ახალი ამბები
მეგრულ ენას რომ გადაარჩენს, ის ვაქცინა თბილისშია, ვითხოვთ მოგვცენ - საპროტესტო აქციის მონაწილეები
FaceBook Twitter
E-mail Print
დადიანების ისტორიულ-არქიტექტურული მუზეუმის ეზოში მეგრულ-ლაზურ-სვანური ენების დაცვის მოთხოვნით საპროტესტო აქცია გაიმართა. შეკრებილთა თქმით, ქართველური ენები გაქრობის წინაშეა, ამიტომ, სახელმწიფო რამე უნდა მოიმოქმედოს ამ შეუქცევადი პროცესის შესაჩერებლად. აქციისთვის მოქალაქეები სამეგრელოს სხვადასხვა მუნიციპალიტეტიდან, მათ შორის წალენჯიხიდან, ჩხოროწყუდან და ფოთიდან ჩამოვიდნენ.

შეკრების ორგანიზატორი ირაკლი ბუკია ამბობს, რომ ისინი არაფერს ანტისახელმწიფოებრივს არ ითხოვენ და აქციების რუსეთთან დაკავშირებაც არასწორია. მისი თქმით, მეგრულ ენას რომ გადაარჩენს, ის "ვაქცინა" თბილისშია და ითხოვენ, რომ მისცენ. ეს ვაქცინაა - ტელევიზია, დაწყებით კლასებში მეგრული ენის შემოღება, კვირაში 2-3 საათით მაინც და მეგრულენოვანი პრესა.

ირაკლი ბუკია: აქციის ორგანიზატორი

ირაკლი ბუკია აღნიშნავს, რომ კიდევ ერთი მოთხოვნა, შეცვლილი მეგრული ტოპონიმების დაბრუნებაა:

"მთელი ცხოვრება წენწყარში დავდიოთი ტანის დასაბანად. დღეს ტრაფარეტს აწერია ჭანისწყალი. ბევრ სოფელს სახელი შეეცვალა. იყო თარგამული, გახდა დავითიანი. გოჭკადილს გაჭედილი დაარქვეს. სახელის შეცვლა თუა საჭირო, ბევრი გვაქვს ისეთი სოფელი, რომელთაც კომუნისტური სახელწოდებები აქვთ. მაგალითად, პირველი მაისი. ძველად ერქვა ბულიწყუ. ეს შეეცვალათ. გადაეკეთებინათ კიროვი, ოქტომბერი".

ირაკლი ბუკია სოხუმელია, რომელმაც აფხაზეთის ომის შემდეგ, 27 წელი მოსკოვში იცხოვრა. საქართველოში 4 წლის წინ დაბრუნდა. ნახა, რომ სამეგრელოში ახალგაზრდები მეგრულ ენაზე არ საუბრობენ - ზოგმა არ იცის, ზოგმა იცის, მაგრამ რცხვენიათ ამ ენაზე ლაპარაკი. აქციის ორგანიზატორს ესმის მათი, რადგან მეგრული ენა დღეს არსად გამოიყნება, არც მაღაზიებში, ბანკში, საავადმყოფოში. ამიტომ, დამოკიდებულებაც შესაბამისია. მისი თქმით, არც მულტფილმებია მეგრულ ენაზე, არც ფილმები და ბავშვიც მეგრულს ენად ვერ აღიქვამს.

არის თუ არა რუსეთის ინტერესში საქართველოში უთანხმოების დათესვა აქციის მონაწილეთა მოთხოვნების საფუძველზე, ამბობს, რომ არა. მისი აზრით, სავარაუდოდ ვიღაცებს არ აწყობთ მეგრულის გაპიარება, გადარჩენა.

"რა შუაშია აქ სეპარატიზმი და რუსის წისქვილი? ბევრი ამბობს, მტრის წინქვილზე ასხამთო წყალს. ჩვენ ნამდვილად ვასხამთ წყალს, მაგრამ არა ვინმეს წისქვილზე. ჩვენ ამ წყალს იმისთვის ვასხამთ, რომ ცეცხლი ჩავაქროთ, ჩვენს ენას რომ უკიდია".

ირაკლი ბუკიამ ჟურნალისტების კითხვებს მეგრულად უპასუხა. მისი განმარტებით არა იმიტომ, რომ ქართული არ უყვარს, იმიტომ, რომ ამ ჟესტით პროტესტს გამოხატავს, ქართულმა სახელმწიფომ კი უნდა მისცეს ხალხს ბერკეტი ენის გადასარჩენად.

ედემ იზორია: აქციის მონაწილე

"არ იქნება ენა, არ იქნება მეგრელი ხალხი, ეთნოსი დაიკარგება", - განმარტა მან.

შემოქმედთა გაერთიანება "აიას" თავმჯდომარე ედემ იზორიას თქმით, ისინი წლებია უცვლელი მოთხოვნით საპროტესტო აქციებს მართავენ. წერილებით მიმართეს პარლამენტს, პრემიერ-მინისტრს, პრეზიდენტს და კათოლიკოს პატრიარქს, თუმცა უშედეგოდ. ახლა გეგმავენ, იგივე შინაარსის მოთხოვნა ხელმოწერებთან ერთად ხელმეორედ გააგზავნონ. შემდეგ, ამ წერილის ავტორების ნაწილი თბილისში ჩავა და დაელოდებიან საკანონმდებლო ორგანოს მიერ ამ წინადადებების განხილვას.

"სანამ პასუხს არ გაგვცემენ, იქ დავდგებით. წერილში ნათქვამია, რომ მეგრელი, სვანი და ლაზი ეთნოსების არსებობა დაბრკოლება კი არაა საქართველოს ერთიანობისთვის, არამედ პირობაა ერთიანობის. მეგრელი მეგრელი თუ არ არსებობს, სვანი სვანი თუ არ არსებობს, ლაზი ლაზი თუ არ არის, ერთიანი იყოს საქართველო? მარტო ქართების საქართველოა? იყოს მარტო მეგრელების საქართველო, იქნება ერთიანი საქართველო?", - აცხადებს ედემ იზორია.

მისი თქმით, სახელმწიფო ენის შესახებ კანონში ცვლილებები უნდა შევიდეს და მას ეწოდოს კანონი ქართველური ენების შესახებ და მეგრულს, სვანურს და ლაზურს ჰქონდეთ იგივე უფლებები რეგიონში, რაც ქართულს.

შეკრების ორგანიზატორი ირაკლი ბუკია ამბობს, რომ აქციები გაგრძელდება მანამ, სანამ სახელმწიფოსგან არ მიიღებენ ქართველური ენების გადარჩენის გარანტიებს.

ზუგდიდში პერიოდულად იმართება აქციები მეგრულ-ლაზურ სვანური ენების დაცვის მოთხოვნით. მათ შორის შეგროვდა ხელმოწერები მეგრულისთვის რეგიონული ენის სტატუსის მინიჭების მოთხოვნით.
Print E-mail
Twitter
სხვა მასალები
ზუგდიდის ცენტრალურ ბულვარში დღეს
19:28 / 18.05.2022
ზუგდიდის ცენტრალურ ბულვარში დღეს "მთავარი არხის" მხარდამჭერი აქცია გაიმართა. შეკრებილებმა
საქართველოს პრემიერ-მინისტრი ირაკლი ღარიბაშვილი, ბრიუსელში სამუშაო
ვიზიტის ფარგლებში,
18:41 / 18.05.2022
საქართველოს პრემიერ-მინისტრი ირაკლი ღარიბაშვილი, ბრიუსელში სამუშაო ვიზიტის ფარგლებში,
საპარლამენტო უმრავლესობის წევრების მიერ ინიცირებული ცვლილებები,
რომელიც ახლებურად არეგულირებს
15:58 / 18.05.2022
საპარლამენტო უმრავლესობის წევრების მიერ ინიცირებული ცვლილებები, რომელიც ახლებურად არეგულირებს
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.