ახალი ამბები
„მოღალატეებთან გარიგებულები“ - მმართველი პარტიის კრიტიკას დაპირისპირება მოჰყვა ზუგდიდის საკრებულოში
FaceBook Twitter
E-mail Print
ზუგდიდის საკრებულოში, კომისიების თავმჯდომარეებად ოპოზიციის წარმომადგენელთა არჩევის შემდეგ, დეპუტატები, ერთის მხრივ "ქართული ოცნებიდან" და გახარიას პარტიიდან, ასევე, ენმ-დან და მმართველი პარტიიდან, ერთმანეთს სიტყვიერად დაუპირისპირდნენ.

თავდაპირველად "ოცნების" წევრმა ნიკოლოზ ფიფიამ სამწუხარო უწოდა ფაქტს, რომ წარმომადგენლობითი ორგანოს დაკომპლექტებას თითქმის 4 თვე დასჭირდა. მისთვის გასაგებია, რომ მიზეზი ოპოზიციურ პარტიებს შორის კონსულტაციები და კომპრომისების ძიება აღმოჩნდა, თანამდებობების გადანაწილება და ერთგვარი "ვაჭრობა", თუმცა მიაჩნია, რომ ამ ყველაფრისთვის ეს დრო არ უნდა დახარჯულიყო. მანვე საკუთარ პოლიტიკურ გუნდს მადლობა გადაუხადა "პასუხისგებლობის მაღალი სტანდარტისთვის", რადგან მიუხედავად იმისა, რომ ვერაფერს წყვეტდნენ, ბოლომდე ესწრებოდნენ სხდომებს.

"ამდენი ხანი რატომ დასჭირდა გარიგებას? იმიტომ, რომ ეს გარიგება ვაჭრობის საგნად აქციეთ. იმედი მაქვს, მუნიციპალიტეტის სასარგებლოდ ვიმუშავებთ. ეს არ ნიშნავს, რომ ჩვენ არ ჩავერთვებით რაღაც პროცესებში. ბევრი პრობლემა რომ არის მუნიციპალიტეტში, გვესმის. არავის მივცემთ უფლებას, რომ მუნიციპალიტეტის საზიანო გადაწყვეტილებები მიიღოს", - განმარტა მან.

მმართველი პარტიის დეპუტატს საკრებულოს თავმჯდომარემ უპასუხა. გიგა ფარულავას თქმით, დღეს "ქართულ ოცნება"ცდილობს, მთელი ეს პერიოდი, რა დროც დასჭირდა საკრებულოს დაკომპლექტებას, სხვის პასუხისმგებლობად გამოაცხადოს. სინამდვილეში კი, ფიქრობს, რომ მათი მიზანი იმთავითვე იყო პროცესების რიგგარეშე არჩევნების გზით განვითარება.

გიგა ფარულავას საპასუხოდ, მმართველი პარტიის წევრმა ჯონი ჯიქიამ აღნიშნა, რომ ისინი "მოღალატეებს" გაურიგდნენ.

"მოწინააღმდეგეს შეიძლება გარიგება დაუდო, მაგრამ მოღალატეებთან არ დაიდება. ეს იცოდეთ", - განაცხადა მან.

საკრებულოს თავმჯდომარემ კი აღნიშნა, რომ "მოღალატეობაზე" შეფასება, კონკრეტული დეპუტატის აზრია. სინამდვილეში კი, დაუშვებელი სახელმწიფო ინტერესების ღალატია.

"თქვენ პარტიას გელოდებათ "ალტ ინფოს" "კონსერვატიული მოძრაობა", რომელთანაც შეგიძლიათ გარიგება დადოთ, თუკი ასე ძალიან გინდათ", - მიმართა "ოცნების" დეპუტატს გიგა ფარულავამ და უთხრა, რომ სამწუხაროა, როცა მერიის სამსახურს ავალებენ "ალტ ინფოს" ოფისის დასუფთავებას.

საპასუხოდ ჯონი ჯიქიამ მას მმართველ პარტიაში ყოფნა შეახსენა:

"თუ რუსული პარტია იყო "ქართული ოცნება", მაშინ რა გინდოდათ? თქვენ განაგებდით არჩევნებს, ყველაფერს. გუბერნატორი რომ იყავით, მერის მოადგილე, მაშინ კარგი იყო, ხომ?"

თავის მხრივ, ენმ-ის წევრმა მაია კალანდიამ განმარტა, რომ ბევრი პოზიტიური ასპექტი აქვს ორი, სხვადასხვა გემოვნების და პოლიტიკური ორიენტაციის პარტიის თანამშრომლობას, ისევე, როგორც მმართველი პარტიის ოპოზიციაში ყოფნას.

"ასეა თუ ისეა, ჩვენ ეს პარტნიორობა გამოგვივიდა. რამდენად არის ეს ჩვენთვის ემოციურად მისაღები, ეს სხვა საკითხია, მაგრამ ვფიქრობ, რომ ამომრჩევლის ინტერესებისთვის კარგი იქნება. რაც შეეხება იმას, თუ რა უნდა უთხრათ თქვენს ამომრჩეველს, აქამდე რატომ გაიწელა პროცესი, გადაეცით - ამ ბატონისთვის, მანუჩარ ფიფია რომ ზის, რომ არ მოგეპარათ ბიულეტენი, ის ხმები, რაც მირანდა მესხმა თქვენი ხელისუფლების გამო მოიპარა, არჩევნები უკვე იქნებოდა ჩატარებული. ამას ყოველთვის შეგახსენებთ", - მიმართა მაია კალანდიამ ნიკოლოზ ფიფიას

"ქართული ოცნების" წევრმა თაზო ფაცაციამ კი აღნიშნა, რომ ხმები არავისთვის მოუპარავთ.

საკრებულოს თავმჯდომარე გიგა ფარულავას განცხადებით, მათ ორშაბათიდან საკომისიო სამუშაოები მოუწევთ, რადგან ბევრი საკითხია დაგროვილი და მერიის მუშაობა კონკრეტული მიმართულებებით არ შეფერხდეს.

დღევანდელ სხდომაზე კომისიების ხელმძღვანელი პირები აირჩიეს 25-25 ხმით. ხუთი კომისიიდან ოთხს, "ნაციონალური მოძრაობის" წარმომადგენლები უხელმძღვანელებენ, ერთს კი "გახარია-საქართველოსთვის" წევრი. მმართველ პარტიას კენჭისყრაში მონაწილეობა არ მიუღია. ფრაქციის" თავმჯდომარე ირაკლი გოგოხიამ განაცხადა, რომ ისინი კომისიებში იმუშავებენ.

წინა სხდომაზე საკრებულოს თავმჯდომარის მოადგილეები აირჩიეს. პირველი მოადგილე ფრაქცია "ზუგდიდი საქართველოსთვის" ხელმძღვანელი მალხაზ თორია გახდა, მოადგილედ კი ენმ-ის წარმომადგენელი თეიმურაზ ბასილაია აირჩიეს.
Print E-mail
Twitter
სხვა მასალები
რუსეთის მხრიდან,
16:00 / 26.09.2022
რუსეთის მხრიდან, "ზემო ლარსის" გამშვებ პუნქტთან ჯავშანტრანსპორტი გამოჩნდა. ფოტოები
3 ოქტომბრამდე საქართველოში თბილი და უნალექო ამინდია მოსალოდნელი.
გარემოს ეროვნული სააგენტოს
14:53 / 26.09.2022
3 ოქტომბრამდე საქართველოში თბილი და უნალექო ამინდია მოსალოდნელი. გარემოს ეროვნული სააგენტოს
რუსეთში, სკოლაზე თავდასხმის შედეგად გარდაცვლილთა რიცხვი 13-მდე
გაიზარდა.
14:11 / 26.09.2022
რუსეთში, სკოლაზე თავდასხმის შედეგად გარდაცვლილთა რიცხვი 13-მდე გაიზარდა.
რუსეთში, უდმურტიის რესპუბლიკაში სკოლაში სროლას სულ მცირე 9 ადამიანი
ემსხვერპლა.
12:50 / 26.09.2022
რუსეთში, უდმურტიის რესპუბლიკაში სკოლაში სროლას სულ მცირე 9 ადამიანი ემსხვერპლა.
კორონავირუსი

საბჭოთა რეპრესიები

ვიდეო
სპორტის სიყვარულით დაძლეული სტიგმა და ბრძოლა “ოდიშის” შესანარჩუნებლად [ვიდეო]
ზუგდიდის ამპუტანტ ფეხბურთელთა გუნდი "ოდიში" დაშლის ზღვარზეა. კლუბი ერთ-ერთია ქვეყნის მასშტაბით მოქმედი ექვსი გუნდიდან,
ფოტოხელოვანი, რომელიც საკუთარი ნამუშევრებით ტურისტებს სამეგრელოს აცნობს [ვიდეო]
სამეგრელოს ტურისტული პოტენციალი ამ დრომდე შეუსწავლელია. აქ ბევრია ვიზიტორებისთვის საინტერესო ადგილი,
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.