„დაინახე ყველაფერი“ - ნიკოსეულ სასახლეში გიგი სიჭინავას ნახატები გამოიფინა
ნიკოსეულ სასახლეში ზუგდიდელი მხატვრის, გიგი სიჭინავას ნახატები
გამოიფინა. პეიზაჟები,
საქართველოს სხვადასხვა კუთხე წელიწადის ყველა დროს, პორტრეტები,
ნატურმორტი პლასტელინის ფერებში, უკრაინელი დედა და მზესუმზირები
ლაჟვარდოვანი ცის ფონზე - ასეთი იყო ხელოვანის ჩანაფიქრი "დაინახე
ყველაფერი", რომლის ნახვის შესაძლებლობაც დღეს დამთვალიერებელს
ჰქონდა.
სპეციალურად ამ დღისთვის შეიქმნა ეკატერინე ჭავჭავაძის პორტრეტიც, რომელიც გიგიმ საჩუქრად სასახლეს გადასცა.
ეს ახალგაზრდა მხატვრისთვის რიგით მეექვსე პერსონალური გამოფენაა. ნიკოსეული სასახლის დარბაზში მისი 80-ზე მეტი ნამუშევარი გამოიფინა.
ხელოვანის დედა, ნათია სახოკია ამბობს, რომ დღეს წარმოდგენილი ნამუშევრები დიდწილად ბოლო 5-6 წლის მანძილზე შეიქმნა. დანარჩენი მხატვრის სახელოსნოში ინახება.
"ჩემთვის გიგისთან დაკავშირებული ყველა სიახლე არის ძალიან ემოციური. გიგის აქვს აუტიზმის მდგომარეობა, რაც ნამდვილად შეიძლება იყოს ერთ-ერთი მოტივატორი სხვა მშობლებისთვის. ეს არის 12-13 წლის ბრძოლის, შრომის შედეგი. და ალბათ გიგის აქვს განსაკუთრებული უნარი, შრომისმოყვარეობის ნიჭი, რამაც განაპირობა დღევანდელი დღეც", - განმარტა ნათიამ.
მისი თქმით, გიგი აგრძელებს მუშაობას და სიახლეებიც გზადაგზა ბევრი ექნება დამთავლიერებლისთვის.
გიგი სიჭინავა საკუთარ ნამუშევრებში პერიოდულად ეხმაურება მსოფლიოში მიმდინარე მოვლენებს. მის ნახატებში ნახავთ უკრაინასთან ასოცირებულ სიუჟეტებს. უფრო ადრე მან, პანდემიის პირობებში, ვირუსთან მებრძოლი ექიმების პორტრეტებიც შექმნა.
გამოფენა ნიკოსეულ სასახლეში დილის 11 საათიდან საღამოს 17:00 საათამდე, 10 აპრილის ჩათვლით დარჩება.
გიგი სიჭინავაზე "ლაივპრესმა" სიუჟეტი რამდენჯერმე მოამზადა. ჩვენ ახალგაზრდა მხატვარს სახელოსნოშიც ვსტუმრობდით.
სპეციალურად ამ დღისთვის შეიქმნა ეკატერინე ჭავჭავაძის პორტრეტიც, რომელიც გიგიმ საჩუქრად სასახლეს გადასცა.
ეს ახალგაზრდა მხატვრისთვის რიგით მეექვსე პერსონალური გამოფენაა. ნიკოსეული სასახლის დარბაზში მისი 80-ზე მეტი ნამუშევარი გამოიფინა.
ხელოვანის დედა, ნათია სახოკია ამბობს, რომ დღეს წარმოდგენილი ნამუშევრები დიდწილად ბოლო 5-6 წლის მანძილზე შეიქმნა. დანარჩენი მხატვრის სახელოსნოში ინახება.
"ჩემთვის გიგისთან დაკავშირებული ყველა სიახლე არის ძალიან ემოციური. გიგის აქვს აუტიზმის მდგომარეობა, რაც ნამდვილად შეიძლება იყოს ერთ-ერთი მოტივატორი სხვა მშობლებისთვის. ეს არის 12-13 წლის ბრძოლის, შრომის შედეგი. და ალბათ გიგის აქვს განსაკუთრებული უნარი, შრომისმოყვარეობის ნიჭი, რამაც განაპირობა დღევანდელი დღეც", - განმარტა ნათიამ.
მისი თქმით, გიგი აგრძელებს მუშაობას და სიახლეებიც გზადაგზა ბევრი ექნება დამთავლიერებლისთვის.
გიგი სიჭინავა საკუთარ ნამუშევრებში პერიოდულად ეხმაურება მსოფლიოში მიმდინარე მოვლენებს. მის ნახატებში ნახავთ უკრაინასთან ასოცირებულ სიუჟეტებს. უფრო ადრე მან, პანდემიის პირობებში, ვირუსთან მებრძოლი ექიმების პორტრეტებიც შექმნა.
გამოფენა ნიკოსეულ სასახლეში დილის 11 საათიდან საღამოს 17:00 საათამდე, 10 აპრილის ჩათვლით დარჩება.
გიგი სიჭინავაზე "ლაივპრესმა" სიუჟეტი რამდენჯერმე მოამზადა. ჩვენ ახალგაზრდა მხატვარს სახელოსნოშიც ვსტუმრობდით.