ახალი ამბები
სამეგრელოში კორონავირუსით 2 პაციენტი გარდაიცვალა
ბოლო 24 საათში სამეგრელო-ზემო სვანეთში კორონავირუსს ორი პაციენტი ემსხვერპლა. ერთ-ერთი, 60 წლის ზუგდიდელი მამაკაცია, რომელიც რუხის საავადმყოფოში მკურნალობდა. მეორე ხობის მკვიდრი, 89 წლის მამაკაცი საკუთარ სახლში გარდაიცვალა.

სამეგრელო ზემო-სვანეთის კოვიდ კლინიკებში 478 პაციენტი აგრძელებს მკურნალობას. რეგიონში სახელმწიფო რწმუნებულის ადმინისტრაციის ინფორმაციით, მათ შორის მძიმეა 39-ის ჯანმრთელობის მდგომარეობა. ბოლო დღე-ღამეში რეგიონში 316 ახალი შემთხვევა აღირიცხა. გამოჯანმრთელდა 302 პირი.

კლინიკების მიხედვით პაციენტების მონაცემები ასეთია:

რუხის კლინიკაში იმყოფება - 188 კოვიდ პაციენტი, მათ შორის მძიმე 34;
ფოთის კლინიკაში - 39 პაციენტია;
სენაკის კლინიკა სენამედში - 44;
ფოთის კლინიკა ბომონდში - 45, მათ შორის მძიმეა 3;
აბაშის ევექსის კოვიდ კლინიკა - 23 პაციენტი,
სენაკი ლაზიკა მედი - 102 პაციენტი, მათ შორის მძიმე 2 და საშუალო სიმძიმის 85;
მარტვილის ევექსის კლინიკა - 17;
წალენჯიხის ევექსის კლინიკა - 20 პაციენტი.