უკრაინაში კიდევ ერთი ქართველი მებრძოლის დაღუპვის შესახებ იუწყებიან სოციალურ ქსელში უკრაინაში მყოფი ქართველი მეომრები. მომხდარზე სხვა დეტალები ჯერ-ჯერობით არ ვრცელდება.

უკრაინაში რუსეთის ომის დაწყებიდან დღემდე 23 ქართველი მებრძოლია დაღუპული.

რუსეთი უკრაინაში 2022 წლის 24 თებერვალს შეიჭრა. საჰაერო და საარტილერიო თავდასხმები ამ დრომდე გრძელდება, რასაც ასობით სამხედრო პირი და მშვიდობიანი მოქალაქე ემსხვერპლა.

რუსული სამხედროების მიერ იბომბება საავადმყოფოებიც, საბავშვო ბაღები, სკოლები და დასახლებული პუნქტები. ყოველდღიურად იზრდება დაღუპული ბავშვების რაოდენობაც.