ციხის საკნიდან მივესალმები დიალოგის შეთავაზებას - სააკაშვილი
პირველად, მრავალი წლის განმავლობაში, მოვისმინე ხელისუფლების
წარმომადგენლისგან სიტუაციის ობიექტური და ძალიან ზუსტი დახასიათება.
ის, რომ ჩვენ ეკონომიკური ბუმი და წარმატებები კი არ გვაქვს, როგორც
მთავრობა ამბობს, არამედ ქვეყანაში არის უმძიმესი
სოციალურ-ეკონომიკური, პოლიტიკური კრიზისი და საქართველოს მასობრივად
ტოვებს ხალხი. ჩვენი ქვეყანა და საზოგადოება ვერ მიდის წინ, - ასე
აფასებს პატიმრობაში მყოფი ყოფილი პრეზიდენტი მიხეილ სააკაშვილი
ორბელიანების სასახლეში გამართულ საახალწლო მიღებაზე პრეზდიდენტ
სალომე ზურაბიშვილის სიტყვას. მისი წერილი ფეისბუკ გვერდზე
გამოქვეყნდა.
სააკაშვილის სიტყვებით, ასეთი განცხადების გაკეთებას ნამდვილად დიდი გამბედაობა სჭირდებოდა და სალომე ზურაბიშვილმა ეს თვისება უდაოდ გამოაჩინა.
"მიუხედავად იმისა, რომ მიმაჩნია, რომ ქვეყნის გათავისუფლების და წინსვლის მთავარი გასაღები თანმიმდევრულ და მშვიდობიან სახალხო პროტესტშია, ამის პარალელურად, ჩემი ციხის საკნიდან მივესალმები დიალოგის შეთავაზებას.
ერთი წუთით არ შევწყვეტ ბრძოლას, სანამ ის უმძიმესი სიტუაცია, რომელიც საქართველოს მეხუთე პრეზიდენტმაც აღწერა დღევანდელ გამოსვლაში, თითოეული ქართველისთვის რეალურად და რადიკალურად არ შეიცვლება. ამ მხრივ, ორივე ხსენებულ გზას, მშვიდობიან პროტესტს და ინკლუზიურ დიალოგს გადამწყვეტი როლი აქვს. მთავარი ახლა შედეგია - ჩვენი ქვეყნის სამშვიდობოზე გაყვანა, ერთხელ და სამუდამოდ და შეუქცევადად დასავლურ გზაზე დაყენება და ჩვენი სახელმწიფოებრიობის ერთადერთი მტრის - რუსეთისგან სამუდამოდ გამოხსნა.
საბოლოო ჯამში, ყველანი ამ ქვეყნის შვილები ვართ და სამოქალაქო თანხმობას, თამაშის პატიოსან წესებზე შეთანხმებას ალტერნატივა არ აქვს. საქართველოში აუცილებლად ჩატარდება პატიოსანი არჩევნები. იქნება თავისუფალი სასამართლო, დასრულდება ნეპოტიზმი და კორუფცია, გაიხსნება შესაძლებლობები ჩვენი მოქალაქეებისთვის, რათა აღარ მოუხდეთ გაქცევა და საქართველო ისევ იქნება მოწინავე და მაგალითის მიმცემი ქვეყანა, რომლითაც ყველანი ვიამაყებთ!", - აცხადებს მიხეილ სააკაშვილი.
საქართველოს პრეზიდენტმა სალომე ზურაბიშვილმა 16 დეკემბერს ორბელიანების სასახლეში პოლიტიკური პარტიების ლიდერებსა და წარმომადგენლებს უმასპინძლა. მან სიტყვით გამოსვლისას განაცხადა, რომ ეროვნული თანხმობოს პროცესი უნდა დაიწყოს, რადგან დღეს პოლარიზებულია ყველა დარგი და სექტორი.
"ეს პროცესი უნდა იყოს სრულიად გამჭვირვალე. დაიწყება კონსულტაციებით, ინდივიდუალურ თუ ჯგუფურ დონეზე, ყველა სფეროს მონაწილებით და ეს ყველაფერი უნდა იყოს ძალიან ვრცელი კომუნიკაციის ფონზე, რათა საზოგადოება და ის ნაწილი საზოგადოების, რომელიც რომელიმე მომენტში არ არის ჩართული, რომელიმე ჯგუფის შეხვედრაზე შეძლოს გაეცნოს შედეგებს და გაიგოს კონსულტაციების შინაარსი",- აღნიშნა სალომე ზურაბიშვილმა.
სააკაშვილის სიტყვებით, ასეთი განცხადების გაკეთებას ნამდვილად დიდი გამბედაობა სჭირდებოდა და სალომე ზურაბიშვილმა ეს თვისება უდაოდ გამოაჩინა.
"მიუხედავად იმისა, რომ მიმაჩნია, რომ ქვეყნის გათავისუფლების და წინსვლის მთავარი გასაღები თანმიმდევრულ და მშვიდობიან სახალხო პროტესტშია, ამის პარალელურად, ჩემი ციხის საკნიდან მივესალმები დიალოგის შეთავაზებას.
ერთი წუთით არ შევწყვეტ ბრძოლას, სანამ ის უმძიმესი სიტუაცია, რომელიც საქართველოს მეხუთე პრეზიდენტმაც აღწერა დღევანდელ გამოსვლაში, თითოეული ქართველისთვის რეალურად და რადიკალურად არ შეიცვლება. ამ მხრივ, ორივე ხსენებულ გზას, მშვიდობიან პროტესტს და ინკლუზიურ დიალოგს გადამწყვეტი როლი აქვს. მთავარი ახლა შედეგია - ჩვენი ქვეყნის სამშვიდობოზე გაყვანა, ერთხელ და სამუდამოდ და შეუქცევადად დასავლურ გზაზე დაყენება და ჩვენი სახელმწიფოებრიობის ერთადერთი მტრის - რუსეთისგან სამუდამოდ გამოხსნა.
საბოლოო ჯამში, ყველანი ამ ქვეყნის შვილები ვართ და სამოქალაქო თანხმობას, თამაშის პატიოსან წესებზე შეთანხმებას ალტერნატივა არ აქვს. საქართველოში აუცილებლად ჩატარდება პატიოსანი არჩევნები. იქნება თავისუფალი სასამართლო, დასრულდება ნეპოტიზმი და კორუფცია, გაიხსნება შესაძლებლობები ჩვენი მოქალაქეებისთვის, რათა აღარ მოუხდეთ გაქცევა და საქართველო ისევ იქნება მოწინავე და მაგალითის მიმცემი ქვეყანა, რომლითაც ყველანი ვიამაყებთ!", - აცხადებს მიხეილ სააკაშვილი.
საქართველოს პრეზიდენტმა სალომე ზურაბიშვილმა 16 დეკემბერს ორბელიანების სასახლეში პოლიტიკური პარტიების ლიდერებსა და წარმომადგენლებს უმასპინძლა. მან სიტყვით გამოსვლისას განაცხადა, რომ ეროვნული თანხმობოს პროცესი უნდა დაიწყოს, რადგან დღეს პოლარიზებულია ყველა დარგი და სექტორი.
"ეს პროცესი უნდა იყოს სრულიად გამჭვირვალე. დაიწყება კონსულტაციებით, ინდივიდუალურ თუ ჯგუფურ დონეზე, ყველა სფეროს მონაწილებით და ეს ყველაფერი უნდა იყოს ძალიან ვრცელი კომუნიკაციის ფონზე, რათა საზოგადოება და ის ნაწილი საზოგადოების, რომელიც რომელიმე მომენტში არ არის ჩართული, რომელიმე ჯგუფის შეხვედრაზე შეძლოს გაეცნოს შედეგებს და გაიგოს კონსულტაციების შინაარსი",- აღნიშნა სალომე ზურაბიშვილმა.