პროტესტი გრძელდება - აქციის მონაწილეებმა ღამე მთავრობის ადმინისტრაციასთან გაათენეს
პატიმრობაში მყოფი მესამე პრეზიდენტის, მიხეილ სააკაშვილის სამოქალაქო
კლინიკაში გადაყვანის მოთხოვნით თბილისში მიმდინარე აქციის
მონაწილეებმა ღამე მთავრობის ადმინისტრაციასთან გაათენეს. ისინი
მოთხოვნის შესრულებამდე დაშლას არ აპირებენ.
მთავრობის ადმინისტრაციის შენობასთან, სადაც პოლიციაა მობილიზებული, დამატებით რკინის ჯებირები მიიტანეს.
"ნაციონალური მოძრაობის" თავმჯდომარის, ნიკა მელიას განცხადებით, პროტესტი არ შეწყდება, პირიქით, გახდება მზარდი, ორგანიზებული და დისციპლინირებული, რადგან მიხეილ სააკაშვილი საფრთხის ქვეშაა.
ოპოზიცია დღეს, დილის 10:00 საათიდან სხვადასხვა ლოკაციაზე საპროტესტო აქციებს გეგმავს.
სპეციალური პენიტენციური სამსახურის ინფორმაციით, "ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე" პატიმარი მიხეილ სააკაშვილი 8 ნოემბერს მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში გადაიყვანეს.
მანამდე მიხეილ სააკაშვილის დედამ, გიული ალასანიამ თქვა, რომ მისი შვილი ციხეში არ იყო, თუმცა სად იმყოფებოდა, ამის შესახებ ინფორმაცია არ ჰქონდა. მიხეილ სააკაშვილის ადგილსამყოფელის შესახებ დაახლოებით ერთი საათის განმავლობაში ინფორმაცია არ ჰონდათ მის ადვოკატებსაც.
საქართველოს მესამე პრეზიდენტი მისი დაკავების დღიდან, უკვე მეორმოცე დღეა პროტესტის ნიშნად შიმშილობს. ის უკრაინიდან საქართველოში ჩამოსვლის შემდეგ, 1 ოქტომბერს, თბილისში დააკავეს. ყოფილი პრეზიდენტის გათავისუფლების მოთხოვნით მისი მხარდამჭერები აქციებს ქვეყნის მასშტაბით მისი დაკავების დღიდან ატარებენ.
პროკურატურის განცხადებით, ყოფილი პრეზიდენტი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. გარდა ამისა, სააკაშვილი ბრალდებულია "ტელეიმედის" დარბევის, 7 ნოემბრის დარბევის და პატარკაციშვილების ქონების უკანონოდ დაუფლების, აგრეთვე, სახელმწიფო დაცვის სპეციალური სამსახურის კუთვნილი - 9 024 367 ლარის მისი პირადი მიზნებისთვის გაფლანგვის ფაქტებზე და ამ საქმეებზე მიმდინარეობს განხილვა თბილისის საქალაქო სასამართლოში.
მთავრობის ადმინისტრაციის შენობასთან, სადაც პოლიციაა მობილიზებული, დამატებით რკინის ჯებირები მიიტანეს.
"ნაციონალური მოძრაობის" თავმჯდომარის, ნიკა მელიას განცხადებით, პროტესტი არ შეწყდება, პირიქით, გახდება მზარდი, ორგანიზებული და დისციპლინირებული, რადგან მიხეილ სააკაშვილი საფრთხის ქვეშაა.
ოპოზიცია დღეს, დილის 10:00 საათიდან სხვადასხვა ლოკაციაზე საპროტესტო აქციებს გეგმავს.
სპეციალური პენიტენციური სამსახურის ინფორმაციით, "ჯანმრთელობის მდგომარეობის გაუარესების პრევენციის მიზნით და მომატებული საფრთხეებიდან გამომდინარე" პატიმარი მიხეილ სააკაშვილი 8 ნოემბერს მე-12 პენიტენციური დაწესებულებიდან N18 ბრალდებულთა და მსჯავრდებულთა სამკურნალო დაწესებულებაში გადაიყვანეს.
მანამდე მიხეილ სააკაშვილის დედამ, გიული ალასანიამ თქვა, რომ მისი შვილი ციხეში არ იყო, თუმცა სად იმყოფებოდა, ამის შესახებ ინფორმაცია არ ჰქონდა. მიხეილ სააკაშვილის ადგილსამყოფელის შესახებ დაახლოებით ერთი საათის განმავლობაში ინფორმაცია არ ჰონდათ მის ადვოკატებსაც.
საქართველოს მესამე პრეზიდენტი მისი დაკავების დღიდან, უკვე მეორმოცე დღეა პროტესტის ნიშნად შიმშილობს. ის უკრაინიდან საქართველოში ჩამოსვლის შემდეგ, 1 ოქტომბერს, თბილისში დააკავეს. ყოფილი პრეზიდენტის გათავისუფლების მოთხოვნით მისი მხარდამჭერები აქციებს ქვეყნის მასშტაბით მისი დაკავების დღიდან ატარებენ.
პროკურატურის განცხადებით, ყოფილი პრეზიდენტი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. აღნიშნულ საქმეებზე სასამართლოს მიერ გამოტანილი გადაწყვეტილებები საბოლოოა და არ საჩივრდება. გარდა ამისა, სააკაშვილი ბრალდებულია "ტელეიმედის" დარბევის, 7 ნოემბრის დარბევის და პატარკაციშვილების ქონების უკანონოდ დაუფლების, აგრეთვე, სახელმწიფო დაცვის სპეციალური სამსახურის კუთვნილი - 9 024 367 ლარის მისი პირადი მიზნებისთვის გაფლანგვის ფაქტებზე და ამ საქმეებზე მიმდინარეობს განხილვა თბილისის საქალაქო სასამართლოში.