შესაძლოა საქართველოში, დახურულ სივრცეში პირბადის ტარება მხოლოდ გარკვეული ჯგუფისთვის დარჩეს სავალდებულო მოთხოვნად. განუცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ "ინტერპრესნიუსს".

მისი თქმით, ბევრ ქვეყანაში შემსუბუქებულია მისი ტარება დახურულ სივრცეში. ამიტომ, საკოორდინაციო საბჭოზე ამ საკითხზეც მსჯელობენ და ფიქრობს, შესაბამის გადაწყვეტილებასაც მიიღებენ.

ამირან გამყრელიძის თქმით, რაც უფრო სწრაფად აიცრება მოსახლეობის 70%, მით უფრო სწრაფად დასრულდება პანდემიაც.

"აუცილებელია ვაქცინის ორი დოზა,"ომიკრონის" დროს კი მნიშვნელობა აქვს ბუსტერს", - განმარტა მან.

ქვეყანაში კორონავირუსის ყოველდღიური შემთხვევების რიცხვი მნიშვნელოვნადაა შემცირებული. ცალკეულ დღეებში არც გარდაცვალება ფიქსირდება.