ვწუხვარ ჩემი მმართველობის ბევრი საკითხის გამო, მაგრამ ამგვარი ქვეყნის აშენებას არასდროს ვინანებ - სააკაშვილი
პარლამენტთან მიმდინარე აქციაზე, ექსპრეზიდენტ მიხეილ სააკაშვილის
დედამ, გიული ალასანიამ
შვილის წერილი წაიკითხა.
ვწუხვარ ჩემი მმართველობის ბევრი საკითხის გამო, მაგრამ ამგვარი ქვეყნის აშენება არასდროს შემრცხვება და არასდროს ვინანებ. ევროპული ინტეგრაცია და ჩემი ამ ხნის ოცნება ახლა საფრთხეშია, - წერს სააკაშვილი.
მისი თქმით, არაფერი ისე არ აახლოებს საზოგადოებას, როგორც სამშობლოსთვის ბრძოლა.
"ჩვენი დამოუკიდებლობის პირველივე დღეებიდან ოცნება, რომელიც მამოძრავებდა და მთავარი მიზანი, რომელიც გვქონდა, იყო მეხილა ჩვენი ქვეყანა დემოკრატიული, დასავლური ოჯახის სრულფასოვან და განუყოფელ ნაწილად, საქართველო შეუქცევადად შემდგარიყო დასავლური რეინტეგრაციის გზაზე. სწორედ ქართველი ხალხის ამ ოცნებამ მიგვიყვანა "ვარდების რევოლუციამდე", წარმოუდგენელ რეფორმებამდე და შეუმდგარი ქვეყნის არნახულ აღმშენებლობამდე, რეგიონის ლიდერობამდე და სამაგალითო ქვეყნად ქცევამდე. მთელ პოსტსაბჭოთა სისტემაში პირველად იმგვარ დემოკრატიამდე, სადაც მმართველი პარტია შეიძლებოდა დამარცხებულიყო და ლიდერს ხელისუფლება მშვიდობიანად გადაეცა გამარჯვებულისთვის. ვწუხვარ ჩემი მმართველობის ბევრი საკითხის გამო, მაგრამ ამგვარი ქვეყნის აშენება არასდროს შემრცხვება და არასდროს ვინანებ. ხელისუფლების ერთადერთი წყარო ჩვენი ხალხია და ის წყვეტს, მოგვიყვანოს ხელისუფლებაში, ან გაგვიშვას ხელისუფლებიდან. ევროპული ინტეგრაცია და ჩემი ამ ხნის ოცნება ახლა საფრთხეშია და ამიტომაც, ახლა ჩვენს გულებში კვლავ ისეთივე სიმძლავრით აენთო ეს ოცნება და ისტორიული სურვილი, როგორც 2003 წელს", - აცხადებს მიხეილ სააკაშვილი.
შეკრებილებს გიული ალასანიამაც მიმართა. მისი თქმით, ქვეყანამ ბევრი სისხლი გაიღო დამოუკიდებლობის მოსაპოვებლად, დღეს კი ამ მონაპოვარს საფრთხე ემუქრება. ამბობს, რომ მისი შვილი პოლიტიკური პატიმარია
"1989 წლიდან დაწყებული, ამ ქუჩას ბევრი აქცია უნახავს, ბევრი დარბევაც უნახავს. დღეს არის ჩემი შვილის დაბადების დღე. ჩემთვის განსაკუთრებული დღეა. 30 წლის განმავლობაში, ჩვენმა ხალხმა, მოქალაქეებმა განურჩევლად მათი რელიგიური თუ ეთნიკური კუთვნილებისა, ძალიან ბევრი მსხვერპლი გაიღო, ბევრი სისხლი დაღვარა, იმისთვის, რომ მოეპოვებინათ დამოუკიდებლობა და შემდეგ შეენარჩუნებინათ. დღეს ჩვენ სწორედ ამ დამოუკიდებლობის დაკარგვის საფრთხის წინაშე ვართ", - განაცხადა გიული ალასანიამ.
პარლამენტთან მიხეილ სააკაშვილის გათავისუფლების მოთხოვნით ოპოზიციის წარმომადგენლები კიდევ ერთხელ შეიკრიბნენ, სადაც ნიკა მელიამ მასობრივი შიმშილობის დაწყების შესახებ გამოაცხადა.
ვწუხვარ ჩემი მმართველობის ბევრი საკითხის გამო, მაგრამ ამგვარი ქვეყნის აშენება არასდროს შემრცხვება და არასდროს ვინანებ. ევროპული ინტეგრაცია და ჩემი ამ ხნის ოცნება ახლა საფრთხეშია, - წერს სააკაშვილი.
მისი თქმით, არაფერი ისე არ აახლოებს საზოგადოებას, როგორც სამშობლოსთვის ბრძოლა.
"ჩვენი დამოუკიდებლობის პირველივე დღეებიდან ოცნება, რომელიც მამოძრავებდა და მთავარი მიზანი, რომელიც გვქონდა, იყო მეხილა ჩვენი ქვეყანა დემოკრატიული, დასავლური ოჯახის სრულფასოვან და განუყოფელ ნაწილად, საქართველო შეუქცევადად შემდგარიყო დასავლური რეინტეგრაციის გზაზე. სწორედ ქართველი ხალხის ამ ოცნებამ მიგვიყვანა "ვარდების რევოლუციამდე", წარმოუდგენელ რეფორმებამდე და შეუმდგარი ქვეყნის არნახულ აღმშენებლობამდე, რეგიონის ლიდერობამდე და სამაგალითო ქვეყნად ქცევამდე. მთელ პოსტსაბჭოთა სისტემაში პირველად იმგვარ დემოკრატიამდე, სადაც მმართველი პარტია შეიძლებოდა დამარცხებულიყო და ლიდერს ხელისუფლება მშვიდობიანად გადაეცა გამარჯვებულისთვის. ვწუხვარ ჩემი მმართველობის ბევრი საკითხის გამო, მაგრამ ამგვარი ქვეყნის აშენება არასდროს შემრცხვება და არასდროს ვინანებ. ხელისუფლების ერთადერთი წყარო ჩვენი ხალხია და ის წყვეტს, მოგვიყვანოს ხელისუფლებაში, ან გაგვიშვას ხელისუფლებიდან. ევროპული ინტეგრაცია და ჩემი ამ ხნის ოცნება ახლა საფრთხეშია და ამიტომაც, ახლა ჩვენს გულებში კვლავ ისეთივე სიმძლავრით აენთო ეს ოცნება და ისტორიული სურვილი, როგორც 2003 წელს", - აცხადებს მიხეილ სააკაშვილი.
შეკრებილებს გიული ალასანიამაც მიმართა. მისი თქმით, ქვეყანამ ბევრი სისხლი გაიღო დამოუკიდებლობის მოსაპოვებლად, დღეს კი ამ მონაპოვარს საფრთხე ემუქრება. ამბობს, რომ მისი შვილი პოლიტიკური პატიმარია
"1989 წლიდან დაწყებული, ამ ქუჩას ბევრი აქცია უნახავს, ბევრი დარბევაც უნახავს. დღეს არის ჩემი შვილის დაბადების დღე. ჩემთვის განსაკუთრებული დღეა. 30 წლის განმავლობაში, ჩვენმა ხალხმა, მოქალაქეებმა განურჩევლად მათი რელიგიური თუ ეთნიკური კუთვნილებისა, ძალიან ბევრი მსხვერპლი გაიღო, ბევრი სისხლი დაღვარა, იმისთვის, რომ მოეპოვებინათ დამოუკიდებლობა და შემდეგ შეენარჩუნებინათ. დღეს ჩვენ სწორედ ამ დამოუკიდებლობის დაკარგვის საფრთხის წინაშე ვართ", - განაცხადა გიული ალასანიამ.
პარლამენტთან მიხეილ სააკაშვილის გათავისუფლების მოთხოვნით ოპოზიციის წარმომადგენლები კიდევ ერთხელ შეიკრიბნენ, სადაც ნიკა მელიამ მასობრივი შიმშილობის დაწყების შესახებ გამოაცხადა.