ახალი ამბები
განცხადებები, თითქოს სააკაშვილს არ მიეწოდება ადეკვატური მკურნალობა, არის სიცრუე - პენიტენციური
FaceBook Twitter
E-mail Print
სპეციალური პენიტენციური სამსახური მორიგ განცხადებას ავრცელებს ექსპრეზიდენტ მიხეილ სააკაშვილის ჯანმრთელობის მდგომარეობაზე. მათი მტკიცებით, მუდმივი მონიტორინგი ქვეშა პატიმარი და მას სათანადო მკურნალობა უტარდება.

პენიტენციური სამსახური ამბობს, რომ ნებისმიერი განცხადება, თითქოს მიხეილ სააკაშვილს არ მიეწოდება ადეკვატური მკურნალობა, არის სიცრუე და საზოგადოების შეცდომაში შეყვანის მიზანმიმართული მცდელობა.

სამსახური ირწმუნება, რომ სრულად უზრუნველყოფს მიხეილ სააკაშვილს მისი ჯანმრთელობის მდგომარეობის შესაბამისი მედიკამენტებით. თუმცა, იგი, სამედიცინო პერსონალის რეკომენდაციის მიუხედავად, საკუთარი გადაწყვეტილებით არ იღებს მისთვის გათვალისწინებული პრეპარატების გარკვეულ ნაწილს.

"მსჯავრდებული უზრუნველყოფილია სამჯერადი კვებით. დამატებით, მას აქვს შესაძლებლობა, შეიძინოს პენიტენციური დაწესებულების მაღაზიაში არსებული ფართო ჩამონათვალიდან კვების ნებისმიერი პროდუქტი. გარდა ამისა, იგი რეგულარულად იღებს ამანათებსაც. შესაბამისად, მსჯავრდებულისთვის სრულად ხელმისაწვდომია საკვების მრავალფეროვანი რაციონი.

შესახლების დღიდან მიხეილ სააკაშვილთან იმყოფებოდა 788 ვიზიტორი და კანონმდებლობით გათვალისწინებულ ნებისმიერ პირს აქვს მისი მონახულების შესაძლებლობა. მას აქვს ყოველდღიურად სუფთა ჰაერზე ყოფნისა და გასეირნების უფლება, რასაც არ იყენებს, საკუთარი გადაწყვეტილებით. ასევე, სრულად დაცულია მისი ყველა სხვა უფლება. შესაბამისად, აპელირება მისი უფლებების შესაძლო დარღვევაზე არის მანიპულაციური მეთოდით არსებული ვითარების მკვეთრად დამახინჯების მცდელობა.

საზოგადოებისთვის ცნობილია, რომ მასთან იმყოფებოდა სახალხო დამცველის მიერ შექმნილი სპეციალისტთა/ექსპერტთა ჯგუფი, რომელმაც 28 აპრილს პენიტენციურ სამსახურს მიაწოდა დასკვნა მიხეილ სააკაშვილის სამედიცინო მდგომარეობის მონიტორინგის შედეგების შესახებ. დასკვნის დანართი, სახალხო დამცველის გადაწყვეტილებით, არ არის საჯარო. დოკუმენტი მოიცავს მსჯავრდებულის ჩივილებს, მიღებულ მედიკამენტებს, ექსპერტების შთაბეჭდილებებსა და დამატებით რეკომენდაციებს.

აღნიშნულთან დაკავშირებით პენიტენციურ სამსახურს აქვს კითხვები, რომლებიც მოკლე ვადაში მიეწოდება სახალხო დამცველს. არგუმენტირებული პასუხის მიღების, გაანალიზებისა და პოზიციების დაზუსტების შემდგომ, საჭიროების შემთხვევაში, გატარდება შესაბამისი ღონისძიებები", - ნათქვამია განცხადებაში.

პენიტენციური სამსახური მოუწოდებს "პოლიტიკურად ანგაჟირებულ სუბიექტებს", შეწყვიტონ მიზანმიმართული დეზინფორმაციული კამპანია.

ყოფილმა პრეზიდენტმა მისი ჯანმრთელობის მდგომარეობის შესახებ თბილისის საქალაქო სასამართლოში მიმდინარე სხდომაზე ისაუბრა. სასამართლო პროცესზე ცოტა ხნით შესვენებაც იყო გამოცხადებული, რადგან მიხეილ სააკაშვილმა განაცხადა, რომ ექიმის დახმარება სჭირდებოდა.

სახალხო დამცველის კონსილიუმის წევრებმა 27 აპრილს ექსპრეზიდენტი მიხეილ სააკაშვილი მოინახულეს. მათი შეფასებით, ბოლო ვიზიტთან შედარებით, რომელიც იანვარში შედგა, პაციენტის მდგომარეობა დამატებით მნიშვნელოვნადაა გაუარესებული.

გუშინ მიხეილ სააკაშვილის ოჯახის წევრებმა ყოფილი პრეზიდენტის უცხოეთში სამკურნალოდ გადაყვანა მოითხოვეს და მთავრობას ვადა 2 მაისის 18:00 საათამდე მისცეს.

ამასთან, 16 არასამთავრობო ორგანიზაცია აცხადებს, რომ საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის გაუარესების გამო, მისი სათანადო მკურნალობის შესახებ გადაწყვეტილება დაუყოვნებლივ უნდა მიიღონ, მათ შორის, ქვეყნის ფარგლებს გარეთაც.

მიხეილ სააკაშვილი უკრაინიდან საქართველოში ჩამოსვლისას, პირველ ოქტომბერს დააკავეს. მან პროტესტის ნიშნად 50 დღე იშიმშილა.
Print E-mail
Twitter
სხვა მასალები
მწვერვალ თეთნულდზე ჩარჩენილი ერთ-ერთი ტურისტი, რომელიც ნაპრალში იყო
გადავარდნილი, გარდაცვლილი ამოიყვანეს. ინფორმაცია
15:44 / 13.08.2022
მწვერვალ თეთნულდზე ჩარჩენილი ერთ-ერთი ტურისტი, რომელიც ნაპრალში იყო გადავარდნილი, გარდაცვლილი ამოიყვანეს. ინფორმაცია "ლაივპრესს" საგანგებო სოტუაციების მართვის სამსახურში დაუდასტურეს.

ის სასაზღვრო პოლიციის ვერტმფრენით მესტიაში უკვე გადაასვენეს.

6 უცხოელი ტურისტიდან ორის უსაფრთხო ევაკუაცია დღეს დილით მოხდა. რაც შეეხება დანარჩენ სამს, მათ შეუძლიათ დამოუკიდებლად გადაადგილება.

მესტიაში, ადგილობრივმა სამაშველო ჯგუფმა, 11 აგვისტოს მიიღო შეტყობინება, რომ თეთნულდთან 6, სავარაუდოდ რუსი ეროვნების ტურსტია ჩარჩენილი და დახმარებას ითხოვს.

რთული გეოგრაფიული მდებარეობის გამო სამაშველო ღონისძიებაში სასაზღვრო პოლიციის ვერტმფრენი ჩართეს. გართულებული მეტეო პირობების გამო, ვერტმფრენით სამაშველო ღონისძიება დღეს დილით განხორციელდა.
საგანგებო სიტუაციების მართვის სამსახურის ინფორმაციით,
12:21 / 13.08.2022
საგანგებო სიტუაციების მართვის სამსახურის ინფორმაციით,
რუსი სამხედროების თავდასხმის შედეგად, დონეცკის ოლქში 5 მშვიდობიანი
მოქალაქე დაიღუპა.
10:42 / 13.08.2022
რუსი სამხედროების თავდასხმის შედეგად, დონეცკის ოლქში 5 მშვიდობიანი მოქალაქე დაიღუპა.
ხობის მუნიციპალიტეტის საკრებულომ, რომლის უმრავლესობაშიც მმართველი
18:02 / 12.08.2022
ხობის მუნიციპალიტეტის საკრებულომ, რომლის უმრავლესობაშიც მმართველი
კორონავირუსი

საბჭოთა რეპრესიები

ვიდეო
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.