ღირსების და პატივის შემლახველი კადრების გავრცელება კატეგორიულად მიუღებელია - სალომე ზურაბიშვილი
კანონის წინაშე ყველა ერთია, მაგრამ სასჯელის აღსრულების დროს და
ციხეში მყოფი
ექსპრეზიდენტი არ არის და ვერ იქნება რიგითი პატიმარი, იგი
განსაკუთრებული პატიმარია, - განაცხადა ექსპრეზიდენტმა სალომე
ზურაბიშვილმა ბრიფინგზე.
მისივე თქმით, დიდი გამოწვევაა სასამართლო სისტემისთვის, პენიტენციური სამსახურისთვის, ხელისუფლებისთვის და ზოგადად, საზოგადოებისთვის ყოფილი პრეზიდენტის დაპატიმრება. ზურაბიშვილის განმარტებით, ყოფილი და უკვე მსჯავრდებული პრეზიდენტის დაპატიმრება კანონის წინაშე თანასწორობასა და სამართლიანობას ეფუძნება. კანონის წინაშე ყველა თანასწორია და შესაბამისად, ეს დაკავებაც კანონის უზენაესობის პრინციპებიდან გამომდინარეობს.
სალომე ზურაბიშვილის თქმით, მოცმულობა კარგად ჰქონდა მიხეილ სააკაშვილს გააზრებული, თუმცა ამის მიუხედავად უკანონოდ მაინც ჩამოვიდა.
"ყველა, საზოგადოება, ისევე როგორც საერთაშორისო თანამეგობრობა, აკვირდება მის მდგომარეობას და მოითხოვს უმაღლესი სტანდარტების შესრულებას. ჩვენი ქვეყნის სახე იმაში გამოიხატება, თუ როგორ მოვეპყრობით მას და როგორ იქნება მისი ღირსება, ჯანმრთელობა და უსაფრთხოება დაცული. ამდენად, მთელი ამ პერიოდის განმავლობაში რეგულარულად ვიღებდი და ვიღებ ინფორმაციას ყოფილი პრეზიდენტის ჯანმრთელობის მდგომარეობის შესახებ შესაბამისი უწყებებისგან, სახალხო დამცველისგან, სახელმწიფო ინსპექტორისა და ჯანდაცვის სამინისტროსგან", - განაცხადა ზურაბიშვილმა.
მან პენიტენციური სამსახურის მიერ გავრცელებულ კადრებზეც ისაუბრა. პრეზიდენტის თქმით, ამ კადრების გავრცელება, რომლებიც ღირსებისა და პატივის შემლახველია, მისთვისაც კატეგორიულად მიუღებელია. ამბობს, რომ დაცული უნდა იყოს ყოფილი პრეზიდენტის ღირსება, "მისივე ქცევის მიუხედავად, რადგან ყოფილი პრეზიდენტი დაკავშირებულია სახელმწიფოსთან და მის სტატუსს პატივი უნდა სცენ".
"საზოგადოებას კარგად ახსოვს, თუ როგორ ექცეოდნენ პატიმრებს ყოფილი პრეზიდენტის სასამართლოსა და პენიტენციურ სისტემაში, ამიტომ დღევანდელი ხელისუფლება არ შეიძლება, რამეში დაემსგავსოს წინამორბედს. ამიტომ გულგრილობა, დაცინვა, ქილიკი, შეურაცხყოფა მიუღებელია არა მხოლოდ ჩემთვის, არამედ, დარწმუნებული ვარ, მთელი საზოგადოებისთვის", - განაცხადა სალომე ზურაბიშვილმა.
მისივე თქმით, თუ თანხმდებიან, რომ ექსპრეზიდენტი რიგითი პატიმარი არ არის და ვერ იქნება, ასევე უნდა შეთანხმდნენ, რომ შესაძლებლობა, რაც რიგით პატიმრებს ეძლევათ, რომ სამოქალაქო კლინიკაში იყვნენ გადაყვანილი, სწორედ ამ განსაკუთრებულობიდან გამომდინარე უფრო რთულად განსახორციელებელია მრავალი შესაძლო საფრთხიდან გამომდინარე, რისი დაზღვევაც ურთულესია.
მაგრამ, პრეზიდენტი ამბობს, რომ ამავე დროს ექსპრეზიდენტი უნდა სარგებლობდეს უმაღლესი საერთაშორისო სტანდარტებით, რათა არ გაჩნდეს არანაირი კითხვა თუ ეჭვი, რომ მის მკურნალობას რამე დააკლეს შიმშილობისას, თუ არანაკლებ საშიშ ეტაპზე, შიმშილობის შეწყვეტის შემდეგ.
ზურაბიშვილივე შეფასებით, მართალია მიხეილ სააკაშვილმა თავად მიიღო შიმშილობის გადაწყვეტილება, თუმცა ეს ხელისუფლების პასუხისმგებლობას არ ამცირებს.
"ყოფილი პრეზიდენტის ჯანმრთელობა უნდა იყოს განსაკუთრებული ყურადღების ქვეშ. ყველა ცივილიზებულ ქვეყანაში ინფორმაცია პრეზიდენტის თუ ყოფილი პრეზიდენტის ჯანმრთელობის მდგომარეობის შესახებ, მიეკუთვნება სხვა კატეგორიას, საჯარო და არა პირად მონაცემებს. ეს იწვევს განსაკუთრებულ საზოგადოებრივ ინტერესს, რამეთუ ყველა ხვდება, რომ მათი ჯანმრთელობა, პრეზიდენტების, პირდაპირ თუ ირიბად სახელმწიფოს ეხება და შესაძლოა გავლენა იქონიოს სახელმწიფოს სტაბილურობაზე. ასე რომ, ყველას გვესმის, რომ ქვეყნის დესტაბილიზაციის ინსტრუმენტი შეიძლება გახდეს ექსპრეზიდენტის ჯანმრთელობა, მიუხედავად იმისა, რომ თავად მიიღო შიმშილობის გადაწყვეტილება და თავად ცდილობს მართოს ეს პროცესი, ეს არ ხსნის და არც ამცირებს ხელისუფლების პასუხისმგებლობას. ლოგიკურად, ყოფილი პრეზიდენტის ჯანმრთელობის შენარჩუნებით ყველაზე დაინტერესებული უნდა იყოს ხელისუფლება და ვფიქრობ, არის კიდეც. თავის მხრივ საზოგადოებას უფლება აქვს ჭორების, ცრუ და ურთიერთგამომრიცხავი ინფორმაციის და სპეკულაციის ნაცვლად ყოველდღიურად მიიღოს სრულყოფილი, მიუკერძოებელი, სანდო და დეტალური ინფორმაცია შიმშილობის, კვების, ანალიზების შესახებ. ეს არის ხელისუფლების ვალდებულება და მივმართავ მას, დაუყოვნებლივ შეუდგეს ამ ვალდებულების სრულად და არა ნაწილობრივ შესრულებას", - აცხადებს პრეზიდენტი.
მიხეილ სააკაშვილი თბილისში 1-ელ ოქტომბერს დააკავეს. ის 48-ე დღეა პროტესტის ნიშნად შიმშილობს. სოლიდარობის ნიშნად, მისი გლდანის სამკურნალო დაწესებულებიდან სამოქალაქო საავადმყოფოში გადაყვანის მოთხოვნით პარლამენტის თუ საკრებულოს დეპუტატები თბილისსა და სხვა ქალაქებში შიმშილობენ. მათ შორის ზუგდიდში.
მისივე თქმით, დიდი გამოწვევაა სასამართლო სისტემისთვის, პენიტენციური სამსახურისთვის, ხელისუფლებისთვის და ზოგადად, საზოგადოებისთვის ყოფილი პრეზიდენტის დაპატიმრება. ზურაბიშვილის განმარტებით, ყოფილი და უკვე მსჯავრდებული პრეზიდენტის დაპატიმრება კანონის წინაშე თანასწორობასა და სამართლიანობას ეფუძნება. კანონის წინაშე ყველა თანასწორია და შესაბამისად, ეს დაკავებაც კანონის უზენაესობის პრინციპებიდან გამომდინარეობს.
სალომე ზურაბიშვილის თქმით, მოცმულობა კარგად ჰქონდა მიხეილ სააკაშვილს გააზრებული, თუმცა ამის მიუხედავად უკანონოდ მაინც ჩამოვიდა.
"ყველა, საზოგადოება, ისევე როგორც საერთაშორისო თანამეგობრობა, აკვირდება მის მდგომარეობას და მოითხოვს უმაღლესი სტანდარტების შესრულებას. ჩვენი ქვეყნის სახე იმაში გამოიხატება, თუ როგორ მოვეპყრობით მას და როგორ იქნება მისი ღირსება, ჯანმრთელობა და უსაფრთხოება დაცული. ამდენად, მთელი ამ პერიოდის განმავლობაში რეგულარულად ვიღებდი და ვიღებ ინფორმაციას ყოფილი პრეზიდენტის ჯანმრთელობის მდგომარეობის შესახებ შესაბამისი უწყებებისგან, სახალხო დამცველისგან, სახელმწიფო ინსპექტორისა და ჯანდაცვის სამინისტროსგან", - განაცხადა ზურაბიშვილმა.
მან პენიტენციური სამსახურის მიერ გავრცელებულ კადრებზეც ისაუბრა. პრეზიდენტის თქმით, ამ კადრების გავრცელება, რომლებიც ღირსებისა და პატივის შემლახველია, მისთვისაც კატეგორიულად მიუღებელია. ამბობს, რომ დაცული უნდა იყოს ყოფილი პრეზიდენტის ღირსება, "მისივე ქცევის მიუხედავად, რადგან ყოფილი პრეზიდენტი დაკავშირებულია სახელმწიფოსთან და მის სტატუსს პატივი უნდა სცენ".
"საზოგადოებას კარგად ახსოვს, თუ როგორ ექცეოდნენ პატიმრებს ყოფილი პრეზიდენტის სასამართლოსა და პენიტენციურ სისტემაში, ამიტომ დღევანდელი ხელისუფლება არ შეიძლება, რამეში დაემსგავსოს წინამორბედს. ამიტომ გულგრილობა, დაცინვა, ქილიკი, შეურაცხყოფა მიუღებელია არა მხოლოდ ჩემთვის, არამედ, დარწმუნებული ვარ, მთელი საზოგადოებისთვის", - განაცხადა სალომე ზურაბიშვილმა.
მისივე თქმით, თუ თანხმდებიან, რომ ექსპრეზიდენტი რიგითი პატიმარი არ არის და ვერ იქნება, ასევე უნდა შეთანხმდნენ, რომ შესაძლებლობა, რაც რიგით პატიმრებს ეძლევათ, რომ სამოქალაქო კლინიკაში იყვნენ გადაყვანილი, სწორედ ამ განსაკუთრებულობიდან გამომდინარე უფრო რთულად განსახორციელებელია მრავალი შესაძლო საფრთხიდან გამომდინარე, რისი დაზღვევაც ურთულესია.
მაგრამ, პრეზიდენტი ამბობს, რომ ამავე დროს ექსპრეზიდენტი უნდა სარგებლობდეს უმაღლესი საერთაშორისო სტანდარტებით, რათა არ გაჩნდეს არანაირი კითხვა თუ ეჭვი, რომ მის მკურნალობას რამე დააკლეს შიმშილობისას, თუ არანაკლებ საშიშ ეტაპზე, შიმშილობის შეწყვეტის შემდეგ.
ზურაბიშვილივე შეფასებით, მართალია მიხეილ სააკაშვილმა თავად მიიღო შიმშილობის გადაწყვეტილება, თუმცა ეს ხელისუფლების პასუხისმგებლობას არ ამცირებს.
"ყოფილი პრეზიდენტის ჯანმრთელობა უნდა იყოს განსაკუთრებული ყურადღების ქვეშ. ყველა ცივილიზებულ ქვეყანაში ინფორმაცია პრეზიდენტის თუ ყოფილი პრეზიდენტის ჯანმრთელობის მდგომარეობის შესახებ, მიეკუთვნება სხვა კატეგორიას, საჯარო და არა პირად მონაცემებს. ეს იწვევს განსაკუთრებულ საზოგადოებრივ ინტერესს, რამეთუ ყველა ხვდება, რომ მათი ჯანმრთელობა, პრეზიდენტების, პირდაპირ თუ ირიბად სახელმწიფოს ეხება და შესაძლოა გავლენა იქონიოს სახელმწიფოს სტაბილურობაზე. ასე რომ, ყველას გვესმის, რომ ქვეყნის დესტაბილიზაციის ინსტრუმენტი შეიძლება გახდეს ექსპრეზიდენტის ჯანმრთელობა, მიუხედავად იმისა, რომ თავად მიიღო შიმშილობის გადაწყვეტილება და თავად ცდილობს მართოს ეს პროცესი, ეს არ ხსნის და არც ამცირებს ხელისუფლების პასუხისმგებლობას. ლოგიკურად, ყოფილი პრეზიდენტის ჯანმრთელობის შენარჩუნებით ყველაზე დაინტერესებული უნდა იყოს ხელისუფლება და ვფიქრობ, არის კიდეც. თავის მხრივ საზოგადოებას უფლება აქვს ჭორების, ცრუ და ურთიერთგამომრიცხავი ინფორმაციის და სპეკულაციის ნაცვლად ყოველდღიურად მიიღოს სრულყოფილი, მიუკერძოებელი, სანდო და დეტალური ინფორმაცია შიმშილობის, კვების, ანალიზების შესახებ. ეს არის ხელისუფლების ვალდებულება და მივმართავ მას, დაუყოვნებლივ შეუდგეს ამ ვალდებულების სრულად და არა ნაწილობრივ შესრულებას", - აცხადებს პრეზიდენტი.
მიხეილ სააკაშვილი თბილისში 1-ელ ოქტომბერს დააკავეს. ის 48-ე დღეა პროტესტის ნიშნად შიმშილობს. სოლიდარობის ნიშნად, მისი გლდანის სამკურნალო დაწესებულებიდან სამოქალაქო საავადმყოფოში გადაყვანის მოთხოვნით პარლამენტის თუ საკრებულოს დეპუტატები თბილისსა და სხვა ქალაქებში შიმშილობენ. მათ შორის ზუგდიდში.