ბოლო 24 საათში სამეგრელო-ზემო სვანეთში კორონავირუსით ინფიცირებული ორი პაციენტი გარდაიცვალა. ერთი ზუგდიდის მცხოვრები, 83 წლის მამაკაცია, მეორე მარტვილელი, 71 წლის ქალი. ორივე მათგანი მკურნალობას რუხის კლინიკაში გადიოდა.

სამეგრელო-ზემო სვანეთში სახელმწიფო რწმუნებულის ადმინისტრაციის ინფორმაციით, რეგიონის მასშტაბით, ბოლო 24 საათში გამოჯანმრთელდა 1017 პაციენტი. კოვიდ-კლინიკებში მკურნალობას აგრძელებს ჯამში 397 პირი. მათ შორის მძიმეა 4-ის ჯანმრთელობის მდგომარეობა.

რეგიონის მასშტაბით სულ კარანტინში იმყოფება 42 კოვიდ ინფიცირებული მოქალაქე.

ბოლო 24 საათში ქვეყნის მასშტაბით 52 912 კვლევა ჩატარდა ტესტით. შედეგად გამოვლინდა კორონავირუსის 15 644 შემთხვევა. პანდემიის დაწყებიდან სულ დადასტურებულია 1 511 800 შემთხვევა. გარდაიცვალა 46 პაციენტი. ჯამში 15 729 გარდაცვლილი. გამოჯანმრთელდა 24 110 პირი. სულ 1 324 172 გამოჯანმრთელებული.