დადიანების ეზოში, იქ სადაც საშობაო მეჯლისისთვის სამზადისი მიმდინარეობს, ხანძარი იყო. შემთხვევის შედეგად არავინ დაშავებულა. დადიანების სასახლეთა ისტორიულ-არქიტექტურული მუზეუმის დირექტორმა დათო ოყუჯავამ "ლაივპრესს" უთხრა, რომ ცეცხლი გაუჩნდა გენერატორს. მისი სიტყვებით, სახანძრო-სამაშველო ჯგუფი ადგილზე მალევე მივიდა და ცეცხლის ჩაქრობა სწრაფად მოხერხდა. დათო ოყუჯავას განცხადებით, ცეცხლი მუზეუმების მოშოროებით, სკეიტ პარკის სიახლოვეს იყო და არანაირი ზიანი არ მოუტანია.

"ძალიან სწრაფად მოვიდნენ მეხანძრეები. ხანძარი 2 წუთ ნახევარში უკვე ჩამქრალი იყო. არაფერი არ დაზიანებულია, არც არავინ დაშავებულა", - თქვა დათო ოყუჯავამ.

შეგახსენებთ, რომ 5-დან 9 ოქტომბრის ჩათვლით, დადიანების მუზეუმი და ეზო დახურულია დამთვალიერებლებისთვის. სასახლის ადმინისტრაციის ინფორმაციით, მიზეზი 29 სექტემბრიდან მიმდინარე სამუშაოებია პროექტისთვის - "საშობაო მეჯლისი დადიანების სასახლეში".

საახალწლოდ ზუგდიდში დადიანების მეჯლისის ტრადიციის აღდგენა შარშან დაიწყო. პირველი ღონისძიებაც გასულ წელს ჩატარდა.