„მოიყვანე ევროპა საქართველოში“ - ზუგდიდში მთავრობას მოსთხოვეს ევროკომისიის პირობების შესრულება [ფოტო]
ზუგდიდში, კამპანია "შინ ევროპისკენ" ფარგლებში აქცია-პერფორმანსი
გაიმართა. რეგიონში სახელმწიფო ადმინისტრაციის
შენობის წინ შეკრებილმა მოქალაქეებმა, არასამთავრობო ორგანიზაციების
წარმომადგენლებმა კიდევ ერთხელ დაადასტურეს - მათი არჩევანი
ევროკავშირის წევრობაა და ხელისუფლებას მოუწოდეს იმოქმედოს.
"მოიყვანე ევროპა საქართველოში", "ერთს ითხოვს მთელი ნაცია - დეოლიგარქიზაცია", "უთხარი რუსეთს უარი, რადგან ჩვენს იქით ევროპაა", "ევროპა ამშვ თუთაშა" (ევროპა ექვს თვეში), - ამ შინაარსის ტრანსფარანტებით შეიკრიბნენ აქციის მონაწილეები.
მოქალაქეებმა მოითხოვეს, არ დაიკარგოს ქვეყნისთვის ეს ისტორიული შანსი.
"სამართლიანი არჩევნების" ზუგდიდის ოფისის ხელმძღვანელი, დავით ლოგუა ამბობს, რომ აქცია-პერფორმანსით სოლიდარობას უცხადებენ და უერთდებიან თბილისში, პარლამენტთან დაგეგმილ აქციას.
მისივე თქმით, ტრანსფარანტებზე გამოტანილი ლოზუნგები და შინაარსი, მოთხოვნები არის ის, რაც საქართველოს ევროპულ ოჯახში დაბრუნებას გულისხმობს:
"ჩვენ გვინდა ევროინტეგრაცია იმისთვის, რომ გვქონდეს სამართლიანი არჩევნები, დაცული იყოს ადამიანის უფლებები, გვქონდეს ხარისხიანი განათლება. ამიტომ, ჩვენი გზა ევროპისკენ, არის უალტერნატივო. ამ საკითხთან დაკავშირებით კითხვებს არ ვსვამთ".
პარლამენტთან აქცია კი 20:00 საათზე დაიწყება. სამეგრელოს მუნიციპალიტეტებიდან, ისევე როგორც ქვეყნის მასშტაბით სხვადასხვა ქალაქებიდან, მოქალაქეები დედაქალაქში დღეს დილით გაემგზავრნენ.
ევროსაბჭომ უკრაინას და მოლდოვას კანდიდატის სტატუსი, საქართველოს კი ევროპული პერსპექტივა მიანიჭა. ევროპული საბჭოს გადაწყვეტილებით, ისინი მზად არიან ქვეყანას კანდიდატის სტატუსი მიანიჭონ მაშინ, როცა პირობები შესრულდება. ეს პირობები კი 12 პუნქტს მოიცავს და წლის ბოლომდე უნდა შესრულდეს.
მოძრაობა "შინ ევროპისკენ" წევრებს, რომელიც პოლიტიკურ პარტიებთან ერთად, სხვადასხვა სფეროს წარმომადგენლებს აერთიანებს, არ სჯერათ, რომ მთავრობა კანდიდატის სტატუსის მისაღებად რეკომენდაციებს წლის ბოლომდე შეასრულებს. სწორედ ამიტომ ითხოვენ, ეს მისია იკისროს "ეროვნული თანხმობის მთავრობამ - ევროკავშირისთვის". ამასთან, გადადგეს პრემიერ-მინისტრი ირაკლი ღარიბაშვილი.
"მოიყვანე ევროპა საქართველოში", "ერთს ითხოვს მთელი ნაცია - დეოლიგარქიზაცია", "უთხარი რუსეთს უარი, რადგან ჩვენს იქით ევროპაა", "ევროპა ამშვ თუთაშა" (ევროპა ექვს თვეში), - ამ შინაარსის ტრანსფარანტებით შეიკრიბნენ აქციის მონაწილეები.
მოქალაქეებმა მოითხოვეს, არ დაიკარგოს ქვეყნისთვის ეს ისტორიული შანსი.
"სამართლიანი არჩევნების" ზუგდიდის ოფისის ხელმძღვანელი, დავით ლოგუა ამბობს, რომ აქცია-პერფორმანსით სოლიდარობას უცხადებენ და უერთდებიან თბილისში, პარლამენტთან დაგეგმილ აქციას.
მისივე თქმით, ტრანსფარანტებზე გამოტანილი ლოზუნგები და შინაარსი, მოთხოვნები არის ის, რაც საქართველოს ევროპულ ოჯახში დაბრუნებას გულისხმობს:
"ჩვენ გვინდა ევროინტეგრაცია იმისთვის, რომ გვქონდეს სამართლიანი არჩევნები, დაცული იყოს ადამიანის უფლებები, გვქონდეს ხარისხიანი განათლება. ამიტომ, ჩვენი გზა ევროპისკენ, არის უალტერნატივო. ამ საკითხთან დაკავშირებით კითხვებს არ ვსვამთ".
პარლამენტთან აქცია კი 20:00 საათზე დაიწყება. სამეგრელოს მუნიციპალიტეტებიდან, ისევე როგორც ქვეყნის მასშტაბით სხვადასხვა ქალაქებიდან, მოქალაქეები დედაქალაქში დღეს დილით გაემგზავრნენ.
ევროსაბჭომ უკრაინას და მოლდოვას კანდიდატის სტატუსი, საქართველოს კი ევროპული პერსპექტივა მიანიჭა. ევროპული საბჭოს გადაწყვეტილებით, ისინი მზად არიან ქვეყანას კანდიდატის სტატუსი მიანიჭონ მაშინ, როცა პირობები შესრულდება. ეს პირობები კი 12 პუნქტს მოიცავს და წლის ბოლომდე უნდა შესრულდეს.
მოძრაობა "შინ ევროპისკენ" წევრებს, რომელიც პოლიტიკურ პარტიებთან ერთად, სხვადასხვა სფეროს წარმომადგენლებს აერთიანებს, არ სჯერათ, რომ მთავრობა კანდიდატის სტატუსის მისაღებად რეკომენდაციებს წლის ბოლომდე შეასრულებს. სწორედ ამიტომ ითხოვენ, ეს მისია იკისროს "ეროვნული თანხმობის მთავრობამ - ევროკავშირისთვის". ამასთან, გადადგეს პრემიერ-მინისტრი ირაკლი ღარიბაშვილი.