ბოლო 24 საათში სამეგრელო-ზემო სვანეთში კორონავირუსს კიდევ ერთი პაციენტი ემსხვერპლა - წალენჯიხის მკვიდრი, 53 წლის ქალი. ის მკურნალობას რუხის კლინიკაში გადიოდა.

რეგიონში სახელმწიფო რწმუნებულის ადმინისტრაციის ინფორმაციით, ბოლო დღე-ღამეში გამოჯანმრთელდა 152 პაციენტი. აღირიცხა კოვიდ19-ის 148 ახალი შემთხვევა. საკარანტინე სივრცეში რჩება 18 კოვიდ ინფიცირებული.

რეგიონის კოვიდ კლინიკებში მკურბალობას აგრძელებს 317 პაციენტი. მძიმეა 27 მათგანის ჯანმრთელობის მდგომარეობა.

კლინიკების მიხედვით პაციენტების მაჩვენებელი ასეთია:

რუხის კლინიკაში იმყოფება - 87 კოვიდ პაციენტი, მათ შორის მძიმე 26;

ფოთის კლინიკაში - 38 პაციენტი;

სენაკის კლინიკა სენამედში - 44;

ფოთის კლინიკა ბომონდში - 30;

აბაშის ევექსის კოვიდ კლინიკა - 26;

სენაკი ლაზიკა მედი - 62 პაციენტი, მათ შორის მძიმე 1 და საშუალო სიმძიმის 43;

მარტვილის ევექსის კლინიკა - 12 პაციენტი,

წალენჯიხის ევექსის კლინიკა - 18 პაციენტი.

29 დეკემბრის მონაცემებით, ქვეყანაში ბოლო 24 საათში 46 059 კვლევა ჩატარდა ტესტით. გამოვლინდა კორონავირუსის 2 514 შემთხვევა. სულ დადასტურებულია 930 544 შემთხვევა. გარდაიცვალა კიდევ 61 პაციენტი. ჯამში 13 707 გარდაცვლილი. გამოჯანმრთელდა 2 711. სულ 890 733 გამოჯანმრთელებული.