სენაკის საკრებულოს შუალედურ არჩევნებზე, 12:00 საათისთვის ამომრჩეველთა აქტივობა 21,1%-ია, რაც 486 ხმაა. განაცხადეს ცესკოში გამართულ ბრიფინგზე.

ცენტრალურ საარჩევნო ადმინისტრაციაში ამბობენ, რომ საარჩევნო უბნებზე ხმის მიცემის პროცესი მშვიდ ვითარებაში მიმდინარეობს. ამომრჩევლებს აქვთ შესაძლებლობა, თავისუფლად, ყოველგვარი დაბრკოლების გარეშე განახორციელონ კონსტიტუციური უფლება და გამოხატონ საკუთარი ნება.

ცესკო მოუწოდებს ამომრჩევლებს აქტიურობისკენ, რომ მივიდნენ საარჩევნო უბნებზე და გააკეთონ საკუთარი არჩევანი.

სენაკში საკრებულოს შუალედური არჩევნები, გამოკლებული წევრის ასარჩევად ტარდება. მოსახლეობა თეკლათისა და ჭალადიდის ოლქის მაჟორიტარ დეპუტატს ირჩევს.

სამ საარჩევნო უბანზე, სადაც კენჭისყრა მიმდინარეობს, 2 307 ამომრჩეველია რეგისტრირებული.

ოპოზიციური პარტიები, მათ შორის "ნაციონალური მოძრაობა", გახარია საქართველოსთვის" და "ლელო" არჩევნებში პროტესტის ნიშნად არ იღებს მონაწილეობას.