ახალი ამბები
ჰიდროელექტროსადგური, სასტუმროები, უძრავი ქონება - კვლევა ვიქტორ ჯაფარიძისა და მისი ოჯახის ბიზნესინტერესებზე
FaceBook Twitter
E-mail Print
"საერთაშორისო გამჭვირვალობა-საქართველოს" ინფორმაციით, პარლამენტარი ვიქტორ ჯაფარიძე და მისი ოჯახის წევრები ჯამში 11 სხვადასხვა კომპანიის მეწილეები არიან, ფლობენ არაერთ ქონებას მესტიასა და თბილისში, მათ შორის ორ სასტუმროს.

არასამთავრობო ორგანიზაციის მოკვლევით, ვიქტორ ჯაფარიძესთან დაკავშირებულმა კომპანიებმა სახელმწიფო შესყიდვებიდან 7,775,565 ლარი მიიღეს. დეპუტატის, მისი მეუღლე ნათია ხვისტანის და შვილის, ოთარ ჯაფარიძის ბიზნესპარტნიორები მსხვილი შემწირველებიც არიან. მათ ჯამში 533,000 ლარი გაიღეს - "ქართულ ოცნებას" 468,000 ლარი, პრეზიდენტობის კანდიდატს, სალომე ზურაბიშვილს კი 65,000 ლარი შესწირეს.

"საერთაშორისო გამჭვირვალობა-საქართველოს" კვლევაში დეტალურად აქვს განხილული ჯაფარიძის და მისი ოჯახის წევრების ბიზნესი და შემოსავლები. ოჯახის საკუთრებაშია სხვადასხვა ტიპის ბიზნესი, მათ შორის მცირე სიმძლავრის ჰიდროელექტროსადგური, სასტუმროები, როგორც თბილისში ასევე მესტიაში, ასევე ბენზინგასამართი სადგური. გარდა ამისა დეპუტატის შვილი ფლობს წილებს რამდენიმე კომპანიაშიც.

კვლევაში მოცემულია ინფორმაცია პარლამენტარის და მისი ოჯახის უძრავი ქონების შესახებ. კერძოდ, ჯაფარიძეები მხოლოდ მესტიაში რვა მიწის ნაკვეთს ფლობენ, რომელთა ჯამური ფართობი 30,313 კვადრატული მეტრია. სამ ნაკვეთზე შენობა-ნაგებობებიც დგას, მათ შორის არის სასტუმრო „Posta Hotel“.

ვიქტორ ჯაფარიძის საკუთრებაშია: მესტიაში, რუსთაველის ქუჩაზე მდებარე, 413 კვ.მ. სასოფლო-სამეურნეო დანიშნულების მიწის ნაკვეთი.

მესტიის ცენტრში მდებარე 3,653 კვ.მ. სასოფლო-სამეურნეო დანიშნულების მიწის ნაკვეთი.

მესტიაში, სეტის მოედანზე მდებარე 692 კვ.მ. სასოფლო-სამეურნეო (საკარმიდამო) დანიშნულების მიწის ნაკვეთი, მასზე განთავსებული სამი შენობითურთ, საერთო ფართობით 579 კვ.მ.

მესტიაში, ფარჯიანის ქუჩაზე მდებარე 1,789 კვ.მ. სასოფლო-სამეურნეო დანიშნულების მიწის ნაკვეთი.

მესტიაში, კახურში მდებარე 18,224 კვ.მ. სასოფლო-სამეურნეო დანიშნულების მიწის ნაკვეთი.

მესტიაში, ლეგურგულაში მდებარე 4,600 კვ.მ. სასოფლო-სამეურნეო დანიშნულების მიწის ნაკვეთი.

თბილისში, ჩიქოვანის ქუჩაზე მდებარე, მშენებარე ბინა, ფართობით 131.5 კვ.მ.

ვიქტორ ჯაფარიძის მეუღლის, ნათია ხვისტანის საკუთრებაშია, თბილისში, აღმაშენებლის გამზირ 106-ში მდებარე ორი ბინა და სხვენი, საერთო ფართობით 186.54 კვ.მ. სწორედ ამ მისამართზე მდებარეობს ვიქტორ ჯაფარიძის შვილის, ეკატერინე ჯაფარიძის საკუთრებაში არსებული სასტუმრო "ავენიუ 106".

ვიქტორ ჯაფარიძის შვილის, ოთარ ჯაფარიძის საკუთრებაშია:

მესტიაში, სეტის მოედანზე მდებარე 226 კვ.მ. მიწის ნაკვეთი, მასზე განთავსებული შენობითურთ, ფართობით 157.42 კვ.მ.

თბილისში, თამარაშვილის ქუჩაზე მდებარე, მშენებარე ბინა, ფართობით 111.2 კვ.მ.

თბილისში, მგალობლიშვილის ქუჩაზე მდებარე, მშენებარე ავტოსადგომი, ფართობით 18 კვ.მ.

თბილისში, მგალობლიშვილის ქუჩაზე მდებარე 197 კვ.მ. მიწის ნაკვეთი და მასზე განთავსებული შენობა, ფართობით 570 კვ.მ.

თბილისში, მგალობლიშვილის ქუჩაზე მდებარე მშენებარე ბინა, ფართობით 94.5 კვ.მ.

თბილისში, იმედაშვილის ქუჩაზე მდებარე მშენებარე ავტოსადგომი, ფართობით 16 კვ.მ.

ვიქტორ ჯაფარიძის შვილი, ეკატერინე ჯაფარიძე ფლობს 207 კვ.მ. მიწის ნაკვეთს, ასევე მგალობლიშვილის ქუჩაზე.

კვლევით დადგინდა, რომ ვიქტორ ჯაფარიძის არაერთი ნათესავია დასაქმებული საჯარო სამსახურში. მათ შორის არიან:

ეკატერინე ჯაფარიძე, ვიქტორ ჯაფარიძის შვილი - საქართველოს მთავრობის ადმინისტრაციის პროტოკოლის სამსახურის თანამშრომელი;

ნელი ნავერიანი, მესტიის მერის მოადგილე - ვიქტორ ჯაფარიძის ბიძაშვილის მეუღლე;

მაიზერ ჯაფარიძე, მესტიის საკრებულოს თავმჯდომარე - ვიქტორ ჯაფარიძის ბიძაშვილი;

სოფიო ჩხვიმიანი, მესტიის მერიის სოციალური სამსახურის უფროსი - ვიქტორ ჯაფარიძის ბიძაშვილის, მურთაზ ჯაფარიძის მეუღლე;

ზაზა ფალიანი, მესტიის საკრებულოს კომისიის თავმჯდომარე - ვიქტორ ჯაფარიძის ბიძაშვილის შვილი, მაიზერ ჯაფარიძის დისშვილი;

თენგიზ ჩართოლანი, მესტიის მუნიციპალიტეტის შპს "მესტიის საავადმყოფო-ამბულატორიული გაერთიანების" დირექტორი - ვიქტორ ჯაფარიძის ბიზნესპარტნიორის, ოთარ ჩართოლანის ძმა;

ორგანიზაციის ინფორმაციით, ოთარ ჯაფარიძე, ვიქტორ ჯაფარიძის შვილი, 2022 წლის მაისამდე იყო სახელმწიფო უსაფრთხოების სამსახურის თანამშრომელი, რის შემდეგაც დასაქმდა ეროვნული უსაფრთხოების საბჭოს აპარატში.

TI საქართველოს გამოქვეყნებულ ვრცელ კვლევაში საუბარია ასევე დეპუტატის მიერ ხარვეზებით შედგენილ ქონებრივ დეკლარაციაზე, რაც კანონდარღვევაა.

"საერთაშორისო გამჭვირვალობა - საქართველოს" შეფასებით, ვიქტორ ჯაფარიძის საქმიანობა არაერთ კითხვას აჩენს კორუფციის რისკებთან, ნეპოტიზმთან თუ დეპუტატის მანდატის არაკეთილსინდისიერ გამოყენებასთან დაკავშირებით. ორგანიზაცია მოუწოდებს, სახელმწიფო უსაფრთხოების სამსახურის ანტიკორუფციულ დეპარტამენტს და გენერალურ პროკურატურას, შეისწავლონ ვიქტორ ჯაფარიძესთან დაკავშირებული კომპანიების სახელმწიფო შესყიდვებში მონაწილეობის პროცესი და დაადგინონ, შეიცავს თუ არა კორუფციის შესაძლო ნიშნებს;

საჯარო სამსახურის ბიუროს, საგანგებოდ შეამოწმოს დეპუტატ ვიქტორ ჯაფარიძის ქონებრივ დეკლარაციებში მითითებული მონაცემები და არასრული ინფორმაციის აღმოჩენის შემთხვევაში, იმოქმედოს კანონით დადგენილი ნორმებით.

შეგახსენებთ, რომ საქართველოს პარლამენტის წევრი, ვიქტორ ჯაფარიძე მმართველი პარტიიდან 4 ოქტომბერს გავიდა და მოძრაობა "ხალხის ძალას" შეუერთდა. ამავე დღეს მან ტელეკომპანია "პოსტვ"-ის 52% წილი 520 000 ლარად იყიდა.
Print E-mail
Twitter
სხვა მასალები
ზუგდიდში ოჯახი ახალგაზრდა მამაკაცს ეძებს. მისი და, თაკო კვირკვია
სოციალურ ქსელში ავრცელებს
19:14 / 04.12.2022
ზუგდიდში ოჯახი ახალგაზრდა მამაკაცს ეძებს. მისი და, თაკო კვირკვია სოციალურ ქსელში ავრცელებს
საქართველოს პრეზიდენტი, სალომე ზურაბიშვილი 5 დეკემბერს სამუშაო
11:57 / 04.12.2022
საქართველოს პრეზიდენტი, სალომე ზურაბიშვილი 5 დეკემბერს სამუშაო
ზუგდიდელი კიკბოქსიორი დავით ქირია გერმანიის ქალაქ ფრანკფურტში
გამართული შეჯიბრის
11:44 / 04.12.2022
ზუგდიდელი კიკბოქსიორი დავით ქირია გერმანიის ქალაქ ფრანკფურტში გამართული შეჯიბრის
საქართველოს პრეზიდენტი სალომე ზურაბიშვილი უკრაინაში დაღუპული
11:15 / 04.12.2022
საქართველოს პრეზიდენტი სალომე ზურაბიშვილი უკრაინაში დაღუპული
კორონავირუსი

საბჭოთა რეპრესიები

ვიდეო
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
რობოტი „თამადა“ და კედლის სათბური - ზუგდიდელი ახალგაზრდების გამოგონება ბაზარზე გასავლელად ემზადება [ვიდეო]
ზუგდიდში ახალგაზრდები მუდმივად უჩივიან შემეცნებით-გასართობი სივრცეების სიმწირეს, სადაც იდეების
როგორ დავსაქმდე - ზუგდიდში სამუშაოს მაძიებლებისთვის ონლაინ პლატფორმა შეიქმნა  [ვიდეო]
უმუშევრობა საქართველოსთვის ერთ-ერთი მთავარი გამოწვევაა. ადამიანები ასაკის და სქესის განურჩევლად სამსახურს ეძებენ,
საოკუპაციო ხაზთან მცხოვრები მოზარდები ცვლილებებისთვის [ვიდეო]
ახალგაზრდებს, რომლებიც სოფლად ცხოვრობენ, გაცილებით მეტი საჭიროებები აქვთ. იმისთვის, რომ განვითარდნენ და გარემო
80 წლის კეკე მასწავლებელი სოფელ ხაბუმედან [ვიდეო]
მერი (კეკე) გულუა უკვე 60 წელია ჩხოროწყუს სოფელ ხაბუმეს სკოლაში ასწავლის. რამდენიმე წლის წინ სახელმწიფოს
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.