7-8 ნოემბერს დასავლეთ საქართველოში მოსალოდნელია თბილი, უნალექო და ქარიანი ამინდი. გარემოს ეროვნული სააგენტოს ინფორმაციით, 9-10 ნოემბერს ზოგან იწვიმებს. ღამით მაღალმთაში მოთოვს. ჰაერის ტემპერატურა დღისით +15, +20 გრადუსი იქნება.

აღმოსავლეთ საქართველოში 7-8 ნოემბერს ნისლიანი ამინდი იქნება. ცალკეულ რაიონებში შესაძლოა მცირე წვიმა აღინიშნოს. ჰაერი დღის საათებში +7, +12 გრადუსამდე გათბება.

9-10 ნოემბერს გამოიდარებს. ღამის საათებში ტემპერატურა დაიკლებს, ხოლო დღისით +15 გრადუსამდე მოიმატებს.

თბილისში 7-8 ნოემბერს მცირე წვიმაა მოსალოდნელი. ჰაერის ტემპერატურა დღის საათებში +9, +11 გრადუსი იქნება. 9-10 ნოემბერს გამოიდარებს. ჰაერის ტემპერატურა ღამის საათებში +3, +5 გრადუსამდე დაიკლებს, ხოლო დღისით +15 გრადუსამდე დათბება.