვრებისა, მოხდა ისე, რომ საპირისპიროდ გააკეთეს ეს ყველაფერი. მათთვის სამწუხაროა და ჩვენთვისაც, რომ ისინი ამ მდგომარეობაში არიან, მაგრამ სასიხარულოა ის, რომ უფალმა მისცა ძალა თავის ეკლესიას, რომ თავისი ძალა გამოეჩინა, არა ფიზიკური ძალა, არამედ სულიერი ძალა, რომლითაც ვითარება განიკურნა.

მათთვისაც, ვინც მადლს და სიხარულს ეწინააღმდეგება, გარკვეული პერიოდის შემდეგ ცხადი გახდება, თუ რა საფრთხის წინაშე იდგა ჩვენი ეკლესია.

განხეთქილება ეკლესიაში არასდროს არ არის ღვთისგან, განხეთქილება ყოველთვის ბოროტისგან ხდება. ვინც ამას ეწინააღმდეგებოდა, თქვენ დაინახეთ არაერთხელ და ვთქვათ, უსამართლოდ ვინც არის დასჯილი - იოანე ოქროპირი, ხომ ვიცით, იოანე ოქროპირი როცა დაისაჯა უსამართლოდ, იმას კი არ დაუწყია ბრძოლა და ომი, ჩხუბი და წყევლა, მან თხოვა მრევლს, რომ არ ყოფილიყვნენ ამბოხებულნი. თვითონ გაიპარა, იმიტომ, რომ შფოთი არ გამოეწვია. დაჯდა იმათთან ერთად, ვინც მის წინააღმდეგ მოქმედებდა, დაემორჩილა ხელისუფლებას და საეკლესიო გამგეობას და წავიდა და გაამართლა იგი უფალმა და ყველამ დაინახა, რომ ის მართალია. ვიცით ჩვენ მაქსიმე აღმსარებელი და კიდევ ბევრი, ვინც საპირისპიროს ფიქრობდა, ის ურჩობაში არ ყოფილა და არ ებრძოდა ასეთი წყევლა-კრულვით და ჩხუბით და აყალმაყალით წმინდა ეკლესიას. ის ემორჩილებოდა გადაწყვეტილებას, თუმცა მე ვამბობ, რომ აქ არაფერი უსამართლო არ ყოფილა. მე ვლაპარაკობ იმაზე, რომ თუ შენ სიწმინდისთვის იბრძვი, როგორ იქცევი და აქედან გამომდინარე ჩანს ყველაფერი.

როცა წყევლი ადამიანებს და უწყევლი მათ შვილებს, და შენ სასულიერო პირობა გინდა, ეს უცნაურია. ეკლესიამ შეიძლება ანათემას გადასცეს ვინმე, მაგრამ ანათემაზე გადაცემა წყევლა არ არის ამ დროს. არის ეკლესიიდან მისი განდევნა. აქ ანათემა არ ყოფილა გამოყენებული და არც წყევლა არ არის, თუნდაც ყოფილიყო ანათემა გამოყენებული. ჩვენს შემთხვევაში უბრალოდ სასულიერო პირობას განვარიდეთ ყველა ის ადამიანი, ვინ ეკლესიას ებრძოდა. მაგრამ როცა ისინი, გინება ცალკე იყოს და წყევლი ადამიანებს, სასულიერო პირი როცა ხარ შენ, შინაგანად თუ გრძნობ თავს სასულიერო პირად, ამ შემთხვევაში შენ არ შეგიძლია, რომ ვინმე დაწყევლო, მისი შვილები დაწყევლო. წყევლა-კრულვა არ არის ეკლესიური წესი, ამიტომ ყველამ იცოდეს, ვინც დაიწყევლება უსამართლოდ, ქრისტეს ჯვრით ყველა გათავისუფლებულია ამ წყევლა-კრულვისგან. ჩვენ ვთხოვეთ უწმინდეს პატრიარქს გუშინ, რომ ყველა იმ ადამიანისთვის ილოცონ, ვინც ჯვრით დაწყევლეს ამ უკეთურებმა და გადავეცით მათი სახელი და გვარები. ჩვენც მოვიხსენიებთ და უწმინდესის პირად ლოცვებში და მის მიერ ჩატარებულ მსახურებებში ეს ხალხი მოიხსენიება. ასე რომ, არავითარი ძალა ამ წყველას არ აქვს. ამ უაზრო მოქმედებების შედეგად, ვითომ სასულიერო პირები, გადაცმულები სასულიერო ფორმაში რაღაცას რომ ამბობენ, ვინმეს ნუ შეეშინდება. უფლის მადლი მოქმედებს და უფალი დაიფარავს", - განაცხადა ჭყონდიდის მიტროპოლიტმა.

დღეს ტაძართან განკვეთილი ბერები და მათი მხარდამჭერები არ გამოჩენილან. გუშინ, 6 ნოემბერს მათ თქვეს, რომ პროტესტი უწყვეტ ფორმას მიიღებს.

სალხინოს მონასტრიდან 5 ნოემბერს, დილაადრიან პოლიციის დახმარებით გააძევეს ეპარქიის მღვდელმთავრის მიერ განკვეთილი სასულიერო პირები. 7 მათგანი პოლიციის განყოფილებაში გადაიყვანეს.

მანამდე, მათ ჭყონდიდის ეპარქიიდან მიიღეს წერილი, რომლის თანახმადაც, როგორც განკვეთილ პირებს, ტაძარი 4 ნოემბრამდე უნდა დაეტოვებინათ.

ჭყონდიდის მიტროპოლიტ სტეფანეს განცხადებით, პოლიციის და ჩოხოსნების მხრიდან ძალადობა არ ყოფილა, ძალადობა იყო სწორედ განკვეთილი სასულიერო პირების მხრიდან.

მარტვილში, სასულიერო პირებს შორის დაპირისპირება 2019 წლიდან დაიწყო, მას შემდეგ რაც ეპარქიის ყოფილი წინამძღვარი პეტრე ცაავა საპატრიარქომ მღვდელმთვრობიდან გაათავისუფლა. მეუფე პეტრე ცაავას მხარდამჭერები უარს ამბობენ დაემორჩილონ საპატრიარქოს მიერ მივლენილ ეპისკოპოსს და ითხოვენ საერთო კრებაზე განიხილონ პატრიარქის მისამართით პეტრე ცაავას მიერ გამოთქმული ის ბრალდებები, რის გამოც ის დაითხოვეს.
Print E-mail
Twitter
სხვა მასალები
სამართალდამცველებმა ოჯახში ძალადობის ბრალდებით მარტვილში ერთი პირი
დააკავეს.
16:02 / 05.10.2022
სამართალდამცველებმა ოჯახში ძალადობის ბრალდებით მარტვილში ერთი პირი დააკავეს. "ლაივპრესის" ინფორმაციით,
14:11 / 05.10.2022
"საერთაშორისო გამჭვირვალობა-საქართველოს" ინფორმაციით, პარლამენტარი ვიქტორ ჯაფარიძე
რუსეთის მიერ ოკუპირებული აფხაზეთის დე ფაქტო პრეზიდენტმა ასლან
ბჟანიამ
12:03 / 05.10.2022
რუსეთის მიერ ოკუპირებული აფხაზეთის დე ფაქტო პრეზიდენტმა ასლან ბჟანიამ
ბუდაპეშტში,
11:46 / 05.10.2022
ბუდაპეშტში, "ისტორიული ბაღების ევროპული მარშრუტის" მეხუთე ფორუმზე,
კორონავირუსი

საბჭოთა რეპრესიები

ვიდეო
კამპანია სამეგრელოში ოჯახური ძალადობის მსხვერპლთა ერთადერთი თავშესაფრის გადასარჩენად [ვიდეო]
სამეგრელოს რეგიონში, ძალადობის მსხვერპლ ქალთა და ბავშვთა ერთადერთი თავშესაფარი შესაძლოა დაიხუროს.
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.