პენიტენციური სამსახური მორიგ კადრებს ასჯაროვებს, რომელიც ასახავს პატიმარ მიხეილ სააკაშვილის ტრანსპორტირებას რუსთავის მე-12 პენიტენციური დაწესებულებიდან გლდანის მე-18 ბრალდებულთა და მსჯავრდებულთა სამკურნალო დაწესებულებაში.

"კადრებში ნათლად ჩანს, როგორ არ ემორჩილება დაწესებულების თანამშრომლების კანონიერ მითითებებს, იქცევა აგრესიულად და მათ სიტყვიერ შეურაცხყოფას აყენებს", - ნათქვამია ვიდეომასალის აღწერაში.

მიხეილ სააკაშვილი ითხოვს კვლავ რუსთავის ციხეში დაბრუნებას და ამბობს, რომ არ გადმოვა სასწრაფო დახმარების მანქანიდან. დაწესებულების თანამშრომლებს ექსპრეზიდენტი მიმართავს, რომ ისინი დიქტატორს ემსახურებიან და პუტინის მონას უწოდებს.

"თქვენ ასრულებთ პუტინის ბრძანებას. ივანიშვილის ლეკვო. წამიყვანეთ რუსთავში. არცერთ ნაბიჯს არ გადავდგამ ჩემი ფეხით, ვერცერთ მავთულს ვერ მიმიერთებთ ჩემი ნებით, ვერცერთ სამედიცინო პროცედურას ვერ ჩამიტარებთ ჩემი ნებით", - მიმართავს მათ სააკაშვილი.

მათ დაწესებულების თანამშრომლები პასუხობენ, რომ უნდათ, რომ ის იყოს ჯანმრთელი, და რომ არავინ მისცემს გარდაცვალების ნებას.

დღესვე პენიტენციურმა სამსახურმა კიდევ ერთი ვიდეო გაავრცელა, მიხეილ სააკაშვილის გლდანის ციხეში გადაყვანის.

სახელმწიფო ინსპექტორი მოუწდებს პენიტენციურ სამსახურს, შეწყვიტონ სააკაშვილის პერსონალური მონაცემების შემცველი ვიდეობის გამოქვეყნება.

მესამე პრეზიდენტი 42-ე დღეა შიმშილობს. ის თბილისში 1-ელ ოქტომბერს დააკავეს.