უკრაინის პრეზიდენტის ოფისის ხელმძღვანელის მოადგილე კირილ ტიმოშენკოს ინფორმაციით, რუსმა სამხედროებმა ხერსონში 3 მშვიდობიანი მოქალაქე მოკლეს, 11 კი დაიჭრა.

მისივე ცნობით, დნეპროპეტროვსკის ოლქში 1 პირია დაჭრილი, დონეცკსა და ხარკოვში 2-2.

რუსეთი უკრაინაში 2022 წლის 24 თებერვალს შეიჭრა. საჰაერო და საარტილერიო თავდასხმები ამ დრომდე გრძელდება, რასაც ასობით სამხედრო პირი და მშვიდობიანი მოქალაქე ემსხვერპლა.

რუსული სამხედროების მიერ იბომბება საავადმყოფოებიც, საბავშვო ბაღები, სკოლები და დასახლებული პუნქტები. ყოველდღიურად იზრდება დაღუპული ბავშვების რაოდენობაც.