„ოცნებამ“ სენაკის საკრებულოს აპარატზე ზეწოლა მოახდინა და დანაშაული ჩაიდინა - ენმ
"ქართული ოცნება" სრულიად დესტრუქციულად იქცევა და საბოტაჟს კი არ
აკეთებს მხოლოდ, არამედ დანაშაულს სჩადის, -
ასე ეხმაურება სენაკის საკრებულოში ფრაქცია ენმ-ს წევრი სევდია
უგრეხელიძე განვითარებულ მოვლენებს.
მისი მტკიცებით, მმართველმა გუნდმა აპარატზე მოახდინა ზეწოლა, რის გამოც აპარატის უფროსი გადადგა და თქვა, რომ ის იყო ზეწოლის ქვეშ, ზეწოლის ბერკეტი კი მხოლოდ "ოცნებას" აქვს და არა ოპოზიციას. შედეგად, დღეს აღმოჩნდნენ არჩევნების ჩაშლის ფაქტის წინაშე.
"რა თქმა უნდა, ეს ზეწოლა იმიტომ იყო და იმიტომ გადადგა აპარატის უფროსი, რომ ჩაშლილიყო არჩევნები. ვინაიდან ბიულეტენის ფორმაში საჭირო იყო აპარატის უფროსის ხელმოწერა და ბეჭედი, მე მას მივუთითე, რომ თუკი ის მიდიოდა სამსახურიდან, ბეჭედი უნდა ჩაებარებინა ჩვენთვის, საკრებულოსთვის, რაც მან არ გააკეთა, ან ვერ გააკეთა. ე.ი. გატაცებულია ბეჭედი სახელისუფლო პარტიის მიერ. აპარატში ბეჭედი არ არის, მოპარულია, დაკარგულია და ეს არის ნამდვილი კრიმინალი", - განაცხადა სევდია უგრეხელიძემ.
მისი თქმით, სწორედ ამიტომ, იმსჯელეს და განკარგულებაში, რომელიც ადგენდა ბიულეტენის ფორმას, შეიტანეს ცვლილება - აპარატის უფროსის ხელმოწერა და ბეჭედი ჩანაცვლდა სხდომის ხელმძღვანელის ხელმოწერით. ეს, ოპოზიციონერი დეპუტატის მტკიცებით, რანგით მეტია ვიდრე აპარატის უფროსი და ეს ბეჭედიც საკრებულოს ბეჭედია.
"აქედან გამომდინარე, ჩემს მიერ იქნა ხელმოწერილი იმდენი ბიულეტენი, რამდენიც საჭირო იყო თავმჯდომარის ასარჩევად. ასე რომ, კანონის შესაბამისად მოხდა ყველაფერი - საკრებულომ მიიღო თავისსავე განკარგულებაში ცვლილება და ამ ცვლილების საფუძველზე იქნა დაძლეული აპარატის დანაშაულებრივი ქმედება, რომელიც გამოწვეული იყო მასზე უფრო დანაშაულებრივი ჯგუფის, "ქართული ოცნების" ქმედებით", - განმარტა სევდია უგრეხელიძემ.
სენაკის მუნიციპალიტეტის საკრებულოს თავმჯდომარედ პარტია "საქართველოსთვის" წევრი, ირაკლი კაჭარავა აირჩიეს 17 ხმით, "ქართული ოცნების" მონაწილეობის გარეშე.
ოპოზიცია 17 წევრით იყო წარმოდგენილი. მათგან 13 "ნაციონალური მოძრაობის" წევრია, 4 კი "საქართველოსთვის".
"ოცნებას" 16 მანდატი აქვს.
მანამდე, საკრებულოს აპარატის ხელმძღვანელმა თანამდებობა დატოვა.
სხდომამდე, "ქართულმა ოცნებამ" სასამართლოს მიმართა სარჩელით, გააუქმოს სენაკის საკრებულოს 9 თებერვლის გადაწყვეტილებები. კერძოდ, საუბარი შეეხება 17 წევრის ნაცვლად, 16 წევრის მონაწილეობით დროებითი სამანდატო და ხმის დამთვლელი კომისიის გადარჩევას. ასევე, გახარიას პარტიის წევრის, ნიკოლოზ შამათავას უფლებამოსილების ცნობას.
ოპოზიციის მტკიცებით კი, სხდომა ლეგიტიმურად ჩატარდა და გადაწყვეტილებებიც სამართლიანია.
მანამდე, საკრებულოს თავმჯდომარედ გახარიას პარტიის წევრი აირჩიეს წალენჯიხაში, ჩხოროწყუსა და ზუგდიდში.
მისი მტკიცებით, მმართველმა გუნდმა აპარატზე მოახდინა ზეწოლა, რის გამოც აპარატის უფროსი გადადგა და თქვა, რომ ის იყო ზეწოლის ქვეშ, ზეწოლის ბერკეტი კი მხოლოდ "ოცნებას" აქვს და არა ოპოზიციას. შედეგად, დღეს აღმოჩნდნენ არჩევნების ჩაშლის ფაქტის წინაშე.
"რა თქმა უნდა, ეს ზეწოლა იმიტომ იყო და იმიტომ გადადგა აპარატის უფროსი, რომ ჩაშლილიყო არჩევნები. ვინაიდან ბიულეტენის ფორმაში საჭირო იყო აპარატის უფროსის ხელმოწერა და ბეჭედი, მე მას მივუთითე, რომ თუკი ის მიდიოდა სამსახურიდან, ბეჭედი უნდა ჩაებარებინა ჩვენთვის, საკრებულოსთვის, რაც მან არ გააკეთა, ან ვერ გააკეთა. ე.ი. გატაცებულია ბეჭედი სახელისუფლო პარტიის მიერ. აპარატში ბეჭედი არ არის, მოპარულია, დაკარგულია და ეს არის ნამდვილი კრიმინალი", - განაცხადა სევდია უგრეხელიძემ.
მისი თქმით, სწორედ ამიტომ, იმსჯელეს და განკარგულებაში, რომელიც ადგენდა ბიულეტენის ფორმას, შეიტანეს ცვლილება - აპარატის უფროსის ხელმოწერა და ბეჭედი ჩანაცვლდა სხდომის ხელმძღვანელის ხელმოწერით. ეს, ოპოზიციონერი დეპუტატის მტკიცებით, რანგით მეტია ვიდრე აპარატის უფროსი და ეს ბეჭედიც საკრებულოს ბეჭედია.
"აქედან გამომდინარე, ჩემს მიერ იქნა ხელმოწერილი იმდენი ბიულეტენი, რამდენიც საჭირო იყო თავმჯდომარის ასარჩევად. ასე რომ, კანონის შესაბამისად მოხდა ყველაფერი - საკრებულომ მიიღო თავისსავე განკარგულებაში ცვლილება და ამ ცვლილების საფუძველზე იქნა დაძლეული აპარატის დანაშაულებრივი ქმედება, რომელიც გამოწვეული იყო მასზე უფრო დანაშაულებრივი ჯგუფის, "ქართული ოცნების" ქმედებით", - განმარტა სევდია უგრეხელიძემ.
სენაკის მუნიციპალიტეტის საკრებულოს თავმჯდომარედ პარტია "საქართველოსთვის" წევრი, ირაკლი კაჭარავა აირჩიეს 17 ხმით, "ქართული ოცნების" მონაწილეობის გარეშე.
ოპოზიცია 17 წევრით იყო წარმოდგენილი. მათგან 13 "ნაციონალური მოძრაობის" წევრია, 4 კი "საქართველოსთვის".
"ოცნებას" 16 მანდატი აქვს.
მანამდე, საკრებულოს აპარატის ხელმძღვანელმა თანამდებობა დატოვა.
სხდომამდე, "ქართულმა ოცნებამ" სასამართლოს მიმართა სარჩელით, გააუქმოს სენაკის საკრებულოს 9 თებერვლის გადაწყვეტილებები. კერძოდ, საუბარი შეეხება 17 წევრის ნაცვლად, 16 წევრის მონაწილეობით დროებითი სამანდატო და ხმის დამთვლელი კომისიის გადარჩევას. ასევე, გახარიას პარტიის წევრის, ნიკოლოზ შამათავას უფლებამოსილების ცნობას.
ოპოზიციის მტკიცებით კი, სხდომა ლეგიტიმურად ჩატარდა და გადაწყვეტილებებიც სამართლიანია.
მანამდე, საკრებულოს თავმჯდომარედ გახარიას პარტიის წევრი აირჩიეს წალენჯიხაში, ჩხოროწყუსა და ზუგდიდში.