არის მოლოდინი, რომ შემოდგომაზე იქნება კორონავირუსის ახალი ტალღა, ცუნამის მსგავსი - ივანე ჩხაიძე
არსებობს რეალური მოლოდინი, რომ შემოდგომაზე საქართველოში "ცუნამის"
მსგავსი კორონავირუსის
ახალი ტალღა დაფიქსირდეს, - განაცხადა იმუნიზაციის ტექნიკურ მრჩეველთა
ეროვნული ჯგუფის ხელმძღვანელმა და იაშვილის სახელობის ბავშვთა
ცენტრალური საავადმყოფოს სამედიცინო დირექტორმა, ივანე ჩხაიძემ.
მისივე თქმით, გასული ორი კვირის წინანდელ სტატისტიკასთან შედარებით, კორონავირუსის შემთხვევებმა 5-ჯერ მოიმატა.
მანვე, მედიაცენტრ "მთავარში" გამართულ პრესკონფერენციაზე აღნიშნა, რომ თუ ეს დინამიკა გაგრძელდა, ისევ მოუწევთ ყოველდღიურ სტატისტიკაზე გადასვლა .
"შემოდგომაზე პიკის მოლოდინი რეალურად არსებობს. კონკრეტული თვეც არის დასახელებული, ოქტომბერი. ტერმინიც არის გამოყენებული, რომელიც ამ მოლოდინის სიმძაფრეს ასახავს, რომ შემოდგომაზე მოგველის კორონავირუსის ახალი ტალღა ცუნამის მსგავსი. ეს ხატოვანი გამოთქმაა, მაგრამ რეალურ მოლოდინს ასახავს. ჩვენ ველოდებით, რომ შემოდგომაზე შემთხვევების მატება იქნება. რამდენად სერიოზული, თქმა რთულია, მაგრამ ბევრი ფაქტია, რომელიც ამ პროგნოზის საშუალებას გვაძლევს, პირველ რიგში, "ომიკრონის" ახალი მუტაციები მეოთხე და მეხუთე, რომლებიც გაცილებით უფრო მეტად არის გადამდები და მათ წინააღმდეგ დაცვითი ძალა ადრე გადატანილ კორონავირუსს არ აქვს", - განაცხადა ივანე ჩხაიძემ.
რეკომენდაციები ისევ იგივეა - ვაქცინაცია, ნიღაბი, დისტანცია, ხელების ჰიგიენა და საზოგადოებრივი თავშეყრის ადგილებიდან თავის მაქსიმალურად არიდება, განსაკუთრებით დახურულ სივრცეში.
გასულ კვირას კორონავირუსს 3 პაციენტი ემსხვერპლა. გამოვლინდა ინფიცირების 2 570 ახალი შემთხვევა, რაც 1512-ით მეტია, ვიდრე წინა კვირის მონაცემი.
მისივე თქმით, გასული ორი კვირის წინანდელ სტატისტიკასთან შედარებით, კორონავირუსის შემთხვევებმა 5-ჯერ მოიმატა.
მანვე, მედიაცენტრ "მთავარში" გამართულ პრესკონფერენციაზე აღნიშნა, რომ თუ ეს დინამიკა გაგრძელდა, ისევ მოუწევთ ყოველდღიურ სტატისტიკაზე გადასვლა .
"შემოდგომაზე პიკის მოლოდინი რეალურად არსებობს. კონკრეტული თვეც არის დასახელებული, ოქტომბერი. ტერმინიც არის გამოყენებული, რომელიც ამ მოლოდინის სიმძაფრეს ასახავს, რომ შემოდგომაზე მოგველის კორონავირუსის ახალი ტალღა ცუნამის მსგავსი. ეს ხატოვანი გამოთქმაა, მაგრამ რეალურ მოლოდინს ასახავს. ჩვენ ველოდებით, რომ შემოდგომაზე შემთხვევების მატება იქნება. რამდენად სერიოზული, თქმა რთულია, მაგრამ ბევრი ფაქტია, რომელიც ამ პროგნოზის საშუალებას გვაძლევს, პირველ რიგში, "ომიკრონის" ახალი მუტაციები მეოთხე და მეხუთე, რომლებიც გაცილებით უფრო მეტად არის გადამდები და მათ წინააღმდეგ დაცვითი ძალა ადრე გადატანილ კორონავირუსს არ აქვს", - განაცხადა ივანე ჩხაიძემ.
რეკომენდაციები ისევ იგივეა - ვაქცინაცია, ნიღაბი, დისტანცია, ხელების ჰიგიენა და საზოგადოებრივი თავშეყრის ადგილებიდან თავის მაქსიმალურად არიდება, განსაკუთრებით დახურულ სივრცეში.
გასულ კვირას კორონავირუსს 3 პაციენტი ემსხვერპლა. გამოვლინდა ინფიცირების 2 570 ახალი შემთხვევა, რაც 1512-ით მეტია, ვიდრე წინა კვირის მონაცემი.