ბლოგები
ზუგდიდის მერმა ახალგაზრდული საბჭო დააფუძნა
FaceBook Twitter
E-mail Print

ბლოგი მოამზადა: ბაჩუკი ქირია და თეონა გოგოხია

სამოქალაქო განვითარების ინსტიტუტი, უკვე მეხუთე თვეა, საქართველოს ხუთ თვითმართველ ქალაქში - ქუთაისი, თელავი, ახალციხე, გორი და ზუგდიდი - ახორციელებს პროექტს, რომლის უმთავრესი მიზანი ქალაქის მერის სათათბირო ორგანოს, ახალგაზრდული საბჭოს დაფუძნებაა. ქალაქ ზუგდიდის მერთან, ბატონ ირაკლი გოგოხიასთან საბჭოს საინიციატივო ჯგუფის პირველი შეხვედრის შემდეგ ახალგაზრდებმა დავიწყეთ აქტიური მუშაობა ჩვენ მიერ შერჩეულ უმნიშვნელოვანეს საკითხზე - რომელიც ეხებოდა ქალაქში ორიგინალური ფორმისა და შინაარსის სტენდის განთავსებას.

 

აღნიშნულ საკითზე მერიის არქიტექტურის სამსახურის უფროსს, ეკატერინე თოდუას შევხვდით და მასთან ერთად განვიხილეთ სტენდის დიზაინთან დაკავშირებული საკითხები, ასევე, სტენდის ფუნქციურად დატვირთვისთვის საჭირო პროცედურები. არქიტექტურის სამსახურმა შემოგვთავაზა სხვადასხვა ვერსია, თუ სად და როგორ შეიძლებოდა სტენდის დადგმა ქალაქში. შემოთავაზებულ იქნა ერთი შესაძლბლობა, რომლის მიხედვითაც ქალაქში სტენდი განთავსდებოდა საზოგადოებრივი ტრანსპორტის მოსაცდელებთან, თუმცა, ახალგაზრდების საინიციატივო ჯგუფმა ამ იდეაზე უარი ვთქვით. პარალელურად მიმდინარეობდა მუშაობა სხვადასხვა პრობლემის ძიებაზე, რომელიც ჩვენს ქალაქს ამჟამად აწუხებს. აღმოჩნდა, რომ ქალაქს არ გააჩნია საზოგადოებრივი საპირფარეშოები, რომლებიც ჰიგიენურ სტანდარტებს აკმაყოფილებს. გადავწყვიტეთ მერთან რიგგარეშე შეხვედრა გაგვემართა და ამ საკითხზე უშუალოდ მასთან გვესაუბრა. როგორც ჩვენთვის გახდა ცნობილი, ამ პრობლემაზე მუშაობა აქტიურად მიმდინარეობს და უახლოეს მომავალში იგი გადაიჭრება. თუმცა, მერმა შემოგვთავაზა, განგვეხორციელებინა მონიტორინგი და თავიდან შეგვესწავლა საზოგადოებრივი საპირფარეშოების ირგვლივ არსებული სიტუაცია. მერმა მოისმინა ჩვენი თვალით დანახული აქტუალური პრობლემები, რომლებიც ეკონომიკისა და ინფრასტრუქტურის განვითარების, სივრცითი მოწყობის, არქიტექტურისა და მშენებლობის ზედამხედველობის სამსახურებთან ერთად განვიხილეთ. 

 

დადგა მერთან ახალგაზრდების საინიციატივო ჯგუფის მეორე ოფიციალური შეხვედრის დროც. ახალგაზრდები უკვე კონკრეტული წინადადებებით და ინფორმაციით წავრსდექით მერის წინაშე. ბატონ ირაკლის შევთავაზეთ ჩვენი მოსაზრება სტენდის განთავსების ადგილისა და დიზაინის ფორმის შესახებ; ასევე განვუცხადეთ, რომ მიმდინარეობს მუშაობა ნახაზებზე, რაც რამდენიმე დღეში დასრულდება, ამასთანავე, მზად იქნება ხარჯთაღრიცხვა - თუ რა თანხა დასჭირდება სტენდის განთავსებას და როგორ მოხდება შემდგომში მისი მართვა საინიციატივო ჯგუფის მიერ. ვფიქრობთ, რომ მერი მიმდინარე თანამშრომლობით კმაყოფილი დარჩა. შეხვედრის ბოლოს თვითმმართველ ქალაქ ზუგდიდში მერის სათათბირო ონგანო - ახალგაზრდული საბჭო ოფიციალურად დაფუძნდა. შესაბამის ბრძანებას ხელი ბატონმა ირაკლი გოგოხიამ 8 აპირლს მოაწერა. ამ ბრძანების მიხედვით, ჩვენს საბჭოს ექნება ერთგვარი შუამავლის ფუნქცია საზოგადოებასა და ქალაქის ხელმძღვანელ პირს შორის, რომელსაც ადგილობრივ საჭიროებებს გავაცნობთ და პრობლემის მოგვარების გზებზეც ერთად ვიფიქრებთ. სამომავლოდ კვლავაც გაგრძელდება მერთან შეხვედრები და ერთობლივი ძალისხმევით ქალაქში სტენდი ოფიციალურად გაიხსნება. სტენდი მრავალფუნქციური იქნება და მის შესახებ საზოგადოებას დამატებით მივაწვდით ინფორმაციას პროექტის განხორციელებისთანავე.

 

ბლოგი მომზადებულია პროექტის „მერის სათათბირო ორგანოს - ახალგაზრდული საბჭოს დაფუძნება“ ფარგლებში. პროექტს მხარს უჭერს სსიპ საარჩევნო სისტემების განვითარების, რეფორმებისა და სწავლების ცენტრი.

Print E-mail
Twitter
სხვა მასალები
ავტორი: ილია ჭანტურია

მალე ხუთი წელი გავა მას შემდეგ, რაც კინო
22:45 / 10.03.2020
ავტორი: ილია ჭანტურია

მალე ხუთი წელი გავა მას შემდეგ, რაც კინო "ატრიუმმა" ფუნქციონირება შეწყვიტა.
ავტორი: გივი გ. ქარჩავა

ამ რამდენიმე დღის წინ ზუგდიდში გაიმართა
19:46 / 26.02.2020
ავტორი: გივი გ. ქარჩავა

ამ რამდენიმე დღის წინ ზუგდიდში გაიმართა "საჯარო" განხილვა ერთ მეტად
ავტორი: ტატო ჩანგელია

ზუგდიდის თეატრში წლებია კონფლიქტი დაუსრულებლად გრძელდება.
13:21 / 15.01.2020
ავტორი: ტატო ჩანგელია

ზუგდიდის თეატრში წლებია კონფლიქტი დაუსრულებლად გრძელდება.






ავტორი: ტატო ჩანგელია

ზუგდიდში „იალჩინ მარკეტის“ თანამშრომლებმა აქცია გამართეს, ისინი
იმას ითხოვენ,
23:58 / 27.09.2018
ავტორი: ტატო ჩანგელია

ზუგდიდში „იალჩინ მარკეტის“ თანამშრომლებმა აქცია გამართეს, ისინი იმას ითხოვენ,
კორონავირუსი

საბჭოთა რეპრესიები

ვიდეო
Life in exile during the pandemic [Documentary film]

In the village Rukhi in Zugdidi municipality, nine internally displaced

ფოტო
სკოლაში პირბადით - სწავლა საკლასო ოთახებში განახლდა [ფოტო]
დღეს, 4 ოქტომბერს სასწავლო პროცესი, რომელიც პანდემიის
ვაქცინაცია ავტობუსში [ფოტო]
ზუგდიდის მუნიციპალიტეტის სოფლებსა და ქალაქში მცხოვრებ მოქალაქეებს
„გვიხარია, რომ მოქალაქეები აქტიურობენ“ - ვაქცინაცია ზუგდიდში [ფოტო]
მოქალაქეთა საყოველთაო ვაქცინაცია ზუგდიდში გრძელდება.
"აქტიურობა მაღალია" - ზუგდიდში "ფაიზერით" ვაქცინაცია დაიწყო [ფოტო]
კორონავირუსის საწინააღმდეგო ამერიკული წარმოების "ფაიზერით"
3 თვე კოვიდტესტირების რეჟიმში - ფოტორეპორტაჟი ენგურის ხიდიდან
აფხაზეთ-სამეგრელოს საოკუპაციო ხაზთან, ენგურის ხიდზე,
მზარეულის მაგიდა
მწყრის ხარჩო მეფურად [ვიდეო]
ხარჩოს მოსამზადებლად დაგვჭირდება:
ხარკალია ლებია
ხარკალია, ძველი მეგრული კერძია, რომლის მთავარი ინგრედიენტი
მარწყვის პანაკოტა
უგემრიელესი დესერტი
ხაჭოს პასკა
ინგრედიენტები
                                     ლეჭკერე
ხულიშ ლეჭკერე - ეს არის ძველი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.