28 აგვისტომდე საქართველოში ცხელი და უმეტესად უნალექო ამინდი შენარჩუნდება. გარემოს ეროვნული სააგენტოს ინფორმაციით, ჰაერის ტემპერატურა დასავლეთ საქართველოში 35, 40 იქნება, სანაპირო რაიონებში 32, 37, აღმოსავლეთ საქართველოში კი 31, 36 გრადუსი სითბო.

ჰაერის მაღალ ტემპერატურასთან ერთად, კოლხეთის დაბლობზე, ზემო იმერეთში, შავი ზღვის სანაპირო რაიონებში, გორი-სურამის მონაკვეთზე და მთიანი რეგიონების ზოგიერთ მუნიციპალიტეტში, სინოპტიკოსები ძლიერ ქარსაც პროგნოზირებენ. მათივე ცნობით, ეს კიდევ უფრო გაზრდის ტყის ხანძრების გაჩენის რისკს.