ახალი ამბები
„ოცნება“ საკრებულოს მაჟორიტარის უფლებამოსილების ცნობის წესს საკუთარ ინტერესს არგებს - TI
FaceBook Twitter
E-mail Print
საპარლამენტო უმრავლესობის წევრების მიერ ინიცირებული ცვლილებები, რომელიც ახლებურად არეგულირებს საკრებულოს შუალედურ არჩევნებში არჩეული წევრის უფლებამოსილების საკითხს, მხოლოდ მმართველი პარტიის ინტერესებზეა მორგებული, - აცხადებს "საერთაშორისო გამჭვირვალობა საქართველო".

კერძოდ, ცვლილებების თანახმად, მაჟორიტარული წესით არჩეული წევრი, წარმომადგენლობითი ორგანოს მიერ უფლებამოსილების ცნობის გარეშე შეძლებს სადეპუტატო საქმიანობის დაწყებას, ცესკოს ოფიციალურ ვებგვერდზე არჩევნების საბოლოო შედეგების შემაჯამებელი ოქმის გამოქვეყნებიდან მე-11 დღეს.

სიახლე მხოლოდ შუალედური არჩევნების შედეგებით არჩეული წევრების უფლებამოსილების ცნობის პროცედურას ეხება.

"გამჭვირვალობის" შეფასებით, "ქართული ოცნება", როგორც ჩანს ცდილობს, საკანონმდებლო ცვლილებების შედეგად უმრავლესობა მოიპოვოს ბათუმის საკრებულოში, სენაკის საკრებულოში არსებული ჩიხური ვითარება კი შეინარჩუნოს და ხელახალი არჩევნების მიღწევით იქაც მყარი უმრავლესობა მიიღოს.

არასამთავრობოს თქმით, საჭიროა ეს კანონპროექტი შეიცავდეს დებულებებს, რომლებმაც არსებული ხარვეზები უნდა გამოასწოროს.

"ქართულმა ოცნებამ გადაწყვიტა, ამ ინიციატივით თავის სასარგებლოდ დაძლიოს ბათუმის საკრებულოში შექმნილი პოლიტიკური კრიზისი. ბათუმის საკრებულომ დღემდე ვერ ცნო საკრებულოს შუალედურ არჩევნებში არჩეული მაჟორიტარი წევრის, "ქართული ოცნების" წარმომადგენლის, რამაზ ჯინჭარაძის უფლებამოსილება, რადგანაც საკრებულოს სხდომებს ოპოზიციური პარტიები ბოიკოტს უცხადებენ და მათ გარეშე საჭირო კვორუმი ვერ გროვდება. კანონის არსებული რედაქციით, ჯინჭარაძის უფლებამოსილების ცნობისთვის საკრებულოს 18 წევრის თანხმობაა საჭირო, "ქართულ ოცნებას" კი საკრებულოში ამდენი წევრი არ ჰყავს. წარმოდგენილი ინიციატივის მიღების შემდეგ რამაზ ჯინჭარაძე გახდება საკრებულოს წევრი და, შესაბამისად, მმართველი პარტია შექმნის უმრავლესობას.

პრობლემური ვითარებაა სენაკის საკრებულოშიც, რომელიც "ქართული ოცნების" ბოიკოტის გამო ვერ იკრიბება. 2021 წლის 3 დეკემბერს პირველივე სხდომაზე პარტია "საქართველოსთვის" პროპორციული სიით არჩეულმა ილია ახალაიამ საკრებულო დატოვა და შედეგად მმართველი პარტიისა და ოპოზიციის ჯამური წარმომადგენლობა გათანაბრდა - თითოეულს 16-16 წევრი ჰყავს, სხდომის გასამართად კი 17 წევრის დასწრებაა საჭირო. სწორედ ამ მომენტიდან "ქართული ოცნების" ბოიკოტის გამო ვერ ხერხდება საკრებულოში ილია ახალაიას ადგილმონაცვლის, ნიკოლოზ შამათავას უფლებამოსილების ცნობა.

ამ კრიზისის დაძლევა "ერთიანი ნაციონალური მოძრაობისა" და პარტია "საქართველოსთვის" წარმომადგენლებმა იმის მტკიცებით სცადეს, რომ 3 დეკემბრის სხდომა დახურულად არ გამოცხადებულა და ამდენად, მის შემდგომ გაგრძელებაზე კვორუმის საჭიროება არ იყო; მათ 9 თებერვალს ხმის დამთვლელი კომისია შექმნეს, ნიკოლოზ შამათავას უფლებამოსილება ცნეს, 23 თებერვალს კი საკრებულოს თავმჯდომარედ "საქართველოსთვის" წარმომადგენელი, ირაკლი კაჭარავა აირჩიეს. ეს გადაწყვეტილებები "ქართული ოცნების" სარჩელის შედეგად სენაკის სასამართლომ დროებით შეაჩერა, თუმცა საბოლოო განაჩენი ჯერ არ გამოუტანია. სენაკის საკრებულოში შექმნილი ჩიხური სიტუაცია გარკვეულწილად კანონმდებლობის გაუმართაობის გამო წარმოიშვა, თუმცა წარმოდგენილი კანონპროექტი მის გამოსწორებას არ ითვალისწინებს", - აცხადებს ორგანიზაცია.

"გამჭვირვალობის თქმით, თუ მიმდინარე წლის 3 ივნისამდე სენაკის საკრებულო ვერ შეიკრიბება, ეს მისი უფლებამოსილების ვადამდე შეწყვეტის საფუძველი გახდება, რაც "ქართული ოცნების" ინტერესებშია. მათ გამოსავლად მიაჩნიათ საკანონმდებლო ცვლილებები, რათა პროპორციული წესით არჩეული წევრის ან/და მისი ადგილმონაცვლის უფლებამოსილების ცნობის საკითხი საკრებულოს გადაწყვეტილებაზე აღარ იყოს დამოკიდებული. ერთიანი მიდგომის საფუძველზე კი, სენაკში ხელახალი არჩევნების გამართვა აღარ იქნება საჭირო.

ორგანიზაცია მოუწოდებს პარლამენტს, არ მოარგოს საკანონმდებლო ცვლილებები მხოლოდ მმართველი პარტიის ინტერესებს ბათუმის საკრებულოში, არამედ ადგილობრივი თვითმმართველობის ორგანოების დაკომპლექტების ერთიანი სტანდარტის შემუშავებასა და დამკვიდრებაზე იმუშაოს.

"გამჭვირვალობის" აზრით, საკრებულოს წევრის უფლებამოსილების ცნობას არცერთ შემთხვევაში არ უნდა სჭირდებოდეს საკრებულოს თანხმობა იმის მიუხედავად, კონკრეტულმა პირმა საყოველთაო არჩევნებში გაიმარჯვა, შუალედურ მაჟორიტარულ არჩევნებში თუ პროპორციული წესით არჩეული წევრის ადგილმონაცვლეა.
Print E-mail
Twitter
სხვა მასალები
პრემიერ-მინისტრი ირაკლი ღარიბაშვილი ევროპული საბჭოს პრეზიდენტ შარლ
მიშელს მადრიდში შეხვდა.
18:29 / 29.06.2022
პრემიერ-მინისტრი ირაკლი ღარიბაშვილი ევროპული საბჭოს პრეზიდენტ შარლ მიშელს მადრიდში შეხვდა.
სოზარ სუბარი, დიმიტრი ხუნდაძე და მიხეილ ყაველაშვილი, რომლებმაც
გუშინ, 28 ივნისს
16:33 / 29.06.2022
სოზარ სუბარი, დიმიტრი ხუნდაძე და მიხეილ ყაველაშვილი, რომლებმაც გუშინ, 28 ივნისს "ქართული ოცნება" და საპარლამენტო
დღეს, თბილისის დროით 14:10 საათზე, საქართველოში მიწისძვრა მოხდა.
დედამიწის შემსწავლელ მეცნიერებათა
14:38 / 29.06.2022
დღეს, თბილისის დროით 14:10 საათზე, საქართველოში მიწისძვრა მოხდა. დედამიწის შემსწავლელ მეცნიერებათა
დუშეთში, მოქალაქის საცხოვრებელი სახლის მიმდებარედ არსებული სათავსო
შენობიდან სხვადასხვა დასახელებისა და რაოდენობის,
13:02 / 29.06.2022
დუშეთში, მოქალაქის საცხოვრებელი სახლის მიმდებარედ არსებული სათავსო შენობიდან სხვადასხვა დასახელებისა და რაოდენობის,
კორონავირუსი

საბჭოთა რეპრესიები

ვიდეო
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
„ჩემი მორდუ“ -  როგორ მუშაობს რეგიონში პირველი ხანდაზმულთა ცენტრი [ვიდეო]
თამაშში ყველაზე მეტად მე მიმართლებს და ვიგებ კიდევაც,
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.