ახალი ამბები
ხვალ მე მივალ "სასამართლოზე" და ვიტყვი ჩემს სათქმელს - მიხეილ სააკაშვილი
ექსპრეზიდენტი მიხეილ სააკაშვილი ხვალ, 13 იანვარს გეგმავს სასამართლოში მისვლას. ამის შესახებ ის სოციალურ ქსელში წერს, სადაც ხაზარაძე-ჯაფარიძის მიმართ სასამართლოს გადაწყვეტილებას ეხმაურება. მისი თქმით კარგია, რომ რეჟიმმა ვერ გარისკა "თითიდან გამოწოვილი" საქმით მამუკა ხაზარაძის, ბადრი ჯაფარიძის და ავთო წერეთლის დაპატიმრება.

"რა თქმა უნდა, მათ გამოიტანეს სრულიად ფეიკ განაჩენი. როგორც ყოველთვის, მე მომეწონა როგორ ღირსეულად ეჭირათ მთელი ეს დრო თავი "განსასჯელებს" და ასევე, ვატო წერეთელს. ერთი წუთით არ დატყობიათ შიში და ყოყმანი.

მას შემდეგ, რაც ჩემ საკითხზე გამოტანილი ობიექტური გადაწყვეტილების შემდეგ გააუქმეს კანონით სახელმწიფო ინსპექტორის ოფისი, გუშინ, საქალაქო "სასამართლომ", გააუქმა ასევე მათი გადაწყვეტილება ჩემ საქმეზე. "მელამ საკუთარი კუდი დაიმოწმაო" - ასეა ზუსტად ამ "მთავრობის" და მისი სასამართლოს საქმე.

ხვალ, მე მივალ "სასამართლოზე" და ვიტყვი ჩემს სათქმელს", - წერს სააკაშვილი.

სხდომა მის მიერ საზღვრის უკანონოდ კვეთის საქმეზე გაიმართება.

ის თბილისში 1-ელ ოქტომბერს დააკავეს.