ახალი ამბები
“უკრაინა და საქართველო რუსეთის გარეშე” - სოლიდარობის აქცია ზუგდიდში [ფოტო]
FaceBook Twitter
E-mail Print
ზუგდიდში უკრაინის მხარდამჭერი აქცია გაიმართა. სამოქალაქო აქტივისტებმა, არასამთავრობო ორგანიზაციების, პოლიტიკური პარტიების წარმომადგენლებმა, გააპროტესტეს რუსეთის შეჭრა სუვერენული სახელმწიფოს ტერიტორიაზე და უკრაინელ ხალხს სოლიდარობა გამოუცხადეს.

"არ მინდა ომი, მინდა მშვიდობა," " მშვიდობა უკრაინას", "უკრაინა და საქართველო რუსეთის გარეშე", - ამ შინაარსის ტრანსფარანტიანი წარწერებით, უკრაინის დროშებით ხელში შეიკრიბნენ მანიფესტანტები სკეიტ პარკის მიმდებარედ.

"ნაციონალური მოძრაობის" წარმომადგენელ, პარლამენტარ ანა წითლიძის განცხადებით, დღეს უკრაინაში, უკრაინელებთან ერთად, წყდება საქართველოს ბედიც, და ამ ბრძოლაში ქართველები სწორედ უკრაინელების გვერდით დგანან.

"ქედს ვიხრი უკრაინის და უკრაინელი ხალხის წინაშე. დღეს უკრაინაში წყდება მათ შორის საქართველოც ბედიც. მინდა გამძლეობა ვუსურვო უკრაინელ ხალხს და უკრაინელებმა უნდა იცოდნენ, რომ ამ ბრძოლაში თავისუფლებისთვის, ქართველები ვართ მათთან ერთად. მე დარწმუნებული ვარ, როგორი რთულიც არ უნდა იყოს ეს ბრძოლა, და ჩვენ ვიცით, რომ უკრაინის ქალაქები იბომბება, სიკეთე ბოლოს აუცილებლად გაიმარჯვებს ბოროტებაზე და რუსეთის დასასრული იქნება სწორედ უკრაინაში", - აღნიშნა მან.

აქციას შეუერთდა "საერთაშორისო გამჭვირვალობა - საქართველოს" ზუგდიდის ოფისის ხელმძღვანელი არჩილ თოდუაც. მისი თქმით, აქ უკრაინელი ხალხისთვის სოლიდარობის გამოსაცხადებლად მოვიდა. ამბობს, რომ დღეს უკრაინა რუსეთის მხრიდან წარმოუდგენლად დიდი, ფართომასშტაბიანი აგრესიის მსხვერპლია. ეს აგრესია კი, ეხება არამხოლოდ უკრაინას და საქართველოს, მთელს ცივილურ სამყაროს.

"დღეს გვაქვს ასეთი მოცემულობა - ან რუსეთი და ეს ბოროტი ძალა გაიმარჯვებს, ან ამ ბოროტ ძალას დაამარცხებს ცივილური სამყარო. გამოვქთვამ დიდ იმედს, რომ უკრაინელი ხალხის, უკრაინელი სახელმწიფოს მონდომებით, დასავლური სამყაროს მხარდაჭერით, დღეს რუსეთი უკრაინაში დამარცხდება, რაც ნიშნავს იმას, რომ დამარცხდება საქართველოშიც, დამარცხდება ზოგადად ცივილიზაციასთან ბრძოლაში", - განმარტა არჩილ თოდუამ.

მისი თქმით, არ შეიძლება შუა საუკუნეების, ფეოდალური, საბჭოთა მეთოდებით დღეს სახელმწიფოები მეორე სახელმწიფოს წინააღმდეგ იბრძოდნენ, ახდენდნენ ტერიტორიების ოკუპაციას.

"დროას" ზუგდიდის ორგანიზაციის ხელმძღვანელმა, მარიამ სიჭინავამ აღნიშნა, რომ აქცია ხვალ უნდა გამართულიყო, თუმცა უკრაინაში განვითარებულმა მოვლენებმა აიძულა ისინი, დღეს შეკრებილიყვნენ.

მისი განმარტებით, ამ აქციაზე უნდა მდგარიყვნენ ადგილობრივი ხელისუფლების წარმომადგენლებიც, რისთვისაც მათ პირადადაც მიმართა.

"აქედანაც მოვუწოდებ მათ, რომ ეს დღეები თუნდაც სიმბოლურად, საქართველოს დროშასთან ერთად, ყველა ადმინისტრაციულ შენობაზე აღმართონ უკრაინის დროშა, რაც უკრაინელებიისთვის იქნება ჩვენი მხარდაჭერის სიმბოლო", - განაცხადა მარიამ სიჭინავამ.

აქციაზე იმყოფებოდა ზუგდიდის მცხოვრები ლალი ჯანაშიაც. მან ჟურნალისტებს უთხრა, რომ ეს აუცილებლად იქნება პუტინის დასასრულის დასაწყისი:

"ის, რაც შერჩა 2008 წლის ომის შემდეგ რუსეთს, ისიც იმიტომ, რომ სრულიად უნიათო ხელისუფლება ჰყავს დღეს ქვეყანას, რომელიც ახლა ორმაგადაა ჩუმად, რადგან ვერ გამოხატავს ღია მხარდაჭერას და სჯის უკრაინას მიშას გამო. მეორე იმიტომ, რომ ამან კარგად დაანახა, რომ 2008 წლის ომი არ იყო მიხეილ სააკაშვილის და საქართველოს მხარის პროვოცირებული. მინდა მივმართო მსოფლიოს, სირცხვილია. კალენდარზე 2022 წელია და ერთი პოლიტიკური მანიაკის გამო ისჯება მთელი სამყარო".

აქციაზე ისმოდა უკრაინის ჰიმნი. შეკრებილებმა გაუშვეს უკრაინის ფერებში კვამლიც.

უკრაინის მხარდამჭერი აქცია ზუგდიდში მანამდეც გამართეს პოლიტიკურმა პარტიებმა და არასამთავრობო ორგანიზაციებმა. ჯერ საქართველოს დროშაზე ხელმოწერები შეაგროვეს და კიევში გააგზავნეს, შემდეგ კი, მოსალოდნელი სამხედრო ინტერვენცია ქალაქის ცენტრში დაგმეს.

უკრაინის ტერიტორიაზე ამ წუთებშიც მიმდინარეობს საომარი მოქმედებები. ოფიციალური კიევი მსხვერპლის შესახებ ინფორმაციას ადასტურებს როგორც სამხედროებში, ისე მშვიდობიან მოქალაქეებს შორის. პრეზიდენტ ვოლოდიმირ ზელენსკის განცხადებით, ისინი თავისუფლებას არ დათმობენ და ბოლომდე იბრძოლებენ.

დღეს, დაახლოებით 05:00 საათზე, მძიმე შეიარაღების გამოყენებით რუსეთის ძალები უკრაინას თავს დაესხნენ რუსეთისა და ბელარუსის ტერიტორიიდან.

შედეგად, უკრაინის პრეზიდენტმა მიიღო გადაწყვეტილება რუსეთთან დიპლომატიური ურთიერთობების გაწყვეტის შესახებ.

მსოფლიო ლიდერები ამბობენ, რომ მოსკოვი უკრაინაში შეჭრისთვის აუცილებლად აგებს პასუხს სანქციებით.

განვითარებულ მოვლენებს საქართველოს პირველი პირებიც გამოეხმაურნენ და დაგმეს სუვერენულ ტერიტორიაზე რუსეთის სამხედროების შეჭრა.

პარლამენტში რიგგარეშე სხდომაც დაიგეგმა.
Print E-mail
Twitter
სხვა მასალები
სენაკის რაიონულმა სასამართლომ გააუქმა სენაკის მუნიციპალიტეტის
საკრებულოს
15:33 / 18.08.2022
სენაკის რაიონულმა სასამართლომ გააუქმა სენაკის მუნიციპალიტეტის საკრებულოს
უკრაინაში, ხერსონის ოლქში მიმდინარე საბრძოლო მოქმედებების დროს,
კიდევ ერთი ქართველი,
11:49 / 18.08.2022
უკრაინაში, ხერსონის ოლქში მიმდინარე საბრძოლო მოქმედებების დროს, კიდევ ერთი ქართველი,
გარემოს დაცვისა და სოფლის მეურნეობის მინისტრ ოთარ შამუგიას
განცხადებით,
11:04 / 18.08.2022
გარემოს დაცვისა და სოფლის მეურნეობის მინისტრ ოთარ შამუგიას განცხადებით,
6 წლის ბავშვი, რომელსაც მაშველები 2 დღის განმავლობაში ეძებდნენ,
10:14 / 18.08.2022
6 წლის ბავშვი, რომელსაც მაშველები 2 დღის განმავლობაში ეძებდნენ,
კორონავირუსი

საბჭოთა რეპრესიები

ვიდეო
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.