ზაპორიჟიაში რუსი სამხედროების სარაკეტო თავდასხმის შედეგად წინასწარი ცნობებით, ერთი ადამიანი დაიღუპა და ხუთი დაშავდა. ამის შესახებ ზაპოროჟიეს საოლქო სამხედრო ადმინისტრაციის თავმჯდომარე ალექსანდ სტარუხი იუწყება.

ამასთან უკრაინის პრეზიდენტის ოფისმა გაავრცელა ინფორმაცია, რომ რუსეთმა 9 რაკეტა ჩამოაგდო ზაპოროჟიესა და მის გარეუბნებში. ამავე ცნობებით, ხალხი ნანგრევების ქვეშ დარჩა, სამაშველო ოპერაცია გრძელდება.

"რუსმა არაადამიანებმა სასტუმროს პარკში რაკეტა ჩამოაგდეს. მნიშვნელოვანი ნგრევაა, ხალხი ნანგრევების ქვეშ რჩება. მაშველები მუშაობენ ნანგრევების გასუფთავებაზე და ხალხის გასათავისუფლებლად. ასევე, როგორც უკვე ტრადიციული გახდა რუსი ტერორისტებისთვის, მათ ესროლეს ელექტრო ქვესადგურს. ზაპოროჟიეს ოლქის სამხრეთ დასახლებები ელექტროენერგიის გარეშეა. ასევე არის დარტყმა სატელევიზიო ანძაზე. სასწრაფო დახმარების სამსახურები მუშაობენ შედეგების რაც შეიძლება მალე აღმოფხვრაზე", - იუწყება პრეზიდენტის ოფისი.

რუსული არმია უკრაინაში 2022 წლის 24 თებერვალს, გამთენიისას შეიჭრა. საჰაერო და საარტილერიო თავდასხმები ამ დრომდე გრძელდება, რასაც ასობით სამხედრო პირი და მშვიდობიანი მოქალაქე ემსხვერპლა.