გარდაიცვალა ნოდარ ნათაძე
16:42 / 13.11.2022
93 წლის ასაკში გარდაიცვალა ქართველი პოლიტიკოსი, ლიტერატურათმცოდნე
და ენათმეცნიერი ნოდარ ნათაძე. ის 1957-1963 წლებში იყო საქართველოს
მეცნიერებათა აკადემიის ენათმეცნიერების ინსტიტუტის
მეცნიერ-თანამშრომელი; 1963-1969 წლებში საქართველოს მეცნიერებათა
აკადემიის ლიტერატურის ინსტიტუტის მეცნიერ-თანამშრომელი; 1969 წლიდან
საქართველოს მეცნიერებათა აკადემიის ფილოსოფიის ინსტიტუტის
განყოფილების გამგე; 1990-1991 წლებში საქართველოს რესპუბლიკის
პირველი მოწვევის უზენაესი საბჭოს წევრი; ხელი აქვს მოწერილი
საქართველოს სახელმწიფოებრივი დამოუკიდებლობის აღდგენის აქტზე.
ნოდარ ნათაძე იყო მრავალი სამეცნიერო და პუბლიცისტური ნაშრომის, მონოგრაფიის ავტორი. მისი გარდაცვალების გამო მწუხარებას გამოთქვამს საქართველოს პრემიერ-მინისტრი ირაკლი ღარიბაშვილი.
პრემიერის სიტყვებით, ნათაძემ განსაკუთრებული კვალი დატოვა დამოუკიდებელი საქართველოს სახელმწიფოებრივი აღმშენებლობის გზაზე და საქართველოს დამოუკიდებლობის აღდგენის აქტზე საკუთარი ხელმოწერით მნიშვნელოვანი პირადი წვლილი შეიტანა ამ დიდ საქმეში.
"ნოდარ ნათაძე იყო ადამიანი, რომელიც სიცოცხლის ბოლომდე დარჩა საკუთარი პრინციპების ერთგული, რითაც მრავალი თაობისთვის მაგალითის მიმცემი იქნება. ვუთანაგრძნობ მის ოჯახსა და ახლობლებს", – ნათქვამია ირაკლი ღარიბაშვილის სამძიმრის წერილში.
ნოდარ ნათაძე იყო მრავალი სამეცნიერო და პუბლიცისტური ნაშრომის, მონოგრაფიის ავტორი. მისი გარდაცვალების გამო მწუხარებას გამოთქვამს საქართველოს პრემიერ-მინისტრი ირაკლი ღარიბაშვილი.
პრემიერის სიტყვებით, ნათაძემ განსაკუთრებული კვალი დატოვა დამოუკიდებელი საქართველოს სახელმწიფოებრივი აღმშენებლობის გზაზე და საქართველოს დამოუკიდებლობის აღდგენის აქტზე საკუთარი ხელმოწერით მნიშვნელოვანი პირადი წვლილი შეიტანა ამ დიდ საქმეში.
"ნოდარ ნათაძე იყო ადამიანი, რომელიც სიცოცხლის ბოლომდე დარჩა საკუთარი პრინციპების ერთგული, რითაც მრავალი თაობისთვის მაგალითის მიმცემი იქნება. ვუთანაგრძნობ მის ოჯახსა და ახლობლებს", – ნათქვამია ირაკლი ღარიბაშვილის სამძიმრის წერილში.