უკრაინამ გმირული, თავდაცვითი ბრძოლით დაგვიჩქარა ევროპის გზის გახსნა - პრეზიდენტი
საქართველოს პრეზიდენტმა სალომე ზურაბიშვილმა ევროპის დღესთან
დაკავშირებით,
ევროკავშირის წარმომადგენლობის მიერ ორგანიზებულ ღონისძიებაზე სიტყვით
გამოსვლისას განაცხადა, რომ ევროპა არის ერთადერთი გამოსავალი,
იმისთვის რომ აღარ გაისმას კითხვა: "მშვიდობა თუ თავისუფლება".
პრეზიდენტის სიტყვებით, აღმშენებლობა და არა ნგრევა; თავისუფლება და
არა მონობა; ერთიანობა და არა დაპირისპირება; მშვიდობა და არა ომი. ამ
პრინიციპებზე აშენდა ევროპა და მოვიდა დღემდე. მისივე თქმით, ქართველ
ხალხს სწორედ ამ პრინიციპების გამო სურს ევროპა:
"ამ პრინიციპების გამო გვინდა ჩვენც ევროპა და მივისწრაფით მისკენ. ეს შეძლო ევროპამ თავისი ეტაპობრივი და შეუქცევადი განვითარებით, გაფართოებით და წინსვლით: მისი პირველი სახეობის – 1950 წელს დაარსებული ნახშირისა და ფოლადის თანამეგობრობიდან, 1957 წლის ევროპულ ეკონომიკურ თანამეგობრობად ქცეული და ბოლოს 30 წლის წინ, 1992 წელს მაასტრიხტის ტრაქტატის მიერ დაფუძნებულ დღევანდელ ევროკავშირამდე.
შეძლო ომის თავიდან აცილება, შეძლო გუშინ დაპირისპირებულ ქვეყნებს შორის სოლიდარობის შეკვრა, შეძლო, მეორე მსოფლიო ომის შემდგომ განადგურებული და გაღარიბებული სივრცე გადაექცია დღეს მსოფლიოში მეორე ეკონომიკად ცნობილ სივრცედ. ევროპის განვითარება და ზრდა ითვლის მნიშვნლოვან ეტაპებს. გაუვლია რა ევროპას მრავალი კრიზისი, თუმცა თითო კრიზისიდან გამოსულა უფრო ძლიერი, თავის თავში უფრო დაჯერებული, უფრო მიმზიდველი თავისი პარტნიორებისთვის და მეზობლებისთვის. მსოფლიო ისტორიამ არ იცის მსგავსი ორგანიზაცია, რომელმაც შეძლო გაძლიერება და გაფართოება არა ომით, არა ექსპანსიით, არამედ მასში შემავალი სუბიექტების სურვილით და თავისუფალი ნებით", – განაცხადა სალომე ზურაბიშვილმა.
პრეზიდენტი სიტყვით გამოსვლისას შეეხო უკრაინაში რუსეთის შეჭრას და მიმდინარე ომს. როგორც ზურაბიშვილმა აღნიშნა, რუსეთმა ომი გამოუცხადა არა მხოლოდ უკრაინას, არამედ ყველა იმ პრინციპს, რაზედაც დგას ევროპა.
ამასთან პრეზიდენტმა აღნიშნა, რომ უკრაინამ საქართველოს დაუჩქარა ევროპის გზის გახსნა.
"დღეს კი, უკრაინამ თავისი თავდადებული, გმირული, თავდაცვითი ბრძოლით განგვიახლა და დაგვიჩქარა ევროპის გზის გახსნა. უკრაინა და თითოეული უკრაინელი, რომელიც თავს სწირავს საკუთარი სახელმწიფოს დასაცავად, ამავე დროს, თავს სწირავს და იბრძვის ჩვენი და მთლიანი ევროპის თავისუფლებისთვის, საკუთარი და ჩვენი ევროპული გზისთვის, - თქვა სალომე ზურაბიშვილმა.
"ამ პრინიციპების გამო გვინდა ჩვენც ევროპა და მივისწრაფით მისკენ. ეს შეძლო ევროპამ თავისი ეტაპობრივი და შეუქცევადი განვითარებით, გაფართოებით და წინსვლით: მისი პირველი სახეობის – 1950 წელს დაარსებული ნახშირისა და ფოლადის თანამეგობრობიდან, 1957 წლის ევროპულ ეკონომიკურ თანამეგობრობად ქცეული და ბოლოს 30 წლის წინ, 1992 წელს მაასტრიხტის ტრაქტატის მიერ დაფუძნებულ დღევანდელ ევროკავშირამდე.
შეძლო ომის თავიდან აცილება, შეძლო გუშინ დაპირისპირებულ ქვეყნებს შორის სოლიდარობის შეკვრა, შეძლო, მეორე მსოფლიო ომის შემდგომ განადგურებული და გაღარიბებული სივრცე გადაექცია დღეს მსოფლიოში მეორე ეკონომიკად ცნობილ სივრცედ. ევროპის განვითარება და ზრდა ითვლის მნიშვნლოვან ეტაპებს. გაუვლია რა ევროპას მრავალი კრიზისი, თუმცა თითო კრიზისიდან გამოსულა უფრო ძლიერი, თავის თავში უფრო დაჯერებული, უფრო მიმზიდველი თავისი პარტნიორებისთვის და მეზობლებისთვის. მსოფლიო ისტორიამ არ იცის მსგავსი ორგანიზაცია, რომელმაც შეძლო გაძლიერება და გაფართოება არა ომით, არა ექსპანსიით, არამედ მასში შემავალი სუბიექტების სურვილით და თავისუფალი ნებით", – განაცხადა სალომე ზურაბიშვილმა.
პრეზიდენტი სიტყვით გამოსვლისას შეეხო უკრაინაში რუსეთის შეჭრას და მიმდინარე ომს. როგორც ზურაბიშვილმა აღნიშნა, რუსეთმა ომი გამოუცხადა არა მხოლოდ უკრაინას, არამედ ყველა იმ პრინციპს, რაზედაც დგას ევროპა.
ამასთან პრეზიდენტმა აღნიშნა, რომ უკრაინამ საქართველოს დაუჩქარა ევროპის გზის გახსნა.
"დღეს კი, უკრაინამ თავისი თავდადებული, გმირული, თავდაცვითი ბრძოლით განგვიახლა და დაგვიჩქარა ევროპის გზის გახსნა. უკრაინა და თითოეული უკრაინელი, რომელიც თავს სწირავს საკუთარი სახელმწიფოს დასაცავად, ამავე დროს, თავს სწირავს და იბრძვის ჩვენი და მთლიანი ევროპის თავისუფლებისთვის, საკუთარი და ჩვენი ევროპული გზისთვის, - თქვა სალომე ზურაბიშვილმა.