თბილისში გაიმართა აქციაა - "ერთად ევროპისკენ". შეკრებილთა თქმით, საქართველო იმსახურებს კანდიდატის სტატუსს, ეს არის ხალხის სურვილი და განწყობა, ამიტომ ევროკავშირის კარები მათთვის უნდა გაიხსნას.

აქციაზე გაჟღერდა საქართველოს, უკრაინის და ევროკავშირის ჰიმნები.

ევროკავშირის დროშაზე შეკრებილებმა დატოვეს ხელმოწერა იმის დასტურად, რომ ნამდვილად სურთ ევროპული ოჯახის წევრობა. მოგვიანებით დროშას ბრიუსელში გააგზავნიან.

მოქალაქეების მიერ ორგანიზებულ აქციას სხვადასხვა სფეროს წარმომადგენლები და პოლიტიკოსებიც შეუერთდნენ.

საქართველო ივნისის ბოლოსთვის ელოდება ევროკავშირის კანდიდატი წევრის სტატუსზე პასუხს.