ღამის განმავლობაში რუსებმა მძიმე არტილერიიდან 5-ჯერ დაბომბეს ნიკოპოლი. დნეპროპეტროვსკის ოლქის სამხედრო ადმინისტრაციის ხელმძღვანელ ვალენტინ რეზნიჩენკოს ინფორმაციით, თავდასხმა განხორციელდა მარგანეცსა და ჩერვონოგრიგორიევსკზეც.

ნიკოპოლში 59 წლის მამაკაცი დაშავდა. ის სახლში მკურნალობს.

დაზიანდა რამდენიმე კერძო სახლი, სამეურნეო შენობა და გიმნაზია.

რუსეთი უკრაინაში 2022 წლის 24 თებერვალს შეიჭრა. საჰაერო და საარტილერიო თავდასხმები ამ დრომდე გრძელდება, რასაც ასობით სამხედრო პირი და მშვიდობიანი მოქალაქე ემსხვერპლა.

რუსული სამხედროების მიერ იბომბება საავადმყოფოებიც, საბავშვო ბაღები, სკოლები და დასახლებული პუნქტები. ყოველდღიურად იზრდება დაღუპული ბავშვების რაოდენობაც.