ოკუპირებულ აფხაზეთში ბოლო 24 საათში კორონავირუსით კიდევ ერთი პაციენტი გარდაიცვალა - 70 წლის მამაკაცი, რომელიც გუდაუთის კოვიდ კლინიკაში მკურნალობდა. ბოლო დღე-ღამეში დე ფაქტო რესპუბლიკაში კორონავირუსზე ტესტირება ჩაუტარდა 511 ადამიას. აქედან კოვიდ-19 დაუდასტურდა კიდევ 109 პირს. როგორც აფხაზური მედია იუწყება, გუდაუთის კოვიდ კლინიკაში ჯამში 97 პაციენტი მკურნალობს, აქედან 32 მძიმე მდგომარეობაშია. სოხუმის კოვიდ საავადმყოფოში 41 პაციენტიდან 20-ის ჯანმრთელობის მდგომარეობა ფასდება მძიმედ. ოჩამჩირის საავადმყოფოში 24 პაციენტიდან 9-ის, გაგრის კოვიდ კლინიკაში მოთავსებული 13 კოვიდ პაციენტიდან 3-ია მძიმედ, ტყვარჩელის სამედიცინო დაწესებულებაში 16 კოვიდ პაციენტს მკურნალობენ.

ჯამში ოკუპირებულ რეგიონში აღრიცხულია კორონავირუსით ინფიცირების 37 147 შემთხვევა. აქედან ლეტალურად დასრულდა 551. დანარჩენი პაციენტები კი გამოჯანმრთელდნენ.