უკრაინის ქალაქი ხარკოვი, რუსმა სამხედროებმა დღეს დილითაც დაბომბეს. ხარკოვის საოლქო-სამხედრო ადმინისტრციის ხელმძღვანელ ოლეგ სინეგუბოვის ინფორმაციით, თავდასხმის შედეგად გარდაიცვალა 2 პირი, 19 კი დაშავდა.

დაჭრილებს შორის ერთი ბავშვია. დაჭრილთაგან მძიმეა 4-ის მდგომარეობა.

სინეგუბოვის ცნობით, რუსეთმა ზალპური ცეცხლის რეაქტიული სისტემა - "ურაგან" გამოიყენეს სავაჭრო ობიექტების და საცხოვრებელი სახლზე იერიშისთვის.

ხარკოვი რუსმა სამხედროებმა 20 ივლისსაც დაბომბეს. დაიღუპა სულ მცირე 3 ადამიანი. მათ შორის 13 წლის ბიჭი.

რუსეთი უკრაინაში 2022 წლის 24 თებერვალს შეიჭრა. საჰაერო და საარტილერიო თავდასხმები ამ დრომდე გრძელდება, რასაც ასობით სამხედრო პირი და მშვიდობიანი მოქალაქე ემსხვერპლა. რუსული სამხედროების მიერ იბომბება საავადმყოფოებიც, საბავშვო ბაღები, სკოლები და დასახლებული პუნქტები. ყოველდღიურად იზრდება დაღუპული ბავშვების რაოდენობაც.