გთავაზობთ ერთიან ევროპულ მომავალთან შემოერთებას - პრეზიდენტი აფხაზებს და ოსებს
საქართველოს პრეზიდენტმა სიტყვით მიმართა საზოგადოებას
დამოუკიდებლობის დღისადმი მიძღვნილ ღონისძიებაზე.
მიმართვის ადრესატები იყვნენ მათ შორის მანვე ოკუპირებული აფხაზეთის
და ცხინვალის რეგიონების მცხოვრებლებს. სალომე ზურაბიშვილის თქმით, ამ
დაძაბულ გარემოში მცდელობაა მოსახლეობას დააჯერონ, თითქოს საქართველომ
შეიძლება, დრო იხელთოს და ძალით ეცადოს ტერიტორიების დაბრუნება. ამ
ყველაფერს სალომე ზურაბიშვილმა მორიგი რუსული დეზინფორმაცია
უწოდა.
"კიდევ ერთხელ მოგმართავთ თქვენ, ჩვენს მოქალაქეებს აფხაზეთსა და ცხინვალში - გიდასტურებთ, რომ საქართველო ომით და ძალით არაფერს დააპირებს თქვენ წინააღმდეგ. დღეს ყველასთვის ნათელია, რომელი ქვეყანა ემუქრება მისი მეზობლების სუვერენობას, იდენტობას და სიცოცხლეს. ეს საქართველო არაა. გთავაზობთ, რომ, როგორც წარსულში ერთად ვქმნიდით ქართულ სახელმწიფოს, ახლაც ერთად შევქმნათ თანასწორუფლებიანი მომავალი. გთავაზობთ ერთიან ევროპულ მომავალთან შემოერთებას. გთავაზობთ თავისუფლებას და თქვენი ენის, იდენტობის, ისტორიის, კულტურის პატივისცემასა და დაცვას. გთავაზობთ ახალ თანხმობას.
ამ დროს რუსეთის კიდევ ერთი პროვოკაცია, რეფერენდუმის და ანექსიის მუქარა ვერ მიაღწევს ჩვენ შორის დაპირისპირების გაღვივებისა და მშვიდობიანი პოლიტიკიდან გადახვევის შედეგს. რუსეთმა კიდევ ერთი საბედისწერო შეცდომა და დანაშაული არ უნდა დაუშვას, და კიდევ ერთხელ არ უნდა სცადოს საერთაშორისო სამართლის ყველა ნორმების და პრინციპების აბუჩად აგდება. ეს უპასუხოდ არ დარჩება და გამოიწვევს საერთაშორისო თანამეგობრობისგან სათანადო რეაქციებს", - განმარტა პრეზიდენტმა.
მისი თქმით, დღეს ქვეყნის წინაშე ახალი შესაძლებლობების და ახალი გამოწვევების დრო დადგა, რაც მათგან ითხოვს გარკვეულ პასუხებს, მზადყოფნას, შორსმჭვრეტელობას, მომავლის ჭვრეტას, გამბედაობას სიფრთხილესთან ერთად და ერთიანობას. პრეზიდენტი ამბობს, რომ ამას იმდენჯერ იტყვის, რამდენჯერაც რამდენჯერაც საქმეს და ერთიანობას დასჭირდება.
სალომე ზურაბიშვილის განცხადებით, 26 მაისს ქართველმა ერმა ერთხელ და სამუდამოდ გადაწყვიტა თავისუფალ, დამოუკიდებელ ქვეყანაში ცხოვრება და უარი თქვა სხვა ქვეყნის ნაწილად ყოფნაზე, მონობაზე. მისივე სიტყვებით, ეს დღე მხოლოდ წარსულის გაცოცხლების დღე არ არის და არც ჩვეულებრივი დღესასწაული, 26 მაისი დაფიქრების და გააზრების დღეა.
"დღე, როცა ჩვენ ქვეყანაზე უნდა ვიფიქროთ და ჩვენს თავს ვკითხოთ, ნუთუ ყველაფერს ვაკეთებთ ისე, როგორც ესაჭიროება ამ ქვეყანას, მის მომავალს, მისი მოსახლეობის კეთილდღეობას, მის დამოუკიდებლობასა და თავისუფლებას? ეს კითხვა ყველამ თავის თავს უნდა დაუსვას, ყველა მოქალაქემ, ამ ქვეყნის ყველა შვილმა, აქ, თუ საზღვრის მიღმა მცხოვრებმა, რამეთუ დამოუკიდებლობა სწორედ ამას ნიშნავს. ჩვენს ხელშია ჩვენი შვილების მომავალი. ამ პასუხისმგებლობას ვერავინ აირიდებს, თუმცა ეს დაფიქრება ცხადია, უფრო ჩვენ გვევალება, ვინც ტრიბუნის აქეთ მხარეს ვდგავართ, რამეთუ მეტი პასუხისმგებლობა გვაკისრია. ეს პასუხისმგებლობა მეტად გამძაფრებულია, რამეთუ საქართველო კიდევ ერთხელ დგას, როგორც საკუთარი ისტორიის არაერთ გადამწყვეტ მომენტში, გზაგასაყარზე", - განაცხადა ზურაბიშვილმა.
მანვე ისაუბრა ევროინტეგრაციაზე და პოლიტიკოსებს ამ მიზნის გარშემო გაერთიანებისკენ მოუწოდა. პრეზიდენტის სიტყვებით, დღეს პირველად რეალური შანსი გაჩნდა, ამ შანსის გაშვებას კი არც ამ მიზნის ირგვლივ შეკრული სამოქალაქო საზოგადოება, არც წინაპრების სულები, არც მომავალი თაობები არ აპატიებთ.
"დღეს, 26 მაისს, ჩემი თხოვნა და მუდარა თქვენდამი, საზოგადოებისადმი და პოლიტიკურ ელიტის მიმართ ორ სიტყვად ითქმის - ძალა ერთობაშია. როდის ,თუ არა დღეს, უნდა შევიგნოთ, რომ სხვა გზა ჩვენ არ გაგვაჩნია. ერთად შეკრულ ერს კი დიდი მომავალი უწერია, ევროპის და ჩვენ თავში დაბრუნებისკენ", - აღნიშნა მან.
"კიდევ ერთხელ მოგმართავთ თქვენ, ჩვენს მოქალაქეებს აფხაზეთსა და ცხინვალში - გიდასტურებთ, რომ საქართველო ომით და ძალით არაფერს დააპირებს თქვენ წინააღმდეგ. დღეს ყველასთვის ნათელია, რომელი ქვეყანა ემუქრება მისი მეზობლების სუვერენობას, იდენტობას და სიცოცხლეს. ეს საქართველო არაა. გთავაზობთ, რომ, როგორც წარსულში ერთად ვქმნიდით ქართულ სახელმწიფოს, ახლაც ერთად შევქმნათ თანასწორუფლებიანი მომავალი. გთავაზობთ ერთიან ევროპულ მომავალთან შემოერთებას. გთავაზობთ თავისუფლებას და თქვენი ენის, იდენტობის, ისტორიის, კულტურის პატივისცემასა და დაცვას. გთავაზობთ ახალ თანხმობას.
ამ დროს რუსეთის კიდევ ერთი პროვოკაცია, რეფერენდუმის და ანექსიის მუქარა ვერ მიაღწევს ჩვენ შორის დაპირისპირების გაღვივებისა და მშვიდობიანი პოლიტიკიდან გადახვევის შედეგს. რუსეთმა კიდევ ერთი საბედისწერო შეცდომა და დანაშაული არ უნდა დაუშვას, და კიდევ ერთხელ არ უნდა სცადოს საერთაშორისო სამართლის ყველა ნორმების და პრინციპების აბუჩად აგდება. ეს უპასუხოდ არ დარჩება და გამოიწვევს საერთაშორისო თანამეგობრობისგან სათანადო რეაქციებს", - განმარტა პრეზიდენტმა.
მისი თქმით, დღეს ქვეყნის წინაშე ახალი შესაძლებლობების და ახალი გამოწვევების დრო დადგა, რაც მათგან ითხოვს გარკვეულ პასუხებს, მზადყოფნას, შორსმჭვრეტელობას, მომავლის ჭვრეტას, გამბედაობას სიფრთხილესთან ერთად და ერთიანობას. პრეზიდენტი ამბობს, რომ ამას იმდენჯერ იტყვის, რამდენჯერაც რამდენჯერაც საქმეს და ერთიანობას დასჭირდება.
სალომე ზურაბიშვილის განცხადებით, 26 მაისს ქართველმა ერმა ერთხელ და სამუდამოდ გადაწყვიტა თავისუფალ, დამოუკიდებელ ქვეყანაში ცხოვრება და უარი თქვა სხვა ქვეყნის ნაწილად ყოფნაზე, მონობაზე. მისივე სიტყვებით, ეს დღე მხოლოდ წარსულის გაცოცხლების დღე არ არის და არც ჩვეულებრივი დღესასწაული, 26 მაისი დაფიქრების და გააზრების დღეა.
"დღე, როცა ჩვენ ქვეყანაზე უნდა ვიფიქროთ და ჩვენს თავს ვკითხოთ, ნუთუ ყველაფერს ვაკეთებთ ისე, როგორც ესაჭიროება ამ ქვეყანას, მის მომავალს, მისი მოსახლეობის კეთილდღეობას, მის დამოუკიდებლობასა და თავისუფლებას? ეს კითხვა ყველამ თავის თავს უნდა დაუსვას, ყველა მოქალაქემ, ამ ქვეყნის ყველა შვილმა, აქ, თუ საზღვრის მიღმა მცხოვრებმა, რამეთუ დამოუკიდებლობა სწორედ ამას ნიშნავს. ჩვენს ხელშია ჩვენი შვილების მომავალი. ამ პასუხისმგებლობას ვერავინ აირიდებს, თუმცა ეს დაფიქრება ცხადია, უფრო ჩვენ გვევალება, ვინც ტრიბუნის აქეთ მხარეს ვდგავართ, რამეთუ მეტი პასუხისმგებლობა გვაკისრია. ეს პასუხისმგებლობა მეტად გამძაფრებულია, რამეთუ საქართველო კიდევ ერთხელ დგას, როგორც საკუთარი ისტორიის არაერთ გადამწყვეტ მომენტში, გზაგასაყარზე", - განაცხადა ზურაბიშვილმა.
მანვე ისაუბრა ევროინტეგრაციაზე და პოლიტიკოსებს ამ მიზნის გარშემო გაერთიანებისკენ მოუწოდა. პრეზიდენტის სიტყვებით, დღეს პირველად რეალური შანსი გაჩნდა, ამ შანსის გაშვებას კი არც ამ მიზნის ირგვლივ შეკრული სამოქალაქო საზოგადოება, არც წინაპრების სულები, არც მომავალი თაობები არ აპატიებთ.
"დღეს, 26 მაისს, ჩემი თხოვნა და მუდარა თქვენდამი, საზოგადოებისადმი და პოლიტიკურ ელიტის მიმართ ორ სიტყვად ითქმის - ძალა ერთობაშია. როდის ,თუ არა დღეს, უნდა შევიგნოთ, რომ სხვა გზა ჩვენ არ გაგვაჩნია. ერთად შეკრულ ერს კი დიდი მომავალი უწერია, ევროპის და ჩვენ თავში დაბრუნებისკენ", - აღნიშნა მან.