ახალი ამბები
განახლებული ნიკოსეული სასახლის სადრენაჟე სისტემის რემონტისთვის 46 ათას ლარამდე გამოიყო
FaceBook Twitter
E-mail Print
ზუგდიდში, ნიკო დადიანის სასახლის სადრენაჟე სისტემების მოსაწყობად ტენდერი გამოაცხადდა კულტურული მემკვიდრეობის დაცვის ეროვნულმა სააგენტომ. საპროექტო-სახარჯთაღრიცხვო დოკუმენტაციის მოსამზადებლად 45 824 ლარი გამოიყო.

სატენდერო დოკუმენტაციაში აღნიშნულია, რომ შენობის ძირითადი ნაწილი და მისი მზიდი კედლებიც საკმაოდ კარგ და "კონსტრუქციულად მდგრად მდგომარეობაშია", ჩატარებული აღდგენა-რესტავრაციის სამუშაოების შედეგად კი მთელი რიგი დაზიანებები აღმოიფხვრა. თუმცა, ამ სამუშაოების მიუხედავად, სარდაფის სართულში არსებული ჭარბი ტენი საგანგაშოა.

"ტენდერის მიზანია სასახლის სადრენაჟე სისტემების მოწყობის საპროექტო დოკუმენტაცის მომზადება. პროექტმა უნდა მოიცვას სასახლის სარდაფის არსებული მძიმე მდგომარეობის გამოსწორების აუცილებელი ყველა ღონისძიება. შენობას სერიოზულ პრობლემას უქმნის როგორც სახურავიდან ჩამოდენილი, ასევე მიმდებარე ტერიტორიაზე დაგროვილი წვიმის წყალი, რომელიც პირდაპირ ჩაედინება სარდაფში და აზიანებს საძირკველს. შენობის უკანა ნაწილის სარდაფში არსებობს წყლისგან შემოტანილი ტალახის სქელი, 25-30 სმ ფენა. ინტერიერის ინტენსიური დატენიანება შენობას სერიოზულ პრობლემას უქმნის.

ყურადსაღებია ცოკოლის კედლების მდგომარეობა, აგურის წყობა იშლება ხელის შეხებით. გასულ წლებში ჩატარებულმა სარეაბილიტაციო-სარესტავრაციო სამუშაოებმა (მოეწყო სარინელი შენობის მთელ პერიმეტრზე და წყლის ორგანიზებული გადაყვანა სანიაღვრე სისტემაში) ვერ უზრუნველყო სარდაფის სართულში სისველის არიდება და შესაბამისად სინესტის აცილება", - ვკითხულობთ დოკუმენტაციაში.

დაგეგმილი მომსახურების შესრულების ვადაა 90 კალენდარული დღე.

ნიკოს სასახლის სარეკონსტრუქციო სამუშაოები 2015 წლის აგვისტოში დაიწყო და 2019 წელს დასრულდა. სამუშაოებისთვის 3 მილიონ ლარამდე დაიხარჯა, რომელიც ფონდმა "ქართუმ" გაიღო. სამუშაოების დამკვეთი საქართველოს კულტურული მემკვიდრობის დაცვის ეროვნული სააგენტოა.

თუმცა, ახლადრეკონსტრუირებულ სასახლეში იატაკის ნაწილი 2021 წლის ივნისში დაშალეს და ხელახლა დააგეს. მიზეზი მისი დანესტიანება გახდა.

სამუშაოების მწარმოებელ სამშენებლო კომპანია "ტაო ტბელში" მაშინ "ლაივპრესს" უთხრეს, რომ შენობას დრენაჟის ძველი პრობლემები ჰქონდა, რომელიც აღმოფხვრეს და საგანგაშო არაფერი არ ხდებოდა. კომპანიაში ირწმუნებოდნენ, რომ სასახლე დეტალურად შეისწავლეს, და რომ მსგავსი პრობლემები მომავალში არ იქნებოდა.

დადიანების ბაღსა და სასახლეთა კომპლექს 2006 წლიდან კულტურული მემკვიდრეობის უძრავი ძეგლის სტატუსი აქვს მინიჭებული, ხოლო 2015 წელს მთავრობის დადგენილებით განესაზღვრა ეროვნული მნიშვნელობის კატეგორია.
Print E-mail
Twitter
სხვა მასალები
ჰომოფობიურმა ჯგუფებმა ევროკავშირის და ნატოს დროშები დაწვეს. ისინი
მსვლელობით მივიდნენ ევროკავშირის ოფისთან,
18:02 / 02.07.2022
ჰომოფობიურმა ჯგუფებმა ევროკავშირის და ნატოს დროშები დაწვეს. ისინი მსვლელობით მივიდნენ ევროკავშირის ოფისთან,
შინაგან საქმეთა სამინისტრო განცხადებას ავრცელებს დღეს, 2 ივლისს,
თბილისში,
13:56 / 02.07.2022
შინაგან საქმეთა სამინისტრო განცხადებას ავრცელებს დღეს, 2 ივლისს, თბილისში,
მესტიისა და ზემო სავანეთის ეპარქია განცხადებას ავრცელებს დღეს, 2
ივლისს დაგეგმილ
13:38 / 02.07.2022
მესტიისა და ზემო სავანეთის ეპარქია განცხადებას ავრცელებს დღეს, 2 ივლისს დაგეგმილ
თბილისის დროით 12:28 საათზე, საქართველოში მიწისძვრა მოხდა.
13:11 / 02.07.2022
თბილისის დროით 12:28 საათზე, საქართველოში მიწისძვრა მოხდა.
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.