ზუგდიდის შალვა დადიანის სახელობის დრამატული თეატრი დროებით წყვეტს სპექტაკლების ჩვენებას. მიზეზი პანდემიაა - მომატებული კოვიდ ინფიცირების შემთხვევები.

თეატრი მაყურებელს წარმოდგენებს 15 თებერვლამდე ვეღარ უჩვენებს.

"15-ის შემდეგ გამოქვეყნდება სპექტაკლების განრიგი. შეგახსენებთ, რომ ამჟამად რეპერტუარში შედის 9 სპექტაკლი, ყველა ასაკის და თაობის მაყურებლისთვის (დაწყებული 0 ასაკის ბავშვებიდან) და თებერვალ-მარტში შემოგვემატება 2 ძალიან საინტერესო სპექტაკლი.

გისურვეთ ჯანმრთელობას!

ვატაროთ პირბადე

დავიცვათ დისტანცია", - ნათქვამია თეატრის ადმინისტრაციის მიერ გავრცელებულ განცხადებაში.

ორი დღეა კორონავირუსის ყოველდღიური შემთხვევები ქვეყანაში 20 ათასს აჭარბებს.