ახალი ამბები
ზუგდიდსა და თბილისში, „შინ ევროპისკენ“ ფარგლებში დღეს აქციები გაიმართება
FaceBook Twitter
E-mail Print
დღეს პარლამენტთან, კამპანია "შინ ევროპისკენ" ფარგლებში აქცია გაიმართება, რომელსაც მათ შორის, მოქალაქეები სამეგრელოს მუნიციპალიტეტებიდანაც შეუერთდებიან. ორგანიზატორების განცხადებით, მთავარი მოთხოვნა პრემიერ-მინისტრ ირაკლი ღარიბაშვილის გადადგომაა და ეროვნული თანხმობის მთავრობის შექმნა. მათ ხელისუფლებას ერთკვირიანი ვადა მისცეს, რომელიც სწორედ დღეს იწურება.

მოძრაობა "სირცხვილიას" განცხადებით, იმისთვის, რომ ხელისუფლებას დათმობებზე წასვლა აიძულონ, პროტესტი უფრო მწვავე გახდება, თუმცა აუცილებლად შეინარჩუნებს მშვიდობიან და არაძალადობრივ ფორმას.

"სწორედ ამიტომ, ვემზადებით იმისთვის, რომ 3 ივლისს, ერთი ღამით რუსთაველის გამზირზე დავრჩეთ, რასაც კონკრეტული მიზანი ექნება", - ნათქვამია გავრცელებულ ინფორმაციაში.

მანამდე, მოძრაობამ კამპანიის ფარგლებში ქვეყნის მასშტაბით შეხვედრები გამართა. მოსახლეობასთან საუბრების თემა იყო ევროკავშირში საქართველოს წევრობის მნიშვნელობა და ამ მიზნით რეფორმების 12 პუნქტის შესრულების აუცილებლობა, კანდიდატის სტატუსის მისაღებად.

შეხვედრებმა თითქმის ყველგან, ინციდენტების ფონზე ჩაიარა.

მოძრაობის წევრებმა მომხდარში ხელისუფლება დაადანაშაულეს, მმართველ პარტიაში კი საპასუხოდ ამბობენ, რომ ერთადერთი, ვინც ცდილობს პოლარიზაციის პიკისკენ წაიყვანოს სიტუაცია, ოპოზიციაა. ამიტომ, მათ არ უნდა გაუკვირდეთ, თუ მოქალაქეები უპირისპირდებიან.

მოძრაობა "შინ ევროპისკენ" წევრებს, რომელიც პოლიტიკურ პარტიებთან ერთად, სხვადასხვა სფეროს წარმომადგენლებს აერთიანებს, არ სჯერათ, რომ მთავრობა კანდიდატის სტატუსის მისაღებად რეკომდენდაციებს წლის ბოლომდე შეასრულებს. სწორედ ამიტომ ითხოვენ, ეს მისია იკისროს "ეროვნული თანხმობის მთავრობამ - ევროკავშირისთვის".

თბილისში, პარლამენტთან აქცია 20:00 საათზე დაიწყება.

მანამდე, აქცია-პერფორმანსი გაიმართება ზუგდიდში, სახელმწიფო რწმუნებულის ადმინისტრაციის შენობასთან.

ღონისძიების ორგანიზატორთა განმარტებით, აქციის მონაწილეები ზუგდიდის ცენტრალური შადრევნის გარშემო შეკრავენ ცოცხალ ჯაჭვს, რითაც კიდევ ერთხელ დაანახებენ დასავლელ პარტნიორებს, რომ ქართული საზოგადოების უმრავლესობის არჩევანი, სწორედ ევროპულ სივრცეში ინტეგრაციაა.

ევროსაბჭომ უკრაინას და მოლდოვას კანდიდატის სტატუსი, საქართველოს კი ევროპული პერსპექტივა მიანიჭა. ევროპული საბჭოს გადაწყვეტილებით, ისინი მზად არიან ქვეყანას კანდიდატის სტატუსი მიანიჭონ მაშინ, როცა პირობები შესრულდება. ეს პირობები კი 12 პუნქტს მოიცავს და წლის ბოლომდე უნდა შესრულდეს.

ფოტო: ფორმულა
Print E-mail
Twitter
სხვა მასალები
პოლონეთში მიმდინარე 15 და 17 წლამდე ძალოსანთა ევროპის ჩემპიონატზე,
დღეს
13:58 / 16.08.2022
პოლონეთში მიმდინარე 15 და 17 წლამდე ძალოსანთა ევროპის ჩემპიონატზე, დღეს
ზუგდიდში, ანაკლია-განმუხურის დამაკავშირებელი საფეხმავლო ხიდი
დააზიანეს. ადგილობრივი
13:36 / 16.08.2022
ზუგდიდში, ანაკლია-განმუხურის დამაკავშირებელი საფეხმავლო ხიდი დააზიანეს. ადგილობრივი
წუხელ ღამით, ხარკოვის ათიდან ხუთი რაიონი დაიბომბა. ამის შესახებ
ხარკოვის მერი,
10:35 / 16.08.2022
წუხელ ღამით, ხარკოვის ათიდან ხუთი რაიონი დაიბომბა. ამის შესახებ ხარკოვის მერი,
კორონავირუსი

საბჭოთა რეპრესიები

ვიდეო
განახლებული ზუგდიდის ბოტანიკური ბაღი ძველი პრობლემებით [ვიდეო]
ზუგდიდში, ეკატერინე ჭავჭავაძის მიერ გაშენებული ბოტანიკური ბაღი, რომლის რეკონსტრუქციაც 2019 წლის ბოლოს დასრულდა,
ქალები აფხაზეთიდან - ხელსაქმით შეცვლილი ცხოვრება [ვიდეო]
წალენჯიხის სოფელ წყოუშში, ერთი პატარა სახლის ნაქირავებ ოთახში, აფხაზეთიდან
180-მდე ადამიანი არ შემოვუშვით, მათში ალბათ „დოჟდის“ ჟურნალისტიც მოჰყვა - შს მინისტრი
შინაგან საქმეთა მინისტრი უარყოფს ინფორმაციას, რომ უპრეცედენტოდ მოიმატა საქართველოში რუსეთის
ქალთა გაძლიერებისთვის მებრძოლი ფერმერი სოფელ კახათიდან [ვიდეო]
დილაადრიან, როცა ჯერ კიდევ ბნელა და მხოლოდ მამლების
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.