ახალი ამბები
საიამ ზუგდიდში სისხლის სამართლის პროცესებზე დაკვირვების ანგარიში წარადგინა
FaceBook Twitter
E-mail Print
საქართველოს ახალგაზრდა იურისტთა ასოციაციამ ზუგდიდში შეხვედრა გამართა, სადაც სისხლის სამართლის პროცესების მონიტორინგის მე-16 ანგარიშის პრეზენტაცია შედგა.

ორგანიზაციის წარმომადგენლებმა აუდიტორიას გააცნეს სისხლის სამართლის პროცესებზე დაკვირვებისას გამოვლენილი ხარვეზები, პარარელურად კი, იუსტიციის საბჭოს მონიტორინგის შედეგად გამოვლენილ პრობლემურ საკითხებზეც ისაუბრეს.

შეხვედრაზე აღინიშნა, რომ საია საანგარიშო პერიოდში, რომელიც 2021 წლის მარტიდან 2022 წლის სექტემბრის ჩათვლით მონაკვეთს გულისხმობს, ბრალდებულის პირველი წარდგენის 490 სხდომაზე იმყოფებოდა. ამ სხდომებში 559 ბრალდებული მონაწილეობდა. მათგან 95%-ს აღკვეთის ღონისძიება შეეფარდა, დანარჩენს 5%-ს კი არა.

ყველაზე მკაცრი სახე აღმკვეთის ღონისძიების - პატიმრობა, 48%-ის შემთხვევაში გამოიყენა მოსამართლემ. ეს მონაცემი 6%-ით ნაკლებია წინა საანგარიშო პერიოდის მონაცემზე.

საიასვე ცნობით, პროკურატურა 323 ბრალდებულის მიმართ ითხოვდა პატიმრობას. 73-ის შემთხვევაში შუამდგომლობა არ დაკმაყოფილდა.

ორგანიზაციის შეფასებით, 82 პირის მიმართ პატიმრობის გადაწყვეტილება დაუსაბუთებელი, ან არასათანადოდ დასაბუთებული იყო.

რაც შეეხება გირაოს, აღკვეთის ღონისძიების ეს ფორმა სასამართლომ 271 პირის მიმართ გამოიყენა. ბრალდების მხარე 226 პირის მიმართ ითხოვდა გირაოს, სასამართლომ კი მოთხოვნა 22 შემთხვევაში არ დააკმაყოფილა.

საია ამბობს, რომ ბრალდებულის პირველი წარდგენის 114 სხდომაზე გამოყენებული გირაო დაუსაბუთებელი, ან არასათანადოდ დასაბუთებული იყო.

მათივე აზრით, კარგი იქნება, თუ აღმკვეთის ღონისძიების ფორმები გაფართოვდება.

ანგარიშში საუბარი შეეხება საპროცესო შეთანხმებების პრაქტიკასაც. მასში აღნიშნულია, რომ პირველი წარდგენის 369 სხდომიდან, რომელსაც აკვირდებოდნენ, 289 საპროცესო შეთანხმებით დასრულდა. ორგანიზაციის შეფასებით, ყველაზე ხშირად საპროცესო შეთანხმება ფორმდება საკუთრების წინააღმდეგ მიმართულ და ნარკოტიკულ დანაშაულებებზე.

წინა საანგარიშო პერიოდთან შედარებით, 4%-ით გაიზარდა განსაკუთრებით მძიმე კატეგორიის დანაშაულებებზე საპროცესო შეთანხმების მაჩვენებელი. მონიტორინგის ანგარიშის ავტორების თქმით, ნარჩუნდება ტენდენცია, როცა სასამართლო პროკურატურის მიერ წარდგენილ შუამდგლომლობას თითქმის ყოველთვის ამტკიცებს.

საიას ცნობით, 330 ლარით გაიზარდა ჯარიმის საშუალო ოდენობა. ეს ტენდენცია ბოლო 5 წლის მანძილზე პირველად გამოვლინდა. ამასთან, გაიზარდა იმ პირთა რიცხვი, რომელთაც საპროცესო შეთანხმების საფუძველზე ჯარიმა შეუფარდეს.

ორგანიზაციის წარმომადგენლებმა შეხვედრის მონაწილეებს მიაწოდეს ინფორმაცია, რომ გამამართლებელი განაჩენები 2%-ითაა გაზრდილი. თუმცა, მათივე განმარტებით, ამ განაჩენების უმრავლესობა ოჯახში ძალადობაზე მოდის. ხშირად დაზარალებულები უარს ამბობენ ჩვენების მიცემაზე ოჯახის წევრის მიმართ. საია ამბობს, რომ ქალთა გაძლიერების კუთხით ბევრია სამუშაო.

რაც შეეხება სასამართლო პრაქტიკას, ოჯახში ძალადობაში ბრალდებულ 56 პირს პატიმრობა შეეფარდა, 59-ს გირაო. 6 პირი კი აღკვეთის ღონისძების გარეშე დარჩა.

ამასთან, ოჯახში ძალადობის სამ შემთხვევაში, ბრალდებულის მიმართ საპროცესო შეთანხმება გაფორმდა.

საიამ რეკომენდაციებიც შეიმუშავა, უკვე არსებული პრაქტიკის გაუმჯობესების მიზნით. მათ შორის, ორგანიზაცია მიმართავს პარლამენტს, განხორციელდეს საკანონმდებლო ცვლილებები და გაიზარდოს აღკვეთის ღონისძიების ფორმები. კერძოდ, შეთანხმება-გაუსვლელობის და სათანადო ქცევის შესახებ - გამოყენება შესაძლებელი გახდეს ყველა ტიპის დანაშაულზე.

კიდევ ერთი რეკომენდაცია გულისხმობს შემდეგს - ოჯახში ძალადობის საქმეთა განხილვის დროს, მოსამართლეებმა იმოქმედონ სავარაუდო მსხვერპლის უსაფრთხოების ინტერესიდან გამომდინარე და შესაბამისად მიიღონ გადაწყვეტილება აღკვეთის ღონისძიების თუ კონკრეტული სასჯელის გამოყენების თაობაზე.

საიას რეკომენდაციების ადრესატია პროკურატურა და იუსტიციის უმაღლესი საბჭოც.
Print E-mail
Twitter
სხვა მასალები
ინტერნეტგამოცემა
11:47 / 01.02.2023
ინტერნეტგამოცემა "ლაივპრესი" ინფორმაციას, რეგიონში, თუ ქვეყნის მასშტაბით მიმდინარე მოვლენებზე,
5 იანვრამდე საქართველოში უმეტესად უნალექო ამინდია მოსალოდნელი.
გარემოს ეროვნული
13:55 / 30.12.2022
5 იანვრამდე საქართველოში უმეტესად უნალექო ამინდია მოსალოდნელი. გარემოს ეროვნული
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც
უკრაინისა და საქართველოსთვის
10:28 / 30.12.2022
აშშ-ის პრეზიდენტმა, ჯო ბაიდენმა ხელი მოაწერა ბიუჯეტს, რომელიც უკრაინისა და საქართველოსთვის
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი
მედლით დააჯილდოვა
16:13 / 29.12.2022
სალომე ზურაბიშვილმა 13 წლის მარიტა მეფარიშვილი და დევი მეზურნიშვილი მედლით დააჯილდოვა
კორონავირუსი

საბჭოთა რეპრესიები

ვიდეო
პატარა “სანტები” თანატოლების დასახმარებლად [ვიდეო]
საღამოს ექვსი საათია. ბავშვები საკლასო ოთახში შეკრებილან და საახალწლო სათამაშოებს ამზადებენ. ზოგი თექას
ისევ მშივრები, ისევ ქუჩაში - მოქალაქეთა აქტივიზმით გადარჩენილი სიცოცხლეები [ვიდეო]
მიუსაფარ ძაღლებს ზუგდიდის ქუჩებში თითქმის ყოველ ნაბიჯზე ნახავთ. პარკებსა და სკვერებში, კვების ობიექტებთან,
პირველი მეგრულენოვანი ანიმაცია - ხობელი ანიმატორის სტუდია დიდი გეგმებით [ვიდეო]
ძუკუ დელფინია და კოღონა გაბისკირია, პირველი მეგრულენოვანი ანიმაციური სერიალის პერსონაჟები არიან. მათზე
სკოლის ნათხოვარ შენობაში დაწყებული ჩხოროწყუელი მოსწავლეების ბრძოლა უკეთესი გარემოსთვის [ვიდეო]
ჩვენ არ გვაქვს სხვა პლანეტა, - ამბობენ ჩხოროწყუელი მოსწავლეები და გარემოს გადასარჩენად ერთიანდებიან.
მდინარე ჯუმისგან მიტაცებული მიწები და სამანქანე გზა - დარჩელელები აქციებით იმუქრებიან [ვიდეო]
ზუგდიდის სოფელ დარჩელში, კიროვის უბანში, ძლიერი წვიმების დროს მდინარე ჯუმი დიდდება, კალაპოტიდან
ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია,
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.