ევროკავშირი საქართველოს გვერდით დგას, დემოკრატიული ქვეყნის აღმშენებლობის მხარდასაჭერად - ჰარცელი
საქართველოში ევროკავშირი ელჩი კარლ ჰარცელი საქართველოს ევროპის დღეს
ულოცავს.
ის საკუთარ მიმართვაში საუბრობს ევროკავშირისა და საქართველოს საერთო
ღირებულებებზე და აღნიშნავს, რომ ეს პარტნიორობა მომავალში კიდევ
გაიზრდება. ჰარცელის თქმით, საქართველომ ისტორიული ნაბიჯი გადადგა -
ევროკავშირში გაწევრიანებაზე განაცხადი შეიტანა, მოსახლეობის
აბსოლუტური უმრავლესობის მისწრაფებების შესაბამისად და ცივილიზაციურ
ფესვებზე დაყრდნობით.
მანვე კიდევ ერთხელ დაადასტურა, რომ ევროკავშირი საქართველოს გვერდით დგას.
"ევროპის დღეს აღვნიშნავთ ევროპის შესახებ ახალ ხედვას, რომელიც 72 წლის წინ შუმანის დეკლარაციამ წარმოგვიდგინა.
იმ დროს, როდესაც ევროპა ჯერ კიდევ დამანგრეველი ომის ფერფლიდან დგებოდა, მტკიცედ ჰქონდა გადაწყვეტილი უზრუნველყო, რომ ევროპაში ომები აღარ ყოფილიყო.
თუმცა ჩვენ ამ ხედვის ერთგულნი ვრჩებით. სამწუხაროდ, სხვები უხეშად და ტრაგიკულად აჩვენებენ, რომ მოვლენებს მაინც განსხვავებულად ხედავენ. როდესაც რუსეთი ევროპაში თავის გაუმართლებელ ომს აწარმოებს, ჩვენ მტკიცე სოლიდარობას ვუცხადებთ უკრაინას და მის გვერდით ვდგავართ, იმ ღირებულებებსა და პრინციპებზე დაყრდნობით, რომელიც გვაერთიანებს და რომელსაც ჩვენი კავშირი ეფუძნება.
საქართველოს პირველი რესპუბლიკის კონსტიტუცია ქართულ საზოგადოებასა და კულტურაში დემოკრატიის, თანასწორობის, მრავალფეროვნებისა და თავისუფლების ღირებულებების ღრმა საფუძვლის არსებობას გვაჩვენებს. ღირებულებებისა, რომელიც ყველასთვის დღემდე ძვირფასია და მათ დასაცავად გვინდა ერთობლივი მუშაობის გაგრძელება და ბრძოლა მთელ მსოფლიოში.
ევროკავშირი საქართველოს გვერდით დგას, ძლიერი, აყვავებული და დემოკრატიული ქვეყნის აღმშენებლობის მხარდასაჭერად. კოვიდპანდემიისა და სხვა კრიზისების დროს. ჩვენი ურყევი მხარდაჭერით საქართველოს დამოუკიდებლობისა და ტერიტორიული მთლიანობის მიმართ. ასეც გავაგრძელებთ. კვლავ გვექნება საქართველოს, როგორც ჩვენი მეგობრისა და პარტნიორის იმედი. ნება მიბოძეთ, ყველას მოგილოცოთ ევროპის დღე!",- აცხადებს ჰარცელი.
ევროპის დღე ყოველწლიურად 9 მაისს აღინიშნება. 1950 წლის 9 მაისს, საფრანგეთის საგარეო საქმეთა მინისტრი რობერ შუმანი პარიზში გამოვიდა განცხადებით, ევროპული ინტეგრაციის იდეის შესახებ. საბოლოოდ ეს ყველაფერი ევროკავშირად ფორმირდა.
დღეს ევროკავშირი 27 ქვეყანას აერთიანებს.
მანვე კიდევ ერთხელ დაადასტურა, რომ ევროკავშირი საქართველოს გვერდით დგას.
"ევროპის დღეს აღვნიშნავთ ევროპის შესახებ ახალ ხედვას, რომელიც 72 წლის წინ შუმანის დეკლარაციამ წარმოგვიდგინა.
იმ დროს, როდესაც ევროპა ჯერ კიდევ დამანგრეველი ომის ფერფლიდან დგებოდა, მტკიცედ ჰქონდა გადაწყვეტილი უზრუნველყო, რომ ევროპაში ომები აღარ ყოფილიყო.
თუმცა ჩვენ ამ ხედვის ერთგულნი ვრჩებით. სამწუხაროდ, სხვები უხეშად და ტრაგიკულად აჩვენებენ, რომ მოვლენებს მაინც განსხვავებულად ხედავენ. როდესაც რუსეთი ევროპაში თავის გაუმართლებელ ომს აწარმოებს, ჩვენ მტკიცე სოლიდარობას ვუცხადებთ უკრაინას და მის გვერდით ვდგავართ, იმ ღირებულებებსა და პრინციპებზე დაყრდნობით, რომელიც გვაერთიანებს და რომელსაც ჩვენი კავშირი ეფუძნება.
საქართველოს პირველი რესპუბლიკის კონსტიტუცია ქართულ საზოგადოებასა და კულტურაში დემოკრატიის, თანასწორობის, მრავალფეროვნებისა და თავისუფლების ღირებულებების ღრმა საფუძვლის არსებობას გვაჩვენებს. ღირებულებებისა, რომელიც ყველასთვის დღემდე ძვირფასია და მათ დასაცავად გვინდა ერთობლივი მუშაობის გაგრძელება და ბრძოლა მთელ მსოფლიოში.
ევროკავშირი საქართველოს გვერდით დგას, ძლიერი, აყვავებული და დემოკრატიული ქვეყნის აღმშენებლობის მხარდასაჭერად. კოვიდპანდემიისა და სხვა კრიზისების დროს. ჩვენი ურყევი მხარდაჭერით საქართველოს დამოუკიდებლობისა და ტერიტორიული მთლიანობის მიმართ. ასეც გავაგრძელებთ. კვლავ გვექნება საქართველოს, როგორც ჩვენი მეგობრისა და პარტნიორის იმედი. ნება მიბოძეთ, ყველას მოგილოცოთ ევროპის დღე!",- აცხადებს ჰარცელი.
ევროპის დღე ყოველწლიურად 9 მაისს აღინიშნება. 1950 წლის 9 მაისს, საფრანგეთის საგარეო საქმეთა მინისტრი რობერ შუმანი პარიზში გამოვიდა განცხადებით, ევროპული ინტეგრაციის იდეის შესახებ. საბოლოოდ ეს ყველაფერი ევროკავშირად ფორმირდა.
დღეს ევროკავშირი 27 ქვეყანას აერთიანებს.