პარლამენტში შიმშილობას მხოლოდ ანა წითლიძე განაგრძობს
შიმშილობა შეწყვიტა "ერთიანი ნაციონალური მოძრაობის" კიდევ ერთმა
წევრმა, თემურ ჯანაშიამ. მეცხრე
დღეს მისი ჯანმრთელობის მდგომარეობა გაუარესდა და ექიმების
რეკომენდაციით შესაბამისი გადაწყვეტილება მიიღო.
ამ დროისთვის, ექსპრეზიდენტ მიხეილ სააკაშვილის სამკურნალოდ საზღვარგარეთ გადაყვანის მოთხოვნით, შიმშილობას მხოლოდ პარლამენტარი ანა წითლიძე აგრძელებს.
თანაპარტიელ ხატია დეკანოიძის განცხადებით, კატეგორიული რეკომენდაცია არის ანა წითლიძეზეც, რომ შეწყვიტოს შიმშილობა.
მანამდე შიმშილობა დავით კირკიტაძემ და აბდულა ისმაილოვმა შეწყვიტეს იგივე მიზეზით.
ენმ-ის წევრებმა შიმშილობა 15 დეკემბერს დაიწყეს.
ოპოზიციონერი დეპუტატების მოთხოვნაა პატიმრობაში მყოფი საქართველოს მესამე პრეზიდენტის, მიხელ სააკაშვილის სამკურნალოდ სხვა ქვეყანაში გადაყვანა.
მესამე პრეზიდენტი უკრაინიდან საქართველოში ჩამოსვლისას, 2021 წლის პირველ ოქტომბერს დააკავეს. მან პროტესტის ნიშნად მაშინ 50 დღე იშიმშილა. ამის შემდეგ შეექმნა ჯანმრთელობის პრობლემები. ოჯახის წევრების, ადვოკატის თქმით, მიხეილ სააკაშვილის მდგომარეობა მძიმეა, სიცოცხლისთვის სახიფათო, ამიტომ ქვეყნის გარეთ მკურნალობას თვეებია ითხოვენ.
ამ დროისთვის, ექსპრეზიდენტ მიხეილ სააკაშვილის სამკურნალოდ საზღვარგარეთ გადაყვანის მოთხოვნით, შიმშილობას მხოლოდ პარლამენტარი ანა წითლიძე აგრძელებს.
თანაპარტიელ ხატია დეკანოიძის განცხადებით, კატეგორიული რეკომენდაცია არის ანა წითლიძეზეც, რომ შეწყვიტოს შიმშილობა.
მანამდე შიმშილობა დავით კირკიტაძემ და აბდულა ისმაილოვმა შეწყვიტეს იგივე მიზეზით.
ენმ-ის წევრებმა შიმშილობა 15 დეკემბერს დაიწყეს.
ოპოზიციონერი დეპუტატების მოთხოვნაა პატიმრობაში მყოფი საქართველოს მესამე პრეზიდენტის, მიხელ სააკაშვილის სამკურნალოდ სხვა ქვეყანაში გადაყვანა.
მესამე პრეზიდენტი უკრაინიდან საქართველოში ჩამოსვლისას, 2021 წლის პირველ ოქტომბერს დააკავეს. მან პროტესტის ნიშნად მაშინ 50 დღე იშიმშილა. ამის შემდეგ შეექმნა ჯანმრთელობის პრობლემები. ოჯახის წევრების, ადვოკატის თქმით, მიხეილ სააკაშვილის მდგომარეობა მძიმეა, სიცოცხლისთვის სახიფათო, ამიტომ ქვეყნის გარეთ მკურნალობას თვეებია ითხოვენ.