დღეს თბილისში კარატისტთა ახალგაზრდული ნაკრებისთვის სპორტსმენები შეარჩიეს. ისინი ევროპის ჩემპიონატზე გაემგზავრებიან. 57 კილოგრამ წონით კატეგორიაში საქართველოს ზუგდიდელი უტა ფონიავა წარადგენს. უთხრა "ლაივპრესს" მისმა მწვრთნელმა, გელა ანთიამ.

შეჯიბრს პრაღა უმასპინძლებს 17-19 ივნისს.

უტა ფონიავა მსოფლიოს და ევროპის ჩემპიონია შოტოკან კარატეში. ასევე, 2021 წლის ევროპის პრიზიორი WKF ვერსიით. უტა არის საქართველოს ჩემპიონიც. ამასთან, არაერთი საერთაშორისო ტურნირის გამარჯვებული და პრიზიორი.

მანამდე, ევროპის ჩემპიონატზე უფროსებს შორის, რომელიც 25-29 მაისს თურქეთში გაიმართება, უტა ფონიავას ძმა, ლუკა ფონიავა გაემგზავრება. ის 75 კილოგრამ წონით კატეგორიაში იასპარეზებს.