მეგის ქარდავამ არ უპასუხა კითხვებს პატიმრის წამების ვიდეოს ეპიზოდზე
პატიმრის წამების ვიდეოსთან დაკავშირებით, რომელიც პროკურატურამ
გაავრცელა
რამდენიმე დღის წინ, თავდაცვის სამინისტროს სამხედრო პოლიციის
დეპარტამენტის ყოფილმა უფროსმა მეგის ქარდავამ ჩვენების მიცემაზე უარი
თქვა და გამოძიების კითხვას არ უპასუხა.
ადვოკატ მალხაზ ველიჯანაშვილის თქმით, მეგის ქარდავა უნდობლობას უცხადებს როგორც გამოძიებას, ასევე სასამართლოს და თავს პოლიტიკურ დევნილად მიიჩნევს. უფლებადამცველი ამბობს, რომ ვიდეომასალების მოპოვება და აღმოჩენა არის სრულიად "უკანონო", ამიტომ, შინაარსის კომენტირება შეუძლებლად მიაჩნია.
"დიდი ეჭვია აღნიშნული კადრების გაყალბების. თარიღი სხვა არის, რეალურად სხვა რამეს ამბობენ. მე საერთოდ არ მინახავს ეს კადრები. უკრაინამ შეიძლება გადმოაგზავნოს ოფიციალური დოკუმენტით, მაგრამ უკრაინამ როგორ მოიპოვა, ეს არის მთავარი. განცხადებები კეთდება, რომ მისი დაკავების, ჩხრეკის დროს იქნა ამოღებული. მისი დაკავება სასმართლოში განხორციელდა, სადაც მას არაფერი არ ჰქონია", - განმარტა მალხაზ ველიჯანაშვილმა.
საქართველოს პროკურატურამ პატიმრის წამების ფაქტზე სასჯელაღსრულების დეპარტამენტის მე-8 დაწესებულების ყოფილი დირექტორი ალექსანდრე მუხაძე (მეტსახელად "ქილერა") პასუხისგებაში მისცა.
საგამოძიებო ორგანოს ინფორმაციით, პატიმარს მუხაძესთან ერთად, მეგის ქარდავაც აწამებდა.
პროკურატურის ცნობით, 2011 წლის მაისში, სასჯელაღსრულების დეპარტამენტის მე-8 დაწესებულებაში ნარკოტიკული ნივთიერების შეძენა-შენახვის ფაქტზე დაკავებულ პირს, მეგის ქარდავამ და ალექსანდრე მუხაძემ მოსთხოვეს არარსებულ ტერორისტულ აქტებში მონაწილეობის აღიარება, ასევე ამ დანაშაულებრივ საქმიანობაში თითქოსდა მონაწილე სხვა პირებზე ჩვენების მიცემა, წინააღმდეგ შემთხვევაში, დაემუქრნენ გაუპატიურებით.
ვიდეო, პროკურატურის მტკიცებით, მეგის ქარდავას ბინის ჩხრეკისას არის ამოღებული და ძალადობის ამსახველ კადრებს შეიცავს.
მეგის ქარდავას ექსტრადირება კიევიდან თბილისში 17 სექტემბერს განხორციელდა. მას ბრალი 11 საქმეში ედება, რომელთაგან 5-ზე უკვე დადგა გამამტყუნებელი განაჩენი. დანარჩენი საქმეების განხილვა დღემდე გრძელდება.
მეგის ქარდავას ადანაშაულებდნენ ადამიანების წამებასა და დამცირებაში. რამდენიმე ეპიზოდი სახალხო დამცველის ანგარიშებშიც მოხვდა.
მან საქართველო 2012 წლის პარლამენტის არჩევნებიდან მალევე დატოვა, 2013 წლის 13 თებერვლიდან კი მასზე ძებნა გამოცხადდა.
ადვოკატ მალხაზ ველიჯანაშვილის თქმით, მეგის ქარდავა უნდობლობას უცხადებს როგორც გამოძიებას, ასევე სასამართლოს და თავს პოლიტიკურ დევნილად მიიჩნევს. უფლებადამცველი ამბობს, რომ ვიდეომასალების მოპოვება და აღმოჩენა არის სრულიად "უკანონო", ამიტომ, შინაარსის კომენტირება შეუძლებლად მიაჩნია.
"დიდი ეჭვია აღნიშნული კადრების გაყალბების. თარიღი სხვა არის, რეალურად სხვა რამეს ამბობენ. მე საერთოდ არ მინახავს ეს კადრები. უკრაინამ შეიძლება გადმოაგზავნოს ოფიციალური დოკუმენტით, მაგრამ უკრაინამ როგორ მოიპოვა, ეს არის მთავარი. განცხადებები კეთდება, რომ მისი დაკავების, ჩხრეკის დროს იქნა ამოღებული. მისი დაკავება სასმართლოში განხორციელდა, სადაც მას არაფერი არ ჰქონია", - განმარტა მალხაზ ველიჯანაშვილმა.
საქართველოს პროკურატურამ პატიმრის წამების ფაქტზე სასჯელაღსრულების დეპარტამენტის მე-8 დაწესებულების ყოფილი დირექტორი ალექსანდრე მუხაძე (მეტსახელად "ქილერა") პასუხისგებაში მისცა.
საგამოძიებო ორგანოს ინფორმაციით, პატიმარს მუხაძესთან ერთად, მეგის ქარდავაც აწამებდა.
პროკურატურის ცნობით, 2011 წლის მაისში, სასჯელაღსრულების დეპარტამენტის მე-8 დაწესებულებაში ნარკოტიკული ნივთიერების შეძენა-შენახვის ფაქტზე დაკავებულ პირს, მეგის ქარდავამ და ალექსანდრე მუხაძემ მოსთხოვეს არარსებულ ტერორისტულ აქტებში მონაწილეობის აღიარება, ასევე ამ დანაშაულებრივ საქმიანობაში თითქოსდა მონაწილე სხვა პირებზე ჩვენების მიცემა, წინააღმდეგ შემთხვევაში, დაემუქრნენ გაუპატიურებით.
ვიდეო, პროკურატურის მტკიცებით, მეგის ქარდავას ბინის ჩხრეკისას არის ამოღებული და ძალადობის ამსახველ კადრებს შეიცავს.
მეგის ქარდავას ექსტრადირება კიევიდან თბილისში 17 სექტემბერს განხორციელდა. მას ბრალი 11 საქმეში ედება, რომელთაგან 5-ზე უკვე დადგა გამამტყუნებელი განაჩენი. დანარჩენი საქმეების განხილვა დღემდე გრძელდება.
მეგის ქარდავას ადანაშაულებდნენ ადამიანების წამებასა და დამცირებაში. რამდენიმე ეპიზოდი სახალხო დამცველის ანგარიშებშიც მოხვდა.
მან საქართველო 2012 წლის პარლამენტის არჩევნებიდან მალევე დატოვა, 2013 წლის 13 თებერვლიდან კი მასზე ძებნა გამოცხადდა.